IPL 2018: દિલ્હીની વધુ એક હાર, કિંગ્સ ઇલેવન પંજાબ ટોપ પર

શ્રેયસ ઐય્યરે એકલા હાથે લડત આપી હતી પણ ટીમને જીત અપાવી શક્યા ન હતો. મેન ઓફ ધ મેચ અંકિત રાજપૂતે 4 ઓવરમાં 23 રન આપી 2 વિકેટ ઝડપી હતી. તેણે પૃથ્વી શો અને ગ્લેન મેક્સવેલને સસ્તામાં આઉટ કર્યા હતા. જેમાંથી દિલ્હી બહાર આવી શક્યું ન હતું. જીત સાથે જ પોઇન્ટ ટેબલમાં કિંગ્સ ઇલેવન પંજાબ ટોપ પર પહોંચી ગયું છે.

નવી દિલ્હીઃ કિંગ્સ ઇલેવન પંજાબે આપેલા 144 રનના ટાર્ગેટને હાંસલ કરવા મેદાનમાં ઉતરેલી દિલ્હી 20 ઓવરમાં 8 વિકેટે 139 રન જ બનાવી શક્યું હતું. જેના કારણે પંજાબનો 4 રને રોમાંચક વિજય થયો હતો. પૃથ્વી શોએ 10 બોલમાં 22 રન બનાવી શાનદાર શરૂઆત કરી હતી. જોકે આ પછી કોઈ બેટ્સમેન લાંબુ ટકી શક્યો નહોતો.