IPL 2020 KXIP vs RCB: લોકેશ રાહુલે બનાવ્યા આ મોટા રેકોર્ડ, જાણો વિગત

કિંગ્સ ઇલેવન પંજાબનો કેપ્ટન કેએલ રાહુલ 69 બોલમાં 7 ગગનચુંબી છગ્ગા અને 14 ચોગ્ગાની મદદથી 132 રન બનાવી નોટ આઉટ રહ્યો હતો.

(તસવીર સૌજન્યઃ IPL ટ્વિટર)

IPL 2020 KXIP vs RCB:  ક્રિકેટના મહાકુંભ ગણાતી ઈન્ડિયન પ્રીમિયર લીગમાં આજે છઠ્ઠો મુકાબલો  કેએલ રાહુલના નેતૃત્વ હેઠળની કિંગ્સ ઈલેવન પંજાબ અને વિરાટ કોહલીની રોયલ ચેલેન્જર્સ બેગ્લોર વચ્ચે રમાઈ રહ્યો છે. મેચમાં બેંગ્લોરે ટોસ જીતીને પંજાબને પ્રથમ બેટિંગ માટે આમંત્રણ આપ્યું હતું. પંજાબે 20 ઓવરમાં 3 વિકેટના નુકસાન પર 206 રન બનાવ્યા હતા. કિંગ્સ ઇલેવન પંજાબનો કેપ્ટન કેએલ રાહુલ 69 બોલમાં 7 ગગનચુંબી છગ્ગા અને 14 ચોગ્ગાની મદદથી 132 રન બનાવી નોટ આઉટ રહ્યો હતો. સદી ફટકારવાની સાથે જ તે IPL 2020માં સદી ફટકારનારો પ્રથમ ક્રિકેટર બની ગયો હતો. આઈપીએલમાં સૌથી વધારે વ્યક્તિગત સ્કોર બનાવનારો પણ ભારતીય બન્યો હતો. આ ઉપરાંત આજની મેચમાં 2 રન બનાવવાની સાથે જ આઈપીએલમા તે સૌથી ઝડપી 2000 રન બનાવનારો ભારતીય બેટ્સમેન બની ગયો હતો. રાહુલે આઈપીએલની 60મી ઈનિંગમાં આ કારનામું કર્યું. આઈપીએલમાં સૌથી ઝડપી 2000 રન બનાવવાનો રેક્રોડ ક્રિસ ગેઇલના નામે છે. ગેઇલે 48 ઈનિંગમાં જ આ ઉપલબ્ધિ હાંસલ કરી હતી.

આઈપીએલમાં સૌથી ઝડપી 2000 રન બનાવવાનો ભારતીય રેકોર્ડ ક્રિકેટના ભગવાન સચિન તેંડુલકરના નામે હતો. સચિને 63 ઈનિંગમાં આ કારનામું કર્યુ હતું.