IPL 2020 RCB vs KKR: એબી ડિવિલિયર્સ અને કોહલીની જોડીએ આઈપીએલમાં રચ્યો ઈતિહાસ, બનાવ્યો આ મોટો રેકોર્ડ

કોહલી અને ડિવિલિયર્સે આઈપીએલમાં 10મી વખત 100 કે તેથી વધુ રનના પાર્ટનરશિપ કરી હતી. આઈપીએલમાં કોઈ જોડી દ્વારા આવો રેકોર્ડ બનાવવામાં આવ્યો નથી.

(તસવીર સૌજન્યઃ IPL ટ્વિટર)

IPL 2020 RCB vs KKR:  ક્રિકેટના મહાકુંભ ઈન્ડિયન પ્રીમિયર લીગમાં આજે 28મો મુકાબલો વિરાટ કોહલીના નેતૃત્વ હેઠળની રોયલ ચેલેન્જર્સ બેંગ્લોર અને દિનેશ કાર્તિકની આગેવાની વાળી કોલકાતા નાઈટ રાઈડર્સ વચ્ચે રમાઈ રહ્યો છે.મેચમાં આરસીબીએ ટોસ જીતીને પ્રથમ બેટિંગ કરવાનો નિર્ણય લીધો હતો. બેંગ્લોરે 20 ઓવરમાં 2 વિકેટના નુકસાન પર 194 રન બનાવ્યા હતા. પડીક્કલ અને ફિંચે પ્રથમ વિકેટ માટે 67 રનની પાર્ટનરશિપ કરી હતી. એરોન ફિંચ 37 બોલમાં 4 ચોગ્ગા અને 1 છગ્ગા સાથે 47 રન, પડીક્કલે 23 બોલમાં 4 ચોગ્ગા અને 1 છગ્ગા સાથે 32 રન બનાવ્યા હતા. વિરાટ કોહલી 28 બોલમાં 33 રને નોટઆઉટ રહ્યો હતો. જ્યારે એબી ડિવિલિયર્સે બોલમાં 33 5 ચોગ્ગા અને 6 છગ્ગા વડે અણનમ 73 રન બનાવ્યા હતા. આ સાથે કોહલી અને એબી ડિવિલિયર્સની જોડીએ એક મોટો રેકોર્ડ તેમના નામે કર્યો હતો. કોહલી અને ડિવિલિયર્સે આઈપીએલમાં 10મી વખત 100 કે તેથી વધુ રનના પાર્ટનરશિપ કરી હતી. આઈપીએલમાં કોઈ જોડી દ્વારા આવો રેકોર્ડ બનાવવામાં આવ્યો નથી. બંનએ પાર્ટનરશિપમાં 3000થી વધુ આઈપીએલ રન બનાવ્યા છે. આ પહેલાનો રેકોર્ડ કોહલી અને ગેઇલના નામે હતો. તેમણે 9 વખત 100 થી વધુ રનની ભાગીદારી કરી હતી. જ્યારે ત્રીજા ક્રમે વોર્નર અને ધવનની જોડી છે. તેમણે 6 વખત 100થી વધુની પાર્ટનરશિપ કરી છે.