IPL 2020 RR vs CSK : રાજસ્થાન રૉયલ્સે જીત સાથે કરી સીઝનની શરુઆત, ચેન્નઈ સુપરકિંગ્સને 16 રનથી હરાવ્યું
અંતિમ ઓવરમાં ચેન્નઈને જીત માટે 38 રનની જરૂર હતી. કેપ્ટન મહેન્દ્રસિંહ ધોનીએ ટૉમ કરનની બોલ પર હેટ્રિક સિક્સ ફટકારી હતી. તેમ છતાં ચેન્નઈની ટીમને 16 રનથી હારનો સામનો કરવો પડ્યો હતો.
IPL 2020 RR vs CSK : રાજસ્થાન રૉયલ્સના 217 રનોના લક્ષ્યાંકના જવાબમાં ચેન્નઈ સુપરકિંગ્સ 20 ઓવરમાં 6 વિકેટ ગુમાવી 200 રન જ બનાવી શકી હતી. અને 16 રનથી હારનો સામનો કરવો પડ્યો હતો. ચેન્નઈ માટે ફાફ ડૂ પ્લેસિસે સૌથી વધુ 72 રન બનાવ્યા હતા.
અંતિમ ઓવરમાં ચેન્નઈને જીત માટે 38 રનની જરૂર હતી. કેપ્ટન મહેન્દ્રસિંહ ધોનીએ ટૉમ કરનની બોલ પર હેટ્રિક સિક્સ ફટકારી હતી. તેમ છતાં ચેન્નઈની ટીમને 16 રનથી હારનો સામનો કરવો પડ્યો હતો.આ પહેલા મેચમાં ધોનીના નેતૃત્વ હેઠળની ચેન્નાઈ સુપર કિંગ્સે ટોસ જીતીને પ્રથમ ફિલ્ડિંગનો નિર્ણય લીધો હતો. રાજસ્થાને 20 ઓવરમાં 7 વિકેટના નુકસાન પર 216 રન ફટકાર્યા હતા. રાજસ્થાનની ઈનિંગમાં કુલ 17 છગ્ગા લાગ્યા હતા. ચેન્નાઈ તરફથી સેમ કરને 4 ઓવરમાં 33 રન આપી 3 વિકેટ લીધી હતી. આ સિવાયના તમામ બોલર ખર્ચાળ પુરવાર થયા હતા.
પ્રથમ વિકેટ પડ્યા બાદ મેદાનમાં ઉતરેલા સંજુ સેમસને વિસ્ફોટક બેટિંગ કરી હતી. તેણે 32 બોલમાં 9 છગ્ગા અને 1 ચોગ્ગાની મદદથી 74 રન બનાવ્યા હતા. તેણે બીજી વિકેટ માટે સ્ટીવ સ્મિથ સાથે 121 રનની ભાગીદારી કરી હતી. સ્ટીવ સ્મિથે 47 બોલમાં 4 છગ્ગા અને 4 ચોગ્ગા વડે 69 રન બનાવ્યા હતા. જોફ્રા આર્ચર 8 બોલમાં 27 રન બનાવી નોટ આઉટ રહ્યો હતો.
રાજસ્થાન રૉયલ્સની પ્લેઇંગ ઇલેવન
યશસ્વી જાયસ્વાલ, રૉબિન ઉથપ્પા, સંજૂ સેમસન, સ્ટીવ સ્મિથ, ડેવિડ મિલર, રિયાન પરાગ, ટૉમ કરન, શ્રેયસ ગોપાલ, જોફ્રા આર્ચર, જયદેવ ઉનડકટ, રાહુલ તિવેટીયા
ચેન્નાઇ સુપર કિંગ્સની પ્લેઇંગ ઇલેવન
શેન વૉટસન, મુરલી વિજય, ફાક ડૂ પ્લેસીસ, ઋતુરાજ ગાયકવાડ, કેદાર જાધવ, એમએસ ધોની, રવિન્દ્ર જાડેજા, સેમ કરન, લુંગી એનગિડી, દીપક ચહર, પિયુષ ચાવલા.
ટ્રેન્ડિંગ સમાચાર
ટોપ સ્ટોરી
