GT vs MI Score: રોમાંચક મેચમાં ગુજરાતની શાનદાર જીત, મુંબઈને 6 રને હરાવ્યું
આજે બીજી મેચ ગુજરાત ટાઇટન્સ અને મુંબઇ ઇન્ડિયન્સ વચ્ચે રમાશે. આ મેચ અમદાવાદના નરેન્દ્ર મોદી સ્ટેડિયમમાં રમાશે.
LIVE
Background
Gujarat Titans vs Mumbai Indians Live: આજે બીજી મેચ ગુજરાત ટાઇટન્સ અને મુંબઇ ઇન્ડિયન્સ વચ્ચે રમાશે. આ મેચ અમદાવાદના નરેન્દ્ર મોદી સ્ટેડિયમમાં રમાશે. મુંબઈ ઈન્ડિયન્સની કપ્તાની હાર્દિક પંડ્યા કરશે, જ્યારે ગુજરાત ટાઇટન્સનું સુકાન શુભમન ગિલ પાસે છે. મુંબઈની ટીમે ટોસ જીતી પ્રથમ બોલિંગ કરવાનો નિર્ણય લીધો છે.
અત્યાર સુધી મુંબઈ ઈન્ડિયન્સ અને ગુજરાત ટાઈટન્સ આઈપીએલમાં 4 વખત સામસામે આવી ચૂક્યા છે. મુંબઈ ઈન્ડિયન્સે 2 મેચ જીતી છે. જ્યારે ગુજરાત ટાઇટન્સે 2 મેચ જીતી છે. ગુજરાત ટાઇટન્સ સામે મુંબઇ ઇન્ડિયન્સનો સર્વોચ્ચ સ્કોર 218 રન છે, જ્યારે ગુજરાત ટાઇટન્સનો મુંબઈ ઇન્ડિયન્સ સામે સૌથી વધુ 233 રન છે. તમને જણાવી દઈએ કે હાર્દિક પંડ્યા ગત સિઝન સુધી ગુજરાતનો કેપ્ટન હતો, પરંતુ આ સિઝનમાં તે મુંબઈનો કેપ્ટન છે.
બોલરો માટે મુશ્કેલીઓ વધશે!
આ મેદાન પર અત્યાર સુધીમાં 10 IPL મેચ રમાઈ છે. જેમાં પ્રથમ બેટિંગ કરનાર ટીમે 6 વખત જીત મેળવી છે. જ્યારે રનનો પીછો કરતી ટીમ 4 વખત જીતી છે. નરેન્દ્ર મોદી સ્ટેડિયમમાં મોટાભાગે મોટા સ્કોર બને છે. આ મેદાન પર બેટિંગ કરવી સરળ છે. જોકે, આ સિવાય પિચ પણ બોલરોને મદદ કરે છે. ખાસ કરીને ઝડપી બોલરો શરૂઆતની ઓવરોમાં પડકાર બની શકે છે.
GT vs MI લાઈવ સ્કોર: ગુજરાતે મુંબઈને છ રનથી હરાવ્યું
ગુજરાતે ટૂર્નામેન્ટની શરૂઆત મુંબઈ ઈન્ડિયન્સને છ રને હરાવીને જીત સાથે કરી હતી. આ મેચમાં રોહિત શર્મા અને ડીવાલ્ડ બ્રેવિસે જોરદાર પ્રદર્શન કર્યું હતું. જોકે છેલ્લી ઓવરમાં ઉમેશ યાદવે હાર્દિક પંડ્યા અને પિયુષ ચાવલાની વિકેટ લઈને મેચની બાજી પલટી નાખી હતી.
GT vs MI લાઈવ સ્કોર: બ્રેવિસ 46 રન બનાવીને આઉટ
મુંબઈની ચોથી વિકેટ બ્રેવિસના રૂપમાં પડી હતી. મોહિત શર્માએ તેને 16મી ઓવરના પાંચમા બોલ પર પોતાનો શિકાર બનાવ્યો હતો. તેણે બે ચોગ્ગા અને ત્રણ છગ્ગાની મદદથી 46 રન બનાવ્યા હતા. ટીમને હવે જીતવા માટે 25 બોલમાં 40 રનની જરૂર છે.
GT vs MI Live Score: રોહિત શર્મા 43 રન બનાવી આઉટ
મુંબઈને ત્રીજો ફટકો 107 રનના સ્કોર પર રોહિત શર્માના રૂપમાં લાગ્યો હતો. તે 13મી ઓવરના પહેલા બોલ પર સાઈ કિશોર દ્વારા એલબીડબ્લ્યુ આઉટ થયો હતો. હિટમેને 29 બોલમાં સાત ચોગ્ગા અને એક છગ્ગાની મદદથી 43 રન બનાવ્યા હતા.
પાવરપ્લેમાં મુંબઈ ઈન્ડિયન્સે 52 રન બનાવ્યા
પાવરપ્લેમાં મુંબઈ ઈન્ડિયન્સે બે વિકેટ ગુમાવીને 52 રન બનાવ્યા હતા. મુંબઈ માટે રોહિત શાનદાર બેટિંગ કરી રહ્યો છે. તે 16 બોલમાં 24 રન બનાવીને રમતમાં છે. હિટમેનના બેટમાંથી 4 ચોગ્ગા અને એક છગ્ગો આવ્યો છે.
ગુજરાતે મુંબઈને 169 રનનો ટાર્ગેટ આપ્યો
ગુજરાતે મુંબઈ ઈન્ડિયન્સ સામે 20 ઓવરમાં છ વિકેટ ગુમાવીને 168 રન બનાવ્યા હતા. MIને જીતવા માટે 169 રન બનાવવા પડશે. આ મેચમાં જસપ્રીત બુમરાહ સર્વશ્રેષ્ઠ સાબિત થયો હતો. તેણે ચાર ઓવરમાં 14 રન આપ્યા અને ત્રણ વિકેટ લીધી.
ટ્રેન્ડિંગ સમાચાર
ટોપ સ્ટોરી
