IPL 2024: સુનીલ નારાયણે કરિયરની ફટકારી પ્રથમ સદી, KKR માટે સદી મારનારો ત્રીજો બેટ્સમેન
સુનીલ નારાયણે કોલકાતા નાઈટ રાઈડર્સ તરફથી સૌથી ઝડપી સદીની ઈનિંગ્સ રમવાના રેકોર્ડની બરાબરી કરી લીધી છે. અત્યાર સુધી KKR માટે સૌથી ઝડપી સદી ફટકારવાનો રેકોર્ડ વેંકટેશ અય્યરના નામે હતો
KKR vs RR: ઈડન ગાર્ડન્સમાં રમાયેલી કોલકાતા નાઈટ રાઈડર્સ વિ રાજસ્થાન રોયલ્સ મેચમાં સુનીલ નારાયણે ઈતિહાસ રચ્યો છે. ટોસ હાર્યા બાદ કેકેઆરને પ્રથમ બેટિંગ માટે આમંત્રણ આપવામાં આવ્યું હતું. જો કે એક બાજુથી સતત વિકેટો પડી રહી હતી, પરંતુ બીજી તરફ સુનીલ નારાયણે પોતાની IPL કરિયરની પ્રથમ સદી ફટકારી છે. નારાયણે આરઆર સામેની મેચમાં 49 બોલમાં પોતાની સદી પૂરી કરી હતી. તેણે પોતાની સદી પૂરી કરવા માટે 11 ચોગ્ગા અને 6 ગગનચુંબી છગ્ગા પણ ફટકાર્યા હતા. બોલિંગ ઓલરાઉન્ડર તરીકે જોવામાં આવતા નારાયણની સમગ્ર કારકિર્દીમાં આ પ્રથમ સદી છે. આ પહેલા તેણે લિસ્ટ-A, ફર્સ્ટ ક્લાસ અને T20 ક્રિકેટમાં ક્યારેય સદી ફટકારી ન હતી.
આઈપીએલ 2024માં પાંચમી સદી
નારાયણ હવે IPL 2024માં સદી ફટકારનાર 5મો બેટ્સમેન બની ગયો છે. તેના પહેલા વિરાટ કોહલી, જોસ બટલર, ટ્રેવિસ હેડ અને રોહિત શર્મા વર્તમાન સિઝનમાં સદી ફટકારી ચૂક્યા છે. ઈન્ડિયન પ્રીમિયર લીગના ઈતિહાસમાં અત્યાર સુધી માત્ર વેંકટેશ અય્યર અને બ્રેન્ડન મેક્કુલમે જ કોલકાતા નાઈટ રાઈડર્સ તરફથી રમતા સદી ફટકારી હતી. તેથી, નારાયણ IPLમાં KKR તરફથી રમતા સદી ફટકારનાર માત્ર ત્રીજો ખેલાડી બન્યો છે. નરેને તેની 56 બોલની ઇનિંગમાં 109 રન બનાવ્યા હતા, આ દરમિયાન તેણે 13 ચોગ્ગા અને 6 છગ્ગા પણ ફટકાર્યા હતા.
KKR માટે સૌથી ઝડપી સદી ફટકારનાર બેટ્સમેન
સુનીલ નારાયણે કોલકાતા નાઈટ રાઈડર્સ તરફથી સૌથી ઝડપી સદીની ઈનિંગ્સ રમવાના રેકોર્ડની બરાબરી કરી લીધી છે. અત્યાર સુધી KKR માટે સૌથી ઝડપી સદી ફટકારવાનો રેકોર્ડ વેંકટેશ અય્યરના નામે હતો, જેણે 2023માં મુંબઈ ઈન્ડિયન્સ સામે 49 બોલમાં સદી ફટકારી હતી. હવે સુનીલ નારાયણે પણ આટલા જ બોલમાં સદી પૂરી કરીને ઐયરના રેકોર્ડની બરાબરી કરી લીધી છે. તેના પછી આ લિસ્ટમાં બ્રેન્ડન મેક્કુલમનો નંબર આવે છે, જેણે IPL 2008માં RCB સામે 53 બોલ રમીને સદી પૂરી કરી હતી.
April is a lucky month for us! 💯 pic.twitter.com/ypZucfpDbZ
— KolkataKnightRiders (@KKRiders) April 16, 2024
કોલકાતા નાઈટ રાઈડર્સની પ્લેઈંગ ઈલેવન
ફિલિપ સોલ્ટ (વિકેટકિપર), સુનીલ નારાયણ, અંગક્રિશ રઘુવંશી, શ્રેયસ ઐયર (કેપ્ટન), વેંકટેશ ઐયર, રિંકુ સિંહ, આન્દ્રે રસેલ, રમણદીપ સિંહ, મિશેલ સ્ટાર્ક, વરુણ ચક્રવર્તી, હર્ષિત રાણા
ટ્રેન્ડિંગ સમાચાર
ટોપ સ્ટોરી
