LSG vs SRH Live Score: હૈદરાબાદનો ધમાકેદાર વિજય, લખનૌ પ્લેઓફની રેસમાંથી બહાર
IPL 2025 Live Score, LSG vs SRH: મેચ લખનૌના એકાના સ્ટેડિયમમાં, SRH પ્લેઓફ રેસમાંથી બહાર, LSG ૧૦ પોઈન્ટ સાથે સાતમા સ્થાને, હેડ-ટુ-હેડ રેકોર્ડમાં લખનૌનો દબદબો, બંને ટીમોની સંભવિત પ્લેઈંગ ઈલેવન જાહેર.
Background
Lucknow Super Giants vs Sunrisers Hyderabad, IPL 2025: ઇન્ડિયન પ્રીમિયર લીગ (IPL ૨૦૨૫) માં આજે લખનૌ સુપર જાયન્ટ્સ (LSG) અને સનરાઇઝર્સ હૈદરાબાદ (SRH) વચ્ચે એક મહત્વપૂર્ણ મેચ રમાઈ રહી છે. લખનૌના હોમ ગ્રાઉન્ડ, એકાના સ્ટેડિયમ ખાતે યોજાઈ રહેલી આ મેચ લખનૌ સુપર જાયન્ટ્સ માટે પ્લેઓફની આશાઓ જીવંત રાખવા માટે અત્યંત crucial છે, જ્યારે સનરાઇઝર્સ હૈદરાબાદની ટીમ પહેલેથી જ પ્લેઓફની રેસમાંથી બહાર થઈ ગઈ છે.
SRH એ ટોસ જીતી બોલિંગ પસંદ કરી
આજની મેચમાં સનરાઇઝર્સ હૈદરાબાદના કેપ્ટન પેટ કમિન્સે ટોસ જીતીને પ્રથમ બોલિંગ કરવાનો નિર્ણય લીધો છે. આથી, લખનૌ સુપર જાયન્ટ્સની ટીમ પ્રથમ બેટિંગ કરશે અને હૈદરાબાદ સામે એક મોટો સ્કોર બનાવવાનો પ્રયાસ કરશે.
લખનૌની પ્લેઓફ સ્થિતિ અને પડકારો
IPL ૨૦૨૫માં ત્રણ ટીમો પહેલેથી જ પ્લેઓફ માટે ક્વોલિફાય થઈ ગઈ છે, ત્યારે ચોથી ટીમ કોણ હશે તે એક મોટો પ્રશ્ન છે. હાલમાં મુંબઈ ઈન્ડિયન્સ, દિલ્હી કેપિટલ્સ અને લખનૌ સુપર જાયન્ટ્સ આ છેલ્લી પ્લેઓફ ટિકિટની રેસમાં છે. જો લખનૌ આજે હારી જશે, તો તે સત્તાવાર રીતે પ્લેઓફની રેસમાંથી બહાર થઈ જશે. જોકે, આજની મેચ જીતવાથી પણ લખનૌ સીધું પ્લેઓફ માટે ક્વોલિફાય નહીં થાય, પરંતુ તેની આશાઓ જીવંત રહેશે. લખનૌને પ્લેઓફમાં પહોંચવા માટે તેની બાકીની ત્રણેય મેચ જીતીને ૧૬ પોઈન્ટ સુધી પહોંચવું પડશે અને સાથે સાથે અન્ય ટીમોના પરિણામો પર પણ આધાર રાખવો પડશે.
ટીમોનો રેકોર્ડ અને પોઈન્ટ ટેબલમાં સ્થાન
આ સિઝનમાં હૈદરાબાદની ટીમનો દેખાવ નિરાશાજનક રહ્યો છે. તેઓએ ૧૧ મેચમાંથી માત્ર ત્રણ જ જીતી છે અને સાત મેચમાં હારનો સામનો કરવો પડ્યો છે, જેથી તેમની પાસે ૬ પોઈન્ટ છે. જ્યારે લખનૌ સુપર જાયન્ટ્સે ૧૧ મેચમાંથી ૫ જીતી છે અને ૧૦ પોઈન્ટ સાથે હાલમાં પોઈન્ટ ટેબલમાં સાતમા સ્થાને છે.
હેડ-ટુ-હેડ રેકોર્ડમાં લખનૌનો દબદબો
IPLના ઇતિહાસમાં લખનૌ સુપર જાયન્ટ્સનો સનરાઇઝર્સ હૈદરાબાદ સામેનો રેકોર્ડ અત્યંત મજબૂત છે. બંને ટીમો અત્યાર સુધીમાં ૫ વખત એકબીજા સામે આવી છે, જેમાંથી લખનૌએ ચાર વખત હૈદરાબાદને પરાજય આપ્યો છે, જ્યારે સનરાઇઝર્સ ટીમ લખનૌ સામે માત્ર એક જ વાર જીતી શકી છે. આ સિઝનમાં રમાયેલી મેચમાં પણ લખનૌએ હૈદરાબાદને હરાવ્યું હતું.
વિદેશી ખેલાડીઓ અને સંભવિત પ્લેઈંગ ઈલેવન અપડેટ
લખનૌ માટે સારી વાત એ છે કે તેમના ચારેય મુખ્ય વિદેશી ખેલાડીઓ (અહેવાલો મુજબ નિકોલસ પૂરન, મિશેલ માર્શ, એડન માર્કરામ અને ડેવિડ મિલર) આજની મેચ માટે ઉપલબ્ધ છે અને એક્શનમાં જોવા મળશે. ઉપરાંત, મયંક યાદવના સ્થાને ટીમમાં સામેલ કરાયેલા વિલિયમ ઓરુક પણ ટીમનો ભાગ છે. સનરાઇઝર્સ હૈદરાબાદની વાત કરીએ તો, સ્ટાર ઓપનર ટ્રેવિસ હેડ આજે સવારે જ ભારત આવ્યા હોવાથી તેમના માટે આજની મેચ રમવી મુશ્કેલ છે. વિઆન મુલ્ડર પણ ટીમ સાથે નથી. જોકે, કેપ્ટન પેટ કમિન્સનું રમવું નિશ્ચિત માનવામાં આવે છે.
અમારું મેચ પ્રિડિક્શન મીટર કહી રહ્યું છે કે આ મેચમાં લખનૌ સુપર જાયન્ટ્સનો પલડો ભારે છે અને તેમની જીતની શક્યતા વધુ છે. જોકે, T20 ક્રિકેટમાં કોઈપણ ટીમને ઓછી આંકી શકાય નહીં.
બંને ટીમોની સંભવિત પ્લેઈંગ ઈલેવન
લખનૌ સુપર જાયન્ટ્સ (LSG) સંભવિત પ્લેઈંગ ૧૧: મિશેલ માર્શ, એડન માર્કરામ, નિકોલસ પૂરન, રિષભ પંત (વિકેટકીપર/કેપ્ટન), અબ્દુલ સમદ, આયુષ બદોની, ડેવિડ મિલર, રવિ બિશ્નોઈ, દિગ્વેશ સિંહ રાઠી, અવેશ ખાન અને શાર્દુલ ઠાકુર. ઇમ્પેક્ટ પ્લેયર: પ્રિન્સ યાદવ/આકાશદીપ.
સનરાઇઝર્સ હૈદરાબાદ (SRH) સંભવિત પ્લેઈંગ ૧૧: અભિષેક શર્મા, ઇશાન કિશન (વિકેટકીપર), અનિકેત વર્મા, હેનરિક ક્લાસેન, નીતિશ કુમાર રેડ્ડી, કામિન્દુ મેન્ડિસ, અભિનવ મનોહર, પેટ કમિન્સ (કેપ્ટન), હર્ષલ પટેલ, જયદેવ ઉનડકટ અને જીશાન અંસારી. ઇમ્પેક્ટ પ્લેયર: ઇશાન મલિંગા.
LSG vs SRH Full Highlights: હૈદરાબાદનો ધમાકેદાર વિજય, લખનૌ પ્લેઓફની રેસમાંથી બહાર
સનરાઇઝર્સ હૈદરાબાદે લખનૌ સુપર જાયન્ટ્સને તેમના જ ઘરમાં 7 વિકેટે ધૂળ ચટાડી, લખનૌનું પ્લેઓફનું સપનું ચકનાચૂર. લખનૌએ પ્રથમ બેટિંગ કરતા 20 ઓવરમાં 205 રનનો મોટો સ્કોર બનાવ્યો હતો. જો કે, હૈદરાબાદના બેટ્સમેનોએ આ લક્ષ્યને માત્ર 18.2 ઓવરમાં જ હાંસલ કરી લીધું હતું.
હૈદરાબાદની જીતમાં ઓપનર અભિષેક શર્માએ તોફાની બેટિંગ કરી હતી. તેણે માત્ર 20 બોલમાં 4 ચોગ્ગા અને 6 છગ્ગાની મદદથી 59 રન ફટકાર્યા હતા. ઈશાન કિશને 28 બોલમાં 35 રનનું યોગદાન આપ્યું હતું, જ્યારે હેનરિક ક્લાસેને 28 બોલમાં 47 રનની મહત્વપૂર્ણ ઇનિંગ રમી હતી. કમિન્ડુ મેન્ડિસ 21 બોલમાં 32 રન બનાવીને રિટાયર્ડ હર્ટ થયો હતો.
આ હાર સાથે લખનૌ સુપર જાયન્ટ્સની ટીમ પ્લેઓફની રેસમાંથી સત્તાવાર રીતે બહાર થઈ ગઈ છે, જ્યારે સનરાઇઝર્સ હૈદરાબાદે આ જીત સાથે પ્લેઓફમાં પોતાનું સ્થાન લગભગ નિશ્ચિત કરી લીધું છે.
LSG vs SRH Live Score: હવે 12 બોલમાં ફક્ત 5 રનની જરૂર છે
૧૮ ઓવર પછી, સનરાઇઝર્સ હૈદરાબાદનો સ્કોર ૪ વિકેટે ૨૦૧ રન છે. હવે હૈદરાબાદને ૧૨ બોલમાં ફક્ત પાંચ રનની જરૂર છે. હૈદરાબાદનો વિજય હવે લગભગ નિશ્ચિત છે.
ટોપ સ્ટોરી
ટ્રેન્ડિંગ સમાચાર
