બેંગ્લુરુ અને કોલકાતાની મેચ રદ થાય તો KKR નું શું થશે ? પ્લેઓફ માટે આવું છે સમીકરણ
સસ્પેન્શન પછી IPL 2025 ફરી શરૂ થઈ ગઈ છે. રોયલ ચેલેન્જર્સ બેંગ્લોર અને કોલકાતા નાઈટ રાઈડર્સ વચ્ચેની મેચ 17 મેના રોજ યોજાવાની હતી.
RCB vs KKR Playoff Prediction: સસ્પેન્શન પછી IPL 2025 ફરી શરૂ થઈ ગઈ છે. રોયલ ચેલેન્જર્સ બેંગ્લોર અને કોલકાતા નાઈટ રાઈડર્સ વચ્ચેની મેચ 17 મેના રોજ યોજાવાની હતી, પરંતુ વરસાદને કારણે ટોસમાં વિલંબ થયો છે. વરસાદને કારણે મેચ રદ જાહેર થઈ શકે છે, જો આવું થાય તો બંને ટીમોને એક-એક પોઈન્ટ મળશે. આ સ્થિતિમાં, જાણો બેંગલુરુ અને કોલકાતા માટે પ્લેઓફ સમીકરણ પર સૌથી મોટી અસર શું થશે ?
જો મેચ રદ થાય, તો KKR બહાર થઈ જશે ?
જો આપણે પોઈન્ટ ટેબલ પર નજર કરીએ તો કોલકાતા નાઈટ રાઈડર્સ 12 મેચમાં 5 જીત બાદ 11 પોઈન્ટ સાથે છઠ્ઠા સ્થાને છે. તેની પાસે 2 મેચ બાકી છે, તેથી તેના મહત્તમ પોઈન્ટ 15 સુધી પહોંચી શકે છે. કોલકાતા માટે આજનો દિવસ કરો યા મરો જેવો છે કારણ કે જો તેઓ RCB સામે હારી જશે તો તેઓ પ્લેઓફમાંથી બહાર થઈ જશે. KKR ની મુશ્કેલીઓ અહીં સમાપ્ત થતી નથી કારણ કે જો બેંગ્લોર સામેની મેચ રદ થાય તો પણ તેઓ પ્લેઓફની રેસમાંથી બહાર થઈ જશે.
RCB ને આ કરવાની જરૂર છે
રોયલ ચેલેન્જર્સ બેંગ્લોર પ્લેઓફની ખૂબ નજીક છે. બેંગલુરુએ અત્યાર સુધીમાં 11માંથી 8 મેચ જીતી છે અને 16 પોઈન્ટ સાથે પોઈન્ટ ટેબલમાં બીજા ક્રમે છે. RCB પાસે હજુ 3 મેચ બાકી છે. જો આજે બેંગલુરુ કોલકાતા સામે જીતશે તો પ્લેઓફમાં તેનું સ્થાન નિશ્ચિત થઈ જશે. RCB માટે સારી વાત એ છે કે જો KKR સાથેની મેચ રદ થાય છે, તો તેના 17 પોઈન્ટ થશે, જે ટોપ-4માં તેનું સ્થાન લગભગ સુનિશ્ચિત કરશે.
અત્યાર સુધી ત્રણ ટીમો બહાર થઈ ગઈ છે
IPL 2025 ની અત્યાર સુધીની રસપ્રદ વાત એ છે કે 3 ટીમો પ્લેઓફની રેસમાંથી બહાર થઈ ગઈ છે, પરંતુ એક પણ ટીમ પ્લેઓફ માટે ક્વોલિફાય થઈ નથી. અત્યાર સુધી, ચેન્નાઈ સુપર કિંગ્સ, રાજસ્થાન રોયલ્સ અને સનરાઇઝર્સ હૈદરાબાદ બહાર થઈ ગયા છે.
બેંગલુરુના ચિન્નાસ્વામી સ્ટેડિયમમાં મેચ શરૂ થાય તે પહેલા જ વરસાદ વિલન બન્યો છે. ભારે વરસાદના કારણે મેચનો ટોસ સમયસર થઈ શક્યો નથી અને તેમાં વિલંબ થયો છે. 'ઓપરેશન સિંદૂર' પછી IPL ફરી એકવાર શરૂ થઈ રહી છે ત્યારે પહેલી જ મેચમાં વરસાદ વિલન બન્યો. બેંગલુરુમાં છેલ્લા ઘણા દિવસોથી વરસાદ પડી રહ્યો છે અને આજે મેચના દિવસે પણ હવામાન ખરાબ થયું છે, જેના કારણે મેચ નિર્ધારિત સમય પર શરૂ થઈ શકી નથી અને ટોસમાં વિલંબ થયો છે.
પોઈન્ટ ટેબલ અને KKR માટે મહત્વ
પોઈન્ટ ટેબલ પર નજર કરીએ તો, RCB આ સિઝનમાં 11 મેચ રમીને 8 જીત સાથે બીજા સ્થાને છે. જ્યારે KKR 12 મેચ રમીને 5 જીત, 6 હાર અને 1 ડ્રો સાથે 11 પોઈન્ટ સાથે છઠ્ઠા સ્થાને છે. પ્લેઓફમાં પહોંચવા માટે KKR માટે આજની મેચ જીતવી અત્યંત મહત્વપૂર્ણ છે. જો KKR આ મેચ હારી જાય છે કે વરસાદને કારણે રદ થાય છે, તો તેના પ્લેઓફમાં પહોંચવાના રસ્તા મુશ્કેલ બની જશે.
ટોપ સ્ટોરી
ટ્રેન્ડિંગ સમાચાર
