IPL 2022: આવતીકાલથી આઇપીએલ 2022ની શરૂઆત, જાણો ક્યારે અને ક્યાંથી જોઈ શકાશે લાઈવ મેચ?

IPL 2022 ની શરૂઆત ચેન્નઈ સુપર કિંગ્સ અને કોલકાતા નાઈટ રાઈડર્સ વચ્ચેની મેચથી થશે

IPL 2022 ની શરૂઆત ચેન્નઈ સુપર કિંગ્સ અને કોલકાતા નાઈટ રાઈડર્સ વચ્ચેની મેચથી થશે. આ બંને ટીમો ગયા વર્ષે ફાઇનલમાં સામે ટકરાઇ હતી. જોકે આ સીઝનમાં ટીમના કેપ્ટનથી લઇને ટીમના ખેલાડીઓમાં પણ મોટો ફેરફાર થયો છે. આ વખતે ચેન્નઈ સુપર કિંગ્સની કેપ્ટનશીપ રવિન્દ્ર જાડેજાના હાથમાં છે જ્યારે કેકેઆરની કપ્તાની શ્રેયસ ઐય્યરના હાથમાં હતી. નોંધનીય છે કે 12 સીઝન માટે ચેન્નઈ સુપર કિંગ્સ (CSK) ની કેપ્ટનશીપ સંભાળ્યા બાદ અચાનક ધોનીએ કેપ્ટન પદ છોડવાની જાહેરાત કરી હતી.

ટીમમાં અનેક ફેરફાર જોવા મળશે.

દિલ્હી કેપિટલ્સને IPL 2020ની ફાઇનલમાં લઈ જનાર ઐય્યરને ગયા મહિને મેગા ઓક્શનમાં KKR દ્વારા 12.25 કરોડ રૂપિયામાં ખરીદ્યો હતો. કોલકાતા નાઈટ રાઈડર્સને ઈન્ડિયન પ્રીમિયર લીગ 15ની પ્રથમ પાંચ મેચોમાં પાકિસ્તાનના પ્રવાસે ગયેલા ઓસ્ટ્રેલિયન ફાસ્ટ બોલર પેટ કમિન્સ અને બેટ્સમેન એરોન ફિન્ચની ખોટ પડશે. દીપક ચહર અને મોઈન અલી ચેન્નઈ તરફથી આ મેચમાં નહીં રમે. મોઈન અલી વિઝા વિવાદને કારણે મોડો મુંબઈ પહોંચ્યો હતો જ્યારે દીપક ચહર ઈજાને કારણે NCA રિહેબમાં છે.

 

ચેન્નઈ સુપર કિંગ્સ અને કોલકાતા નાઈટ રાઈડર્સ વચ્ચે IPL 2022 ની મેચ ક્યારે રમાશે?

IPL 2022 ની મેચ ચેન્નઈ સુપર કિંગ્સ અને કોલકાતા નાઈટ રાઈડર્સ વચ્ચે શનિવાર, 26 માર્ચે રમાશે.

 

ચેન્નઈ સુપર કિંગ્સ અને કોલકાતા નાઈટ રાઈડર્સ વચ્ચે IPL 2022 ની મેચ કેટલા વાગ્યે શરૂ થશે?

IPL 2022 ની મેચ ચેન્નઈ સુપર કિંગ્સ અને કોલકાતા નાઈટ રાઈડર્સ વચ્ચે IST સાંજે 7:30 વાગ્યે રમાશે. ટોસ સાંજે 7 વાગ્યે થશે.

ચેન્નઈ સુપર કિંગ્સ અને કોલકાતા નાઈટ રાઈડર્સ વચ્ચેની આઈપીએલ 2022ની મેચનું લાઈવ પ્રસારણ કેવી રીતે જોઇ શકાશે.?

ચેન્નઈ સુપર કિંગ્સ અને કોલકાતા નાઈટ રાઈડર્સની મેચોનું સ્ટાર સ્પોર્ટ્સ નેટવર્ક પર જીવંત પ્રસારણ કરવામાં આવશે. જ્યારે લાઈવ સ્ટ્રીમિંગ હોટસ્ટાર પર થશે.

 

કોલકાતા નાઈટ રાઈડર્સ અને ચેન્નઈ સુપર કિંગ્સ વચ્ચે આઈપીએલ 2022 ની મેચ ક્યાં રમાશે?

IPL 2022 ની મેચ કોલકાતા નાઈટ રાઈડર્સ અને ચેન્નાઈ સુપર કિંગ્સ વચ્ચે વાનખેડે ઈન્ટરનેશનલ ક્રિકેટ સ્ટેડિયમમાં રમાશે.