IPL Final: આજે પ્રથમ બેટિંગ કરનારી ટીમ કેટલો કરી શકે છે સ્કૉર, ટૉસ જીતવું કેટલું મહત્વપૂર્ણ ? જાણો
Narendra Modi Stadium Pitch Report: વર્ષ 2025માં આ મેદાન પર કુલ આઠ મેચ રમાઈ છે જેમાં પ્રથમ બેટિંગ કરનારી ટીમે 6 મેચ જીતી છે
Narendra Modi Stadium Pitch Report: IPL 2025 ના અંતિમ મુકાબલામાં આજે નરેન્દ્ર મોદી સ્ટેડિયમ ખાતે RCB અને પંજાબ ટાઇટલ માટે ટક્કર આપશે. આ મેચ સાંજે 7:30 વાગ્યે શરૂ થશે. આના બરાબર અડધા કલાક પહેલા બંને ટીમોના કેપ્ટન ટોસ માટે મેદાનમાં આવશે. આજની મેચમાં ટોસથી લઈને પિચ સુધી બધું જ મહત્વપૂર્ણ ભૂમિકા ભજવશે. આવી સ્થિતિમાં, ચાલો જાણીએ કે આ મેચમાં પીચનો મૂડ કેવો રહેશે.
નરેન્દ્ર મોદી સ્ટેડિયમની પીચ કેવી રહેશે
નરેન્દ્ર મોદી સ્ટેડિયમની પીચ બેટ્સમેનોને મદદ કરશે. ક્વૉલિફાયર 2 માં પણ આ મેદાન પર ઘણા રન બન્યા હતા. મુંબઈ ઇન્ડિયન્સે 203 રન બનાવ્યા જે પંજાબ કિંગ્સે સરળતાથી હાંસલ કરી લીધા.
વર્ષ 2025માં આ મેદાન પર કુલ આઠ મેચ રમાઈ છે જેમાં પ્રથમ બેટિંગ કરનારી ટીમે 6 મેચ જીતી છે.
જોકે, અહીં રસપ્રદ વાત એ છે કે આ જ મેદાન પર મુંબઈ ઈન્ડિયન્સ સામેની છેલ્લી મેચમાં પંજાબ કિંગ્સે બીજી ઇનિંગમાં બેટિંગ કરતા 204 રનનો લક્ષ્યાંક હાંસલ કર્યો હતો.
નરેન્દ્ર મોદી સ્ટેડિયમમાં IPL મેચોનો રેકોર્ડ શું છે ?
અહીં અત્યાર સુધીમાં કુલ 43 IPL મેચ રમાઈ છે. પહેલા બેટિંગ કરનારી ટીમે 21 મેચ જીતી છે અને બીજા બેટિંગ કરનારી ટીમે 22 મેચ જીતી છે.
આ મેદાન પર સૌથી વધુ સ્કોર- 243
આ મેદાન પર સૌથી ઓછો સ્કોર- 89
આજની મેચ હાઇ સ્કૉરિંગ બની શકે છે, પ્રથમ બેટિંગ કરનારી ટીમ નરેન્દ્ર મોદી ગ્રાઉન્ડમાં 250ના સ્કૉર સુધી આસાનીથી પહોંચી શકે છે. જેના કારણે બીજી બેટિંગ કરનારી ટીમને મુશ્કેલી પડી શકે છે.
બન્નેની સંભવિત ટીમો -
પંજાબ કિંગ્સ સંભવિત XII: -
1 પ્રિયાંશ આર્ય, 2 પ્રભસિમરન સિંઘ, 3 જોશ ઇંગ્લિસ (વિકેટકીપર), 4 શ્રેયસ અય્યર (કેપ્ટન), 5 નેહલ વાધેરા, 6 શશાંક સિંઘ, 7 માર્કસ સ્ટોઇનિસ, 8 અઝમતુલ્લા ઓમરઝાઈ, 9 વિજય કુમાર બૈશક, 10, કાઇલી જેમીસન, 11 અર્શદીપ સિંહ, 12 યુઝવેન્દ્ર ચહલ/હરપ્રીત બ્રાર.
રૉયલ ચેલેન્જર્સ બેંગ્લોર સંભવિત XII: -
1 ફિલ સોલ્ટ, 2 વિરાટ કોહલી, 3 મયંક અગ્રવાલ, 4 રજત પાટીદાર (કેપ્ટન), 5 લિયામ લિવિંગસ્ટોન/ટિમ ડેવિડ, 6 જીતેશ શર્મા (વિકેટકીપર), 7 રોમારીયો શેફર્ડ, 8 ક્રુણાલ પંડ્યા, 9 ભુવનેશ્વર કુમાર, 10 યશ દલાલ, 11 જોશ હેઝલવુડ, 12 સુયશ શર્મા.
ટોપ સ્ટોરી
ટ્રેન્ડિંગ સમાચાર
