LSG vs KKR IPL 2022: આજે લખનઉ સુપરજાયન્ટ્સ અને કોલકત્તા નાઇટ રાઇડર્સ વચ્ચે મુકાબલો, જાણો બંન્ને ટીમની સંભવિત પ્લેઇંગ ઇલેવન?

રાહુલની શાનદાર બેટિંગના કારણે લખનઉએ 10માંથી સાત મેચ જીતી છે અને તે 14 પોઈન્ટ સાથે પોઈન્ટ ટેબલમાં બીજા સ્થાને છે

ફોટોઃ IPL

પુણે: ઈન્ડિયન પ્રીમિયર લીગમાં આજે બે મેચ રમાશે. એક મેચમાં કોલકત્તા નાઇટરાઇડર્સ અને લખનઉ સુપર જાયન્ટ્સ વચ્ચે ટકરાશે. પ્લે ઓફની રેસમાં રહેવા કોલકત્તા માટે આજની મેચ મહત્વની છે. બીજી તરફ લખનઉની ટીમ શાનદાર ફોર્મમાં છે. ટીમનો કેપ્ટન કેએલ રાહુલથી કોલકત્તાએ સાવચેત રહેવું પડશે.  રાહુલની શાનદાર બેટિંગના કારણે લખનઉએ 10માંથી સાત મેચ જીતી છે અને તે 14 પોઈન્ટ સાથે પોઈન્ટ ટેબલમાં બીજા સ્થાને છે.

બીજી તરફ કોલકત્તાએ પ્લે ઓફની રેસમાં રહેવું હશે તો આ મેચ કોઇ પણ ભોગે જીતવી જ પડશે. કોલકત્તાએ 10 મેચમાંથી ચાર જીતથી આઠ પોઈન્ટ ધરાવે છે અને હાલમાં તે આઠમા સ્થાને છે. રાહુલ અત્યારે શાનદાર ફોર્મમાં છે. તેણે 10 મેચોમાં 451 રન બનાવ્યા છે જેમાં બે સદી અને અર્ધસદીનો સમાવેશ થાય છે.

ક્વિન્ટન ડી કોક, આયુષ બદોની, દીપક હુડા અને કૃણાલ પંડ્યા ફોર્મમાં છે. આ સિવાય ઓલરાઉન્ડર માર્કસ સ્ટોઈનિસ અને જેસન હોલ્ડરનું પ્રદર્શન પણ ઘણું મહત્ત્વનું રહેશે. તે સિવાય મોહસિન ખાન, દુષ્મંથા ચમીરા, હોલ્ડર અને પંડ્યાએ સારુ પ્રદર્શન કરવું પડશે.

 કોલકત્તા માટે ઓપનિંગ ચિંતાનો વિષય છે. કોલકત્તાએ અત્યાર સુધી ઓપનિંગમાં અનેક જોડી અજમાવી પરંતુ એક પણ સફળ થઇ શકી નથી. એરોન ફિન્ચ અને બાબા ઇન્દ્રજીત ફરી ઓપનિગ કરી શકે છે. કેપ્ટન શ્રેયસ અય્યરે 10 મેચમાં 324 રન બનાવ્યા છે.  નીતિશ રાણા, રિંકુ સિંહ, આન્દ્રે રસેલે સારુ પ્રદર્શન કરવું પડશે.

લખનઉ સુપર જાયન્ટ્સની સંભવિત પ્લેઇંગ ઇલેવન

ક્વિન્ટન ડિકોક, કેએલ રાહુલ, દીપક હુડા, માર્ક્સ સ્ટોઇનિસ, આયુષ બડોની, કૃણાલ પંડ્યા, કૃષ્ણપ્પા ગૌતમ, જેસન હોલ્ડર, દુષ્મંથા ચમીરા, મોહસિન ખાન, રવિ બિશ્નોઇ

કોલકત્તા નાઇટ રાઇડર્સની સંભવિત પ્લેઇંગ ઇલેવન

એરોન ફિંચ/ વેંકટેશ ઐય્યર, બાબા ઇન્દ્રજીત, શ્રેયસ ઐય્યર, નીતિશ રાણા, રિંકૂ સિંહ, સુનીલ નરેન, આંદ્રે રસેલ, ટીમ સાઉથી, શિવમ માવી, અનુકુલ રોય, ઉમેશ યાદવ