મોહમ્મદ શમીએ IPL માં રચ્યો નવો ઈતિહાસ: કૃણાલ પંડ્યાનો વર્ષો જૂનો રેકોર્ડ તોડ્યો, 4 ઓવરમાં માત્ર 9 રન આપીને....

IPL 2026 માં લખનૌ સુપર જાયન્ટ્સ તરફથી રમતા શમીએ પોતાની જ જૂની ટીમ સનરાઇઝર્સ હૈદરાબાદ સામે કહેર વર્તાવ્યો, માત્ર 9 રન આપીને 2 વિકેટ ઝડપી.

mohammed shami sets ipl 2026 record for lucknow super giants against sunrisers hyderabad

Source : IPL

Show Quick Read

Key points generated by AI, verified by newsroom

• મોહમ્મદ શમીએ લખનૌ માટે 4 ઓવરમાં 9 રન આપી 2 વિકેટ ઝડપી.
• આ સાથે શમી 4 ઓવરમાં ઓછા રન આપનાર લખનૌનો બોલર બન્યો.
• ગત સિઝનમાં પોતાની જૂની ટીમ હૈદરાબાદ સામે શમીએ બદલો લીધો.
• શમીએ IPL માં 121 મેચમાં 136 વિકેટ ઝડપી છે.

આઈપીએલ 2026 (IPL 2026) ની સીઝનમાં લખનૌ સુપર જાયન્ટ્સ (LSG) તરફથી રમી રહેલા ઘાતક ફાસ્ટ બોલર મોહમ્મદ શમીએ એક જબરદસ્ત ઈતિહાસ રચી દીધો છે. સનરાઇઝર્સ હૈદરાબાદ (SRH) સામે રમાયેલી મેચમાં શમીએ એવી ખતરનાક બોલિંગ કરી કે જે આજ સુધી લખનૌના કોઈ બોલરે નથી કરી. તેણે પોતાના 4 ઓવરના સ્પેલમાં માત્ર 9 રન આપીને 2 મહત્વની વિકેટ ઝડપી લીધી છે. આ સાથે જ તે લખનૌ માટે 4 ઓવરમાં સૌથી ઓછા રન આપનાર બોલર બની ગયો છે. રસપ્રદ વાત એ છે કે, શમીએ આ કારનામું પોતાની જ જૂની ફ્રેન્ચાઈઝી હૈદરાબાદ સામે કર્યું છે, જેણે ગત સીઝનમાં ખરાબ પ્રદર્શનના કારણે તેને ટીમમાંથી બહાર કરી દીધો હતો.

કૃણાલ પંડ્યાનો રેકોર્ડ તોડ્યો

ટૂર્નામેન્ટની 10મી લીગ મેચ હૈદરાબાદના રાજીવ ગાંધી સ્ટેડિયમમાં રમાઈ રહી હતી. આ મેચમાં શમીએ આગ ઝરતી બોલિંગ કરતા 2.20 ની શાનદાર ઇકોનોમી રેટ સાથે 4 ઓવરમાં ફક્ત 9 રન જ આપ્યા. આ આંકડાઓ સાથે તેણે લખનૌ સુપર જાયન્ટ્સ માટે નવો રેકોર્ડ કાયમ કર્યો છે. આ પહેલા આ ખાસ રેકોર્ડ સ્પિનર કૃણાલ પંડ્યાના નામે હતો. 2022 ની સીઝનમાં કૃણાલે પુણેમાં રમાયેલી મેચમાં 4 ઓવરમાં 2.75 ની ઇકોનોમીથી માત્ર 11 રન આપ્યા હતા.

લખનૌ માટે સૌથી શાનદાર બોલિંગ સ્પેલ (4 ઓવરમાં સૌથી ઓછા રન):

2/9   મોહમ્મદ શમી વિરુદ્ધ હૈદરાબાદ (હૈદરાબાદ, 2026)   ઇકોનોમી 2.20

2/11   કૃણાલ પંડ્યા વિરુદ્ધ પંજાબ (પુણે, 2022)   ઇકોનોમી 2.75

3/11   કૃણાલ પંડ્યા વિરુદ્ધ ગુજરાત (લખનૌ, 2024)   ઇકોનોમી 2.75

જૂની ટીમ સામે જ લીધો બરાબરનો બદલો

તમને જણાવી દઈએ કે, શમી ગત સીઝન સુધી સનરાઇઝર્સ હૈદરાબાદનો જ ભાગ હતો. પરંતુ 2025 ની સીઝન તેના માટે કંઈ ખાસ રહી ન હતી. તેણે 9 મેચની 9 ઇનિંગ્સમાં બોલિંગ કરીને 11.23 ની અત્યંત મોંઘી ઇકોનોમી સાથે માત્ર 6 વિકેટ જ લીધી હતી. આ નબળા પ્રદર્શનને જોઈને હૈદરાબાદની ટીમે એક ઓલ કેશ ટ્રેડ ડીલ (All cash deal) દ્વારા શમીને લખનૌ સુપર જાયન્ટ્સમાં મોકલી દીધો હતો. હવે શમીએ પોતાની આ જ જૂની ટીમ સામે તબાહી મચાવીને જડબાતોડ જવાબ આપ્યો છે. અગાઉ દિલ્હી સામે રમાયેલી મેચમાં પણ શમીએ 4 ઓવરમાં 28 રન આપીને 1 વિકેટ લીધી હતી.

શમીની શાનદાર IPL કરિયર પર એક નજર

જો મોહમ્મદ શમીના એકંદર IPL આંકડાઓ પર નજર કરીએ તો, તેણે અત્યાર સુધીમાં કુલ 121 મેચ રમી છે. આ 121 ઇનિંગ્સમાં તેણે 27.83 ની એવરેજથી કુલ 136 વિકેટ પોતાના નામે કરી છે. આખી કરિયરમાં તેની ઇકોનોમી 8.55 ની રહી છે. આઈપીએલમાં તેનું બેસ્ટ પ્રદર્શન માત્ર 11 રન આપીને 4 વિકેટ લેવાનું છે. તે પોતાની કારકિર્દીમાં અત્યાર સુધી બે વખત એક જ મેચમાં 4 વિકેટ લેવાનું કારનામું કરી ચૂક્યો છે.

આ પણ વાંચો

GT vs RR: છેલ્લા બોલ સુધી ચાલેલા રોમાંચક મુકાબલામાં રાજસ્થાનની શાનદાર જીત, પોતાના જ ઘરમાં હાર્યું ગુજરાત!