RCB vs PBKS: પંજાબે બેંગ્લોરને 54 રનથી હરાવ્યું, સિઝનની છઠ્ઠી જીત મેળવી
આજે IPLમાં પંજાબ કિંગ્સ અને રોયલ ચેલેન્જર્સ બેંગ્લોર આમને સામને હતા. આ મેચમાં પંજાબે બેંગ્લોરને 54 રને હરાવ્યું હતું. 210 રનના સ્કોરનો પીછો કરવા ઉતરેલી બેંગ્લોરની ટીમ 9 વિકેટે 155 રન જ બનાવી શકી હતી.
RCB vs PBKS IPL 2022: આજે IPLમાં પંજાબ કિંગ્સ અને રોયલ ચેલેન્જર્સ બેંગ્લોર આમને સામને હતા. આ મેચમાં પંજાબે બેંગ્લોરને 54 રને હરાવ્યું હતું. 210 રનના સ્કોરનો પીછો કરવા ઉતરેલી બેંગ્લોરની ટીમ 9 વિકેટે 155 રન જ બનાવી શકી હતી. પંજાબ માટે આ મેચમાં રબાડાએ 21 રન આપીને 3 વિકેટ લીધી હતી. તેમના સિવાય રાહુલ ચહર અને ઋષિ ધવનને પણ 2-2 વિકેટ લીધી હતી. આ જીત સાથે પંજાબે પ્લેઓફમાં પહોંચવાની આશા જીવંત રાખી છે. પંજાબ કિંગ્સ માટે સિઝનમાં આ છઠ્ઠી જીત છે.
રોયલ ચેલેન્જર્સ બેંગ્લોરના બેટ્સમેનોએ નિરાશ કર્યા
210 રનના સ્કોરનો પીછો કરતા બેંગ્લોરની શરૂઆત ઝડપી રહી હતી. કોહલી અને ફાફે ઝડપથી 33 રન બનાવ્યા હતા. આ દરમિયાન કોહલી ફરી એકવાર નાના સ્કોરે આઉટ થયો હતો. કોહલી આ મેચમાં 20 રન બનાવીને રબાડાનો શિકાર બન્યો હતો. તેના આઉટ થયા બાદ ફાફ પણ 10 રન બનાવીને ઋષિ ધવનનો શિકાર બન્યો હતો. આ પછી મહિપાલને પણ ઋષિએ આઉટ કર્યો હતો.
3 વિકેટ પડ્યા બાદ રજત અને મેક્સવેલે ટીમની કમાન સંભાળી હતી. બંનેએ 64 રનની ભાગીદારી કરી હતી. ખતરનાક બની રહેતી આ ભાગીદારી સ્પિનર રાહુલ ચહરે તોડી હતી. તેમણે રજતને 21 રન પર આઉટ કર્યો હતો. જો કે, તેના આઉટ થયા બાદ મેક્સવેલ પણ પીચ પર લાંબો સમય ટકી શક્યો ન હતો અને બરારના બોલ પર આઉટ થયો હતો. તેના આઉટ થયા બાદ ચાહકોને કાર્તિક પાસેથી મોટી ઇનિંગ્સની આશા હતી પરંતુ તે પણ 11 રન બનાવીને આઉટ થયો હતો. તેના આઉટ થયા બાદ શાહબાઝ અહેમદ પણ 9 રને આઉટ થયો હતો. તેના આઉટ થયા બાદ કોઈપણ બેટ્સમેન કંઈ ખાસ કરી શક્યો ન હતો અને બેંગ્લોરની ટીમ 9 વિકેટ ગુમાવીને માત્ર 155 રન જ બનાવી શકી હતી. પંજાબ માટે આ મેચમાં રબાડાએ 21 રન આપીને 3 વિકેટ લીધી હતી. જ્યારે તેના સિવાય રાહુલ ચહર અને ઋષિ ધવનને પણ 2-2 વિકેટ લીધી હતી.
પંજાબે મોટો સ્કોર બનાવ્યો હતો
આ પહેલા લિયામ લિવિંગસ્ટોન (70) અને જોની બેરસ્ટો (66)ની શાનદાર બેટિંગના કારણે બ્રેબોર્ન સ્ટેડિયમમાં શુક્રવારે રમાયેલી IPL 2022ની 60મી મેચમાં પંજાબ કિંગ્સે રોયલ ચેલેન્જર્સ બેંગલોરને 210 રનનો લક્ષ્યાંક આપ્યો હતો. પંજાબે 20 ઓવરમાં નવ વિકેટ ગુમાવીને 209 રન બનાવ્યા હતા. બેંગ્લોર તરફથી હર્ષલ પટેલે ચાર વિકેટ ઝડપી હતી. જ્યારે વાનિંદુ હસરંગાએ 2 અને ગ્લેન મેક્સવેલ- શાહબાઝ અહેમદે એક-એક વિકેટ લીધી હતી.
ટ્રેન્ડિંગ સમાચાર
ટોપ સ્ટોરી
