![ABP Premium](https://cdn.abplive.com/imagebank/Premium-ad-Icon.png)
Saudi Arabia: દુનિયાની સૌથી મોંઘી ટી-20 લીગ સેટ-અપ કરવા માંગે છે સાઉદી અરેબિયા, ભારતીય ક્રિકેટર્સને સામેલ કરવાના કરશે પ્રયાસો
આ મોંઘી લીગની સફળતા માટે સાઉદી સરકાર ભારતીય ક્રિકેટરોને પણ સામેલ કરવા માંગે છે
![Saudi Arabia: દુનિયાની સૌથી મોંઘી ટી-20 લીગ સેટ-અપ કરવા માંગે છે સાઉદી અરેબિયા, ભારતીય ક્રિકેટર્સને સામેલ કરવાના કરશે પ્રયાસો Saudi Arabia: Saudi Arabia Wants IPL Owners To Set Up](https://feeds.abplive.com/onecms/images/uploaded-images/2023/04/14/9179f1fe8dec8caeae11ef9f171af213168145424315174_original.jpg?impolicy=abp_cdn&imwidth=1200&height=675)
World's Richest T20 League: સમગ્ર વિશ્વમાં ફ્રેન્ચાઇઝ ક્રિકેટ લીગનો ક્રેઝ સતત વધી રહ્યો છે. આઈપીએલની સફળતા બાદ છેલ્લા કેટલાક વર્ષોમાં વેસ્ટ ઈન્ડિઝ, બાંગ્લાદેશ અને પાકિસ્તાન જેવા દેશોમાં ફ્રેન્ચાઈઝી લીગ શરૂ થઈ છે અને સફળ પણ રહી છે. UAE અને દક્ષિણ આફ્રિકામાં પણ T20 ફ્રેન્ચાઇઝી લીગ શરૂ થઈ છે. આ લીગને પણ સારો પ્રતિસાદ મળી રહ્યો છે. દરમિયાન, સાઉદી અરેબિયાની સરકાર પણ અહીં વિશ્વની સૌથી મોંઘી T20 લીગની શરૂઆત કરવા માંગે છે. આ માટે તેણે આઈપીએલ ફ્રેન્ચાઈઝીના માલિકો સાથે પણ વાતચીત કરી છે.
'ધ એજ'ના એક અહેવાલ અનુસાર, સાઉદી અરેબિયાની સરકારના પ્રતિનિધિઓએ IPL ફ્રેન્ચાઇઝી માલિકોને ગલ્ફ ક્ષેત્રમાં T20 ફ્રેન્ચાઇઝી લીગની શરૂઆત કરવાની યોજનાનો પ્રસ્તાવ મૂક્યો છે. સાઉદી અરેબિયાની સરકાર આ લીગને વિશ્વની સૌથી મોંઘી લીગ બનાવવા માંગે છે. આ સંદર્ભે તેની આઈપીએલ માલિકો સાથે વાતચીત ચાલી રહી છે. છેલ્લા એક વર્ષથી સાઉદી સરકાર આ યોજના પર કામ કરી રહી છે.
ભારતીય ક્રિકેટરોને પણ સામેલ કરવાના પ્રયાસો કરવામાં આવશે.
આ મોંઘી લીગની સફળતા માટે સાઉદી સરકાર ભારતીય ક્રિકેટરોને પણ સામેલ કરવા માંગે છે. તેના માટે તે આ મામલે BCCI સાથે વાત કરી શકે છે. નોંધપાત્ર વાત એ છે કે, BCCIના નિયમો અનુસાર, કોઈપણ ભારતીય ક્રિકેટર IPL સિવાય વિદેશમાં ચાલતી અન્ય ક્રિકેટ લીગનો ભાગ બની શકે નહીં. જો કોઈપણ ભારતીય ખેલાડી આ લીગનો ભાગ બનવા માંગે છે તો તેણે બીસીસીઆઈ સાથેના તમામ સંબંધો ખતમ કરવા પડશે. એટલે કે તે ખેલાડી ટીમ ઈન્ડિયા તરફથી આઈપીએલ અને અન્ય ડોમેસ્ટિક ટુર્નામેન્ટમાં ભાગ લઈ શકશે નહીં. અહીં સાઉદી સરકાર BCCIને તેના બંધારણમાં સુધારો કરવા માટે રાજી કરી શકે છે.
સાઉદી સરકાર રમતગમતમાં ઘણું રોકાણ કરી રહી છે
સાઉદી અરેબિયા છેલ્લા કેટલાક સમયથી રમતગમતમાં ઘણું રોકાણ કરી રહ્યું છે. સાઉદી અરેબિયન સરકારે સાઉદી અરેબિયન ગ્રાન્ડ પ્રિકસ શરૂ કરીને ફોર્મ્યુલા-1માં પ્રવેશ કર્યો છે. ગોલ્ફમાં પણ સાઉદી સરકારે જંગી રોકાણ કરીને LIV ગોલ્ફની શરૂઆત કરી છે. સાઉદી અરેબિયાએ તેના પબ્લિક ઈન્વેસ્ટમેન્ટ ફંડમાંથી પ્રીમિયર લીગ ફૂટબોલ ક્લબ 'ન્યૂકાસલ યુનાઈટેડ'ની ખરીદી કરી છે. હવે અહીંની સરકાર ક્રિકેટમાં તકો શોધી રહી છે. ઉલ્લેખનીય છે કે સાઉદી અરેબિયા IPL 2023નું સત્તાવાર સ્પોન્સર પણ છે. સાઉદી સરકારે IPLની આ સીઝનની સત્તાવાર સ્પોન્સરશિપ સાઉદી ટુરિઝમ ઓથોરિટીને અપાવી છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)