![ABP Premium](https://cdn.abplive.com/imagebank/Premium-ad-Icon.png)
IPL 2024: આ વખતે હૈદરાબાદનું ચેમ્પિયન બનવું લગભગ નક્કી, બન્યો આ અદભૂત સંયોગ, જાણો
SRH vs KKR Final: IPL ઓક્શનમાં સનરાઈઝર્સ હૈદરાબાદે રેકોર્ડ 20.75 કરોડ રૂપિયામાં પેટ કમિન્સને સામેલ કર્યા હતા. જે બાદ સનરાઈઝર્સ હૈદરાબાદની હરાજીની રણનીતિ પર ઘણા સવાલો ઉભા થયા હતા
![IPL 2024: આ વખતે હૈદરાબાદનું ચેમ્પિયન બનવું લગભગ નક્કી, બન્યો આ અદભૂત સંયોગ, જાણો SRH vs KKR Final match updates sports cricket these coincidences are certain to make sunrisers hyderabad srh vs kkr final ipl 2024 IPL 2024: આ વખતે હૈદરાબાદનું ચેમ્પિયન બનવું લગભગ નક્કી, બન્યો આ અદભૂત સંયોગ, જાણો](https://feeds.abplive.com/onecms/images/uploaded-images/2024/05/25/058e48d468bb85eb98de8a9a5671b6e2171661218916877_original.jpg?impolicy=abp_cdn&imwidth=1200&height=675)
SRH vs KKR Final: ગઇરાત્રે સનરાઇઝર્સ હૈદરાબાદે ક્વૉલિફાયર-2માં રાજસ્થાન રૉયલ્સને હરાવ્યું. આ જીત બાદ પેટ કમિન્સની આગેવાનીમાં સનરાઇઝર્સ હૈદરાબાદ ફાઇનલમાં પહોંચી ચૂકી છે. હવે કોલકાતા નાઈટ રાઈડર્સ રવિવારે ફાઇનલમાં સનરાઈઝર્સ હૈદરાબાદ સામે ટકરાશે. બંને ટીમો ચેન્નાઈના ચેપૉક સ્ટેડિયમમાં આમને સામને ટકરાશે. પરંતુ ફેન્સને સવાલ થાય છે કે, શું સનરાઇઝર્સ હૈદરાબાદ ફાઇનલમાં કોલકાતા નાઇટ રાઇડર્સને હરાવી શકશે ? ખરેખરમાં, આ ટીમ સાથે જોડાયેલા 3 અદભૂત સંયોગો રચાયા છે, જેના આધારે કહી શકાય કે સનરાઇઝર્સ હૈદરાબાદ ત્રીજી વખત ચેમ્પિયન બની શકે છે.
સનરાઇઝર્સ હૈદરાબાદ અને આઇપીએલ ફાઇનલ -
સનરાઇઝર્સ હૈદરાબાદ ચોથી વખત IPLની ફાઇનલમાં પહોંચી છે. આ ટીમ પ્રથમ વખત IPL 2009ની ફાઈનલ રમી હતી, જોકે તે સમયે તેનું નામ ડેક્કન ચાર્જર્સ હૈદરાબાદ હતું. આ પછી સનરાઇઝર્સ હૈદરાબાદ IPL 2016ની ફાઇનલમાં પહોંચી હતી. જ્યારે ત્રીજી વખત IPL 2018ની ફાઈનલ કેન વિલિયમસનની કેપ્ટનશીપમાં રમાઈ હતી. વળી, હવે પેટ કમિન્સના નેતૃત્વમાં સનરાઇઝર્સ હૈદરાબાદે ફાઇનલમાં જગ્યા બનાવી લીધી છે.
એડમ ગિલક્રિસ્ટ, ડેવિડ વૉર્નર અને પેટ કમિન્સ -
વાસ્તવમાં ઓસ્ટ્રેલિયન કેપ્ટન સનરાઇઝર્સ હૈદરાબાદ માટે લકી ચાર્મ રહ્યો છે. એડમ ગિલક્રિસ્ટ IPL 2009માં કેપ્ટન હતો. જ્યારે IPL 2016માં ડેવિડ વૉર્નર કેપ્ટનની ભૂમિકામાં હતો. IPL 2018ની ફાઇનલમાં સનરાઇઝર્સ હૈદરાબાદને ચેન્નાઇ સુપર કિંગ્સ સામે હારનો સામનો કરવો પડ્યો હતો, તે ટીમની કમાન કેન વિલિયમસનના હાથમાં હતી. વળી, હવે ઓસ્ટ્રેલિયન સુકાની પેટ કમિન્સની કપ્તાનીમાં સનરાઈઝર્સ હૈદરાબાદ ફાઇનલમાં પહોંચી ગઈ છે. તેથી, સનરાઇઝર્સ હૈદરાબાદના ચાહકો આશા રાખશે કે ઓસ્ટ્રેલિયાનો કેપ્ટન ફરીથી ટીમ માટે લકી ચાર્મ સાબિત થાય.
IPL ઓક્શનમાં સનરાઈઝર્સ હૈદરાબાદે રેકોર્ડ 20.75 કરોડ રૂપિયામાં પેટ કમિન્સને સામેલ કર્યા હતા. જે બાદ સનરાઈઝર્સ હૈદરાબાદની હરાજીની રણનીતિ પર ઘણા સવાલો ઉભા થયા હતા, પરંતુ હવે પેટ કમિન્સે પોતાની કેપ્ટનશિપથી ટીકાકારોને જડબાતોડ જવાબ આપ્યો છે. જોકે, એ જોવાનું રસપ્રદ રહેશે કે શું સનરાઈઝર્સ હૈદરાબાદ ફાઇનલમાં શ્રેયસ અય્યરની આગેવાનીવાળી કોલકાતા નાઈટ રાઈડર્સને હરાવવામાં સફળ થશે ?
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)