PBKS vs DC Playing 11:પંજાબમાં તોફાની બેટસમેનની થશે એન્ટ્રી, દિલ્લીની પ્લેઇંગ-11માં પણ થશે બદલાવ
PBKS vs DC Playing 11આઈપીએલ 2025 ની 57મી મેચ 8 મે 2025 ના રોજ પંજાબ કિંગ્સ અને દિલ્હી કેપિટલ્સ વચ્ચે રમાનારી છે. આ મેચ ધર્મશાળાના હિમાચલ પ્રદેશ ક્રિકેટ એસોસિએશન સ્ટેડિયમમાં રમાશે.
PBKS vs DC Playing 11:જોબ કિંગ્સની ટીમ IPL-2025માં જોરદાર રમત બતાવી રહી છે. ધર્મશાલામાં રમાયેલી છેલ્લી મેચમાં, આ ટીમે અજાયબીઓનું પ્રદર્શન કર્યું હતું અને લખનૌ સુપરજાયન્ટ્સને 37 રનથી હરાવ્યું હતું. આ જીત બાદ પંજાબનો પ્લેઓફ માટેનો દાવો વધુ મજબૂત બન્યો છે. દિલ્હી કેપિટલ્સ પણ પ્લેઓફની રેસમાં મજબૂતીથી આગળ વધી રહી છે. હવે આ બંને ટીમો ગુરુવારે એકબીજા સામે ટકરાશે.
આ મેચ પંજાબના બીજા ઘર ધર્મશાળાના હિમાચલ પ્રદેશ ક્રિકેટ એસોસિએશન સ્ટેડિયમમાં રમાશે. બધાની નજર ફરી એકવાર પંજાબની વિસ્ફોટક બેટિંગ પર રહેશે, જેને દિલ્હીનું મજબૂત બોલિંગ આક્રમણ રોકવાનો પ્રયાસ કરશે. બંને ટીમો તેમના મજબૂત પ્લેઇંગ-111 મેદાનમાં ઉતારવા માંગશે.
પંજાબ બે પોઈન્ટ મેળવવા અને પ્રથમ સ્થાન મેળવવાની કોશિશ કરશે. જોકે, તેના માટે આ સરળ નહીં હોય કારણ કે તેની સામે દિલ્હીની ટીમ સારું પ્રદર્શન કરી રહી છે. પંજાબ જીતવા માટે એક ફેરફાર કરી શકે છે. જોશ ઇંગ્લિસની જગ્યાએ વિસ્ફોટક બેટ્સમેન ગ્લેન મેક્સવેલને તક મળી શકે છે. મેક્સવેલ આખી સીઝન દરમિયાન કોઈ તકનો લાભ લઈ શક્યો નથી, પરંતુ ધર્મશાલાના મેદાનને ધ્યાનમાં લેતા, ટીમને તેના લાંબા શોટની જરૂર પડી શકે છે. જો મેક્સવેલ આવે છે, તો માર્કસ સ્ટોઈનિસ બહાર જઈ શકે છે અને પ્રભસિમરન સિંહ વિકેટકીપિંગની જવાબદારી સંભાળી શકે છે. ટીમમાં બીજો કોઈ ફેરફાર જોવા મળતો નથી.
દિલ્હીનો પ્લેઇંગ-11 શું હશે?
દિલ્હીને પણ જીતની ખૂબ જ જરૂર છે. તેના 11 મેચમાં 13 પોઈન્ટ છે. દિલ્હીની છેલ્લી મેચ સનરાઇઝર્સ હૈદરાબાદ સામે હતી જે વરસાદને કારણે ધોવાઈ ગઈ હતી અને બંને ટીમોને એક-એક પોઇન્ટ મળ્યો હતો. દિલ્હીને આ મેચ જીતવાની જરૂર છે. કેપ્ટન અક્ષર પટેલ જીતવા માટે દરેક યુક્તિ અજમાવશે, પરંતુ તેની ટીમ અને તેના પ્રદર્શનને જોતાં, પ્લેઇંગ-11માં ફેરફારની કોઈ શક્યતા નથી.
પંજાબ કિંગ્સ: શ્રેયસ અય્યર (કેપ્ટન), પ્રિયાંશ આર્ય, પ્રભસિમરન સિંઘ, જોશ ઈંગ્લિસ, નેહલ વાઢેરા, શશાંક સિંહ, માર્કસ સ્ટોઈનિસ, અઝમતુલ્લા ઓમરઝાઈ, માર્કો જાનસેન, યુઝવેન્દ્ર ચહલ, અર્શદીપ સિંહ.
દિલ્હી કેપિટલ્સ: અક્ષર પટેલ (કેપ્ટન), કરુણ નાયર, ફાફ ડુ પ્લેસિસ, અભિષેક પોરેલ, કેએલ રાહુલ, ટ્રિસ્ટન સ્ટબ્સ, વિપરાજ નિગમ, આશુતોષ શર્મા, મિશેલ સ્ટાર્ક, દુષ્મંથા ચમીરા, કુલદીપ યાદવ, ટી નટરાજન
ટોપ સ્ટોરી
ટ્રેન્ડિંગ સમાચાર
