Paralympic 2020: દેવેન્દ્ર ઝાઝરિયાએ ભાલા ફેંકમાં જીત્યો સિલ્વર મેડલ, સુંદર સિંહને મળ્યો બ્રોન્ઝ
ભારતની અવની લેખારાએ ટોક્યો પેરાલિમ્પિક્સમાં શૂટિંગમાં ગોલ્ડ મેડલ જીત્યો છે.
ભારતે ટોક્યો પેરાલિમ્પિક્સમાં પોતાનું શાનદાર પ્રદર્શ યથાવત રાખ્યું છે. પેરા એથ્લીટ દેવેન્દ્ર ઝાઝરિયાએ સિલ્વર અને સુંદર સિંહે બરછી ફેંક F45 કેટેગરીમાં બ્રોન્ઝ મેડલ જીત્યો છે. પેરાલિમ્પિક ગેમ્સમાં દેવેન્દ્ર ઝાઝરિરીયાનો આ ત્રીજો મેડલ છે. આ પહેલા તે બે વખત ગોલ્ડ મેડલ જીતી ચૂક્યો છે.
અવનિ લેખારાએ શૂટિંગમાં જીત્યો ગોલ્ડ મેડલ
ભારતની અવની લેખારાએ ટોક્યો પેરાલિમ્પિક્સમાં શૂટિંગમાં ગોલ્ડ મેડલ જીત્યો છે. 19 વર્ષની શૂટરએ મહિલાઓની 10 મીટર એર રાઇફલના વર્ગ SH1માં પ્રથમ સ્થાન મેળવ્યું. તેણીએ 249.6નો સ્કોર કર્યો અને ટોપ કર્યું. પેરાલિમ્પિક્સના ઇતિહાસમાં શૂટિંગમાં ભારતનો આ પહેલો ગોલ્ડ મેડલ છે.
જયપુરની અવનીએ ક્વોલિફિકેશન રાઉન્ડમાં 21 શૂટર વચ્ચે સાતમા સ્થાને રહીને આ ઇવેન્ટની ફાઇનલમાં પ્રવેશ કર્યો હતો. તેણે 60 શ્રેણીમાં છ શોટ બાદ 621.7નો સ્કોર કર્યો હતો, જે ટોચના આઠ નિશાનેબાજોમાં સ્થાન મેળવવા માટે પૂરતો હતો. આ ભારતીય શૂટરએ શરૂઆતથી અંત સુધી સાતત્ય જાળવી રાખ્યું અને સતત 10 થી વધુ સ્કોર બનાવ્યા. 626.0 ના પેરાલિમ્પિક ક્વોલિફિકેશન રેકોર્ડ સાથે ચીનના ઝાંગ કુઇપીંગ અને યુક્રેનની ઇરિયાના શેટનિક પ્રથમ બે સ્થાન મેળવ્યા છે.
અવનીને ચીની ખેલાડી આપી જોરદાર ટક્કર
નવ રાઉન્ડની આ ફાઇનલ મેચમાં અવનીને ચીની રમતવીર સી ઝાંગ સામે સ્પર્ધાનો સામનો કરવો પડ્યો હતો. ઝાંગે ક્વોલિફિકેશન રાઉન્ડમાં ટોચનું સ્થાન મેળવ્યું હતું અને આ મેચમાં ગોલ્ડ માટે મજબૂત દાવેદાર હતો. જોકે, અવનીએ તેના અચૂક નિશાનાના આધારે ઝાંગને હરાવી અને ગોલ્ડ મેડલ જીત્યો. અવનીએ નવ રાઉન્ડમાં 52.0, 51.3, 21.6, 20.8, 21.2, 20.9, 21.2, 20.1, 20.5 સાથે કુલ 249.6 નો સ્કોર કર્યો જે પેરાલિમ્પિક ગેમ્સનો નવો રેકોર્ડ છે.
અવની મૂળ રાજસ્થાનના જયપુરની છે. તે માત્ર 11 વર્ષની હતી ત્યારે તે માર્ગ અકસ્માતનો ભોગ બની હતી. આ અકસ્માતમાં અવનીને કરોડરજ્જુની ઈજાના કારણે લકવો થઈ ગયો હતો. મહિલાઓની 10 મીટર એર રાઇફલ સ્ટેન્ડિંગ SH1 ઇવેન્ટમાં અવની વર્લ્ડ રેન્કિંગમાં પાંચમા ક્રમે છે.
રવિવારે ભાવનાબેન પટેલે મહિલા સિંગલ્સ ટેબલ ટેનિસ સ્પર્ધા વર્ગ 4 અને નિશાદ કુમારે પુરુષોની T47 હાઇ જમ્પ ઇવેન્ટમાં સિલ્વર મેડલ મેળવ્યા હતા.
ટ્રેન્ડિંગ સમાચાર
ટોપ સ્ટોરી
