જાણો શું છે ‘બોક્સિંગ-ડે ટેસ્ટ’ અને ઓસ્ટ્રેલિયામાં ટીમ ઈન્ડિયાનો કેવો છે દેખાવ

ભારતે 2010માં ડરબનમાં સાઉથ આફ્રિકાને 87 રનથી હરાવ્યું હતું. આ મેચની બીજી ઈનિંગમાં વીવીએસ લક્ષ્મણે 96 રનની ઈનિંગ રમી હતી. જેના કારણે ભારત બોક્સિંગ ડે ટેસ્ટ જીતવામાં સફળ રહ્યું નથી. પરંતુ છેલ્લા 8 વર્ષથી ભારત આ કારનામું કરી શક્યું નથી.

નવી દિલ્હીઃ ઓસ્ટ્રેલિયા સામે રમાઇ રહેલી 4 ટેસ્ટ મેચની શ્રેણીની પ્રથમ બે મેચ બાદ બંને ટીમો 1-1થી બરોબરી પર છે. ક્રિસમસના એક દિવસ બાદ એટલે કે 26 ડિસેમ્બરથી મેલબોર્નમાં ત્રીજી ટેસ્ટનો પ્રારંભ થશે. ક્રિસમસ પછીના દિવસે શરૂ થતી ટેસ્ટને ‘બોક્સિંગ ડે ટેસ્ટ’ તરીકે ઓળખવામાં આવ્યો છે.

ભારત 1998માં ન્યૂઝીલેન્ડ સામે પણ બોક્સિંગ ડે ટેસ્ટ મેચ રમ્યું હતું. જ્યાં ભારતની 4 વિકેટથી હાર થઈ હતી. આ ઉપરાંત ભારત ઘરઆંગણે પણ એક બોક્સિંગ ડે મેચ રમ્યું છે. 1987માં કોલકાતામાં વેસ્ટ ઈન્ડિઝ સામે રમાયેલી આ મેચ ડ્રો ગઈ હતી.

ભારતીય ટીમ અત્યાર સુધીમાં બોક્સિંગ ડે પર 14 ટેસ્ટ રમી ચુક્યું છે. જેમાં માત્ર એક જ મેચમાં જીત મળી છે, જ્યારે 10 મેચમાં પરાજય થયો છે. ઓસ્ટ્રેલિયામાં ભારત સાત વખત બોક્સિંગ ડે ટેસ્ટ રમ્યું છે, જેમાંથી પાંચ હાર અને બે મેચ ડ્રો રહી છે.

ભારત 1991, 1999, 2003, 2007 અને 2011માં મેલબોર્નમાં સતત પાંચ ટેસ્ટ હાર્યું હતું. 2014ની બોક્સિંગ ટેસ્ટ ડ્રો ગઈ હતી. આ મેચ ધોનીની અંતિમ ટેસ્ટ મેચ હતી અને તે બાદ ક્રિકેટના આ ફોર્મેટમાં નિવૃત્તિની જાહેરાત કરી હતી.