સચીનને પછાડી મહેન્દ્ર સિંહ ધોની સૌથી વધુ સિક્સર લગાવનાર ભારતીય, વનડેમાં કર્યા 9000 રન પૂરા

નવી દિલ્લી:  ટીમ ઈંડિયાના સફળ કેપ્ટન એમ એસ ધોનીએ વનડે ક્રિકેટમાં પોતાના 9000 રન પૂરા કર્યા છે. ભારત માટે વનડે માં 9000 થી વધુ રન બનાવવા વાળા બેટ્સમેનમાં કેપ્ટન ધોની હવે પાંચમાં નંબર પર છે. ન્યૂઝીલેંડ વિરૂધ્ધ મોહાલી વનડેમાં ધોનીને વનડે કરિયરમાં 9000 રન પૂરા કર્યા. મોહાલી વનડે પહેલા ધોનીના ખાતામાં 280 વનડે મેચમાં 8978 રન હતા. ધોનીએ 51.30ની એવરેજથી વનડેમાં 9 સદી અને 61 અડધી સદી ફટકારી છે. ધોનીએ ડિસેમ્બર 2004માં બાંગ્લાદેશ સામે ડેબ્યૂ કર્યું હતું, પરંતુ પાકિસ્તાન સામે વિશાખાપટ્ટનમમાં વનડે મેચ દરમિયાન તેણે ઓળખ ઉભી કરી હતી. આ મેચમાં ધોનીએ 123 બોલમાં 15 ફોર અને 4 સિક્સર ફટકારી 148 રન બનાવ્યા હતા. ધોની પહેલા ભારત માટે ચાર બલ્લેબાજ વનડેમાં આ કરતબ કરી ચૂક્યા છે. સૌ પ્રથમ સચિન તેંડુલકરના 463 મેચમાં 18426 રન છે. બીજા નંબર પર ગાંગુલીના 308 મેચમાં 11221 રન છે. ત્રીજા ક્રમે રાહુલ દ્રવિડના340 મેચમાં 10768 રન છે,જ્યારે ચોથા ક્રમે અઝહરૂદિનના 334 મેચમાં 9378 રન છે. અંતરરાષ્ટ્રીય ક્રિકેટમાં સૌથી વધુ સિક્સર ફટકારવાનો રેકોર્ડ પાકિસ્તાનના બેટ્સમેન શાહિદ આફ્રીદીના નામે છે. આફ્રીદીએ 398 વનડેમાં 351 સિક્સર ફટકારી છે. બીજા નંબર પર શ્રીલંકાના સનથ જયસૂર્યા, ત્રીજા નંબર પર ક્રિસ ગેલ, ચોથા નંબર પર બ્રૈંડન મૈક્કલમ છે. અંતરરાષ્ટ્રીય ક્રિકેટરોની આ લિસ્ટમાં ધોની પાંચમાં ક્રમે છે.