(Source: ECI/ABP News/ABP Majha)
IND vs ENG, 2nd Innings Highlights: બીજા દિવસના અંતે ટીમ ઇન્ડિયા હજુ 56 રન પાછળ, રોહિત-લોકેશ રાહુલ રમતમાં
India vs England, 2nd Innings Highlights: ભારત અને ઇગ્લેન્ડ વચ્ચેની ચોથી ટેસ્ટ મેચના બીજા દિવસે ટીમ ઇન્ડિયાએ સારી શરૂઆત કરી હતી. ટીમ ઇન્ડિયાએ બીજા દિવસમા બીજી જ ઓવરમાં સફળતા હાંસલ કરી હતી
LIVE
Background
ભારત અને ઇગ્લેન્ડ વચ્ચેની ચોથી ટેસ્ટ મેચના બીજા દિવસે ટીમ ઇન્ડિયાએ સારી શરૂઆત કરી હતી. ટીમ ઇન્ડિયાએ બીજા દિવસમા બીજી જ ઓવરમાં સફળતા હાંસલ કરી હતી. ઉમેશ યાદવે નાઇટ વોચમેન ક્રેગ ઓવરટનને પેવેલિયન ભેગો કર્યો હતો. નોંધનીય છે કે ચોથી ટેસ્ટના પ્રથમ દિવસની રમતના અંતે ઇગ્લેન્ડે ત્રણ વિકેટના નુકસાન પર 53 રન બનાવ્યા હતા. બુમરાહ અને ઉમેશ યાદવે ટીમ ઇન્ડિયાની વાપસી કરાવી હતી. બુમરાહે બે અને ઉમેશ યાદવે એક વિકેટ ઝડપી હતી. આ અગાઉ ટીમ ઇન્ડિયા પ્રથમ ઇનિંગમાં 191 રનમાં ઓલઆઉટ થઇ ગઇ હતી. શાર્દુલ ઠાકુરે સૌથી વધુ 57 રન ફટકાર્યા હતા.
ટીમ ઇન્ડિયા હજુ 56 રન પાછળ
ચોથી ટેસ્ટ મેચના બીજા દિવસની રમતના અંતે ભારતે બીજી ઇનિંગમાં એક પણ વિકેટ ગુમાવ્યા વિના 43 રન બનાવી લીધા છે. લોકેશ રાહુલ 22 અને રોહિત શર્મા 20 રને રમતમાં હતા. ટીમ ઇન્ડિયા હજુ 56 રન પાછળ છે. આ અગાઉ પ્રથમ ઇનિંગમાં ઇગ્લેન્ડની ટીમ 290 રનમાં ઓલઆઉટ થઇ ગઇ હતી અને તેણે 99 રનની લીડ મેળવી હતી.
ટીમ ઇન્ડિયાની મક્કમ શરૂઆત
ઇન્ડિયાએ બીજી ઇનિંગમાં મક્કમ શરૂઆત કરી છે. 14 ઓવરમાં વિના વિકેટે 42 રન બનાવી લીધા છે. રોહિત શર્મા 19 અને લોકેશ રાહુલ 22 રને રમતમાં છે.
પ્રથમ ઇનિંગમાં ઇગ્લેન્ડ 290 રનમાં ઓલઆઉટ
ઇગ્લેન્ડની ટીમ પ્રથમ ઇનિંગમાં 290 રનમાં ઓલઆઉટ થઇ ગઇ છે. આ સાથે ઇગ્લેન્ડે ભારત પર 99 રનની લીડ મેળવી હતી. ટીમ ઇન્ડિયા તરફથી ઉમેશ યાદવે ત્રણ, બુમરાહ અને જાડેજાએ બે-બે, સિરાજ અને શાર્દુલે એક-એક વિકેટ ઝડપી હતી. ઇગ્લેન્ડ તરફથી ઓલી પોપે સૌથી વધુ 81 રન ફટકાર્યા હતા. તે સિવાય ક્રિસ વોક્સે અડધી સદી ફટકારી હતી.
Innings Break!
— BCCI (@BCCI) September 3, 2021
England are all out for 290. Lead by 99 runs.
Scorecard - https://t.co/OOZebPnBZU #ENGvIND pic.twitter.com/lEJRn1t7u0
ઇગ્લેન્ડે ભારત પર મેળવી લીડ
ચોથી ટેસ્ટમાં પ્રથમ ઇનિંગમાં ઇગ્લેન્ડે ટીમ ઇન્ડિયા પર લીડ મેળવી લીધી હતી. ઇગ્લેન્ડે સાત વિકેટના નુકસાન પર 227 રન બનાવી લીધા છે. ઓલી પોપ 74 રન પર રમતમાં છે.
ઉમેશ યાદવની શાનદાર બોલિંગ
ભારત અને ઇગ્લેન્ડ વચ્ચેની ચોથી ટેસ્ટ મેચના બીજા દિવસે ટીમ ઇન્ડિયાએ સારી શરૂઆત કરી હતી. ભારત તરફથી બોલિંગની શરૂઆત મોહમ્મદ સિરાજે કરી હતી. ટીમ ઇન્ડિયાએ બીજા દિવસમા બીજી જ ઓવરમાં સફળતા હાંસલ કરી હતી. ઉમેશ યાદવે નાઇટ વોચમેન ક્રેગ ઓવરટનને પેવેલિયન ભેગો કર્યો હતો. બાદમાં ઉમેશ યાદવે ડેવિડ મલાનને આઉટ કર્યો હતો. રોહિત શર્માએ સ્લિપમાં તેનો કેચ ઝડપ્યો હતો. મલાન 31 રન બનાવીને આઉટ થયો હતો. 62 રનમાં ઇગ્લેન્ડની પાંચમી વિકેટ પડી હતી
ટ્રેન્ડિંગ સમાચાર
ટોપ સ્ટોરી
