Paris Olympics 2024: પેરિસ ઓલિમ્પિકમાં વહેશે લોહીની નદીઓ, હમાસના આતંકીઓ આપી ધમકી

Paris Olympics 2024:પેરિસ ઓલિમ્પિક ગેમ્સ 26 જૂલાઈથી શરૂ થવા જઈ રહી છે. પરંતુ તે પહેલા જ તેના પર આતંકી હુમલાનો ખતરો તોળાઈ રહ્યો છે

પ્રતિકાત્મક તસવીર

Source : X

Paris Olympics 2024: પેરિસ ઓલિમ્પિક ગેમ્સ 26 જૂલાઈથી શરૂ થવા જઈ રહી છે. પરંતુ તે પહેલા જ તેના પર આતંકી હુમલાનો ખતરો તોળાઈ રહ્યો છે. પેરિસ ઓલિમ્પિકને લઈને હમાસના આતંકવાદીઓએ ધમકી આપી હતી. આતંકીઓએ ધમકી આપી હતી કે પેરિસમાં લોહીની નદીઓ વહેશે. જેના કારણે પેરિસ ઓલિમ્પિક એડમિનિસ્ટ્રેશન પણ એક્ટિવ થઇ ગયું છે. જોકે ઈન્ટેલિજન્સ ટીમ હમાસના આતંકીઓની ધમકીને ગંભીરતાથી લઇને કામ કરી રહી છે. હમાસના આતંકીએ તેના સોશિયલ મીડિયા એકાઉન્ટ પર ધમકીભર્યો વીડિયો પણ શેર કર્યો છે.

Today Hamas released a video threatening that “rivers of blood will flow through the streets of Paris” at the Olympic Games #Paris2024 #HamasAreTerrorists #Olympics #ParisOlympics pic.twitter.com/s5QnziTLG7

— Amitabh Chaudhary (@MithilaWaala) July 23, 2024

મંગળવારે વીડિયો રીલિઝ કર્યો

હમાસ આતંકવાદીનો આ વીડિયો મંગળવારે જાહેર કરવામાં આવ્યો છે. પેરિસ ઓલિમ્પિક 2024 26 જૂલાઈથી શરૂ થવા જઈ રહી છે. આ ટુનામેન્ટ 11મી ઓગસ્ટ સુધી ચાલશે. ખાસ વાત એ છે કે આ ઓલિમ્પિકમાં ઈઝરાયલ પણ ભાગ લેશે. હમાસના એક આતંકવાદીના વીડિયોમાં એક માસ્ક પહેરેલો વ્યક્તિ ફ્રાંસ અને રાષ્ટ્રપતિ ઈમેન્યુઅલ મેક્રોનને ધમકી આપે છે કે પેલેસ્ટાઈન સાથેની અરાજકતા વચ્ચે 'ઝિયોનિસ શાસન'નો પક્ષ લેવા માટે તેઓ પરિણામ ભોગવવા તૈયાર રહે.

⚠️BREAKING: Palestinian terrorists have released a horrific video threatening Paris and the Olympics:

“You will pay for what you have done. Rivers of blood will flow through the streets of Paris”

If anyone actually thinks peace can be made with them, they are out of their mind. pic.twitter.com/JdfFbGnrHe

— Vivid.🇮🇱 (@VividProwess) July 23, 2024

પેરિસમાં લોહીની નદીઓ વહેતી કરવાની ધમકી

વીડિયોમાં આતંકવાદીએ ઘેરા રંગના કપડા પહેર્યા છે અને તેની છાતી પર પેલેસ્ટાઈનનો ધ્વજ લપેટ્યો છે. પેરિસમાં મોટા હુમલા તરફ ઈશારો કરીને આતંકવાદી કહે છે કે 'લોહીની નદીઓ વહેશે'. વિડિયોનો અંત એ વ્યક્તિના સાથે થાય છે જેના હાથમાં કપાયેલું નકલી માથું હોય છે. કેટલાક લોકોએ અંદાજ લગાવ્યો હતો કે આ વીડિયો હમાસ સાથે જોડાયેલો હોઇ શકે છે.  જો કે વીડિયોને હમાસ સાથે જોડતા કોઈ સ્પષ્ટ પુરાવા નથી.