આ દેશને 15 વર્ષ બાદ મળ્યો વન-ડે ટીમનો દરજ્જો, ઓમાનને પણ મળ્યો દરજ્જો

આઈસીસી વર્લ્ડ ક્રિકેટ લીગ ડિવિઝન-2માં ઓમાનની ટીમે ચારમાંથી ચાર મેચ જીતીને 8 પોઈન્ટ સાથે પ્રથમ સ્થાન હાંસલ કર્યું હતું. અમેરિકાએ પરાજય સાથે શરૂઆત કર્યા બાદ કુલ ચારમાંથી ત્રણ મેચ જીતી હતી અને આ રીતે વન ડે દરજ્જો મેળવ્યો હતો.

દુબઈઃ આઈસીસી પરિવારમાં અંતે અમેરિકાની એન્ટ્રી થઈ ગઈ છે. આઈસીસીએ વર્લ્ડ ક્રિકેટ લીગ ડિવિઝન-2માં શાનદાર પ્રદર્શન કરનારા ઓમાન અને અમેરિકાને વનડે આંતરરાષ્ટ્રીય ટીમનો દરજ્જો આપ્યો છે.

Oman and USA secure ICC Men's Cricket World Cup League 2 places and ODI status https://t.co/6lRI0Ai6dq via @ICC

— ICC Media (@ICCMediaComms) April 24, 2019

આઈસીસીએ પોતાની વેબસાઈટ પર એક નિવેદન જાહેર કરીને આ વાતની જાણકારી આપી છે. અમેરિકાને 15 વર્ષ પછી આંતરરાષ્ટ્રીય વન ડે ટીમનો દરજ્જો મળ્યો છે. આ અગાઉ, તેને 2004માં આ દરજ્જો મળ્યો હતો. એ વર્ષે તેણે ICC Champions Trophyમાં ભાગ લીધો હતો.

Dear 🇦🇺🇧🇩🏴󠁧󠁢󠁥󠁮󠁧󠁿☘️🇮🇳🇳🇱🇳🇵🇳🇿🇵🇰🇱🇰🏴󠁧󠁢󠁳󠁣󠁴󠁿🇿🇦🌴🇦🇪🇿🇼, Just in case you didn't hear yet, we now have One Day International status. Look forward to playing y'all soon. Kind regards Team USA🇺🇸 pic.twitter.com/b96rjyKKsa

— USA Cricket (@usacricket) April 24, 2019

આઈસીસી વર્લ્ડ ક્રિકેટ લીગ ડિવિઝન-2માં ઓમાને નામીબિયાની ટીમ સામે રોમાંચક પ્રદર્શન કરીને વિજય મેળવ્યો હતો. ઓમાને પોતાની તમામ મેચ જીતી હતી. અમેરિકાએ હોંગકોંગની ટીમને હરાવીને વન ડે ટીમનો દરજ્જો મેળવ્યો છે. આ સાથે જ હવે અમેરિકા અને ઓમાનની ટીમ લીગ-2માં સ્કોટલેન્ડ, નેપાળ અને યુએઈની ટીમ સાથે સામેલ થઈ ગઈ છે. અહીં તે 2.5 વર્ષમાં કુલ 36 વન ડે મેચ રમશે. આઈસીસી વર્લ્ડ ક્રિકેટ લીગ ડિવિઝન-2માં ઓમાનની ટીમે ચારમાંથી ચાર મેચ જીતીને 8 પોઈન્ટ સાથે પ્રથમ સ્થાન હાંસલ કર્યું હતું. અમેરિકાએ પરાજય સાથે શરૂઆત કર્યા બાદ કુલ ચારમાંથી ત્રણ મેચ જીતી હતી અને આ રીતે વન ડે દરજ્જો મેળવ્યો હતો. તે 6 પોઈન્ટ સાથે બીજા સ્થાને છે. નામીબિયા, હોંગકોંગ, કેનેડા અને પાપુઆ ન્યૂ ગિની ક્રમશઃ ત્રીજા, ચોથા, પાંચમા અને છઠ્ઠા સ્થાને છે.