શ્રીલંકા અને ઓસ્ટ્રેલિયા સામે સીરિઝ માટે ટીમ ઈન્ડિયાની જાહેરાત, જાણો કોને કોને મળ્યું સ્થાન?

2020ની શરૂઆત ભારતીય ક્રિકેટ ટીમ શ્રીલંકા સામે ત્રણ મેચોની ટી-20 શ્રેણીથી કરશે. શ્રેણીની પ્રથમ મેચ 5 જાન્યુઆરીએ ગુવાહાટીમાં રમાશે.

નવી દિલ્હી : શ્રીલંકા સામે ટી-20 અને ઓસ્ટ્રેલિયા સામે વન-ડે શ્રેણી માટે ભારતીય ટીમની જાહેરાત કરવામાં આવી છે. રોહિત શર્મા અને મોહમ્મદ શમીને  શ્રીલંકા સામેની ટી-20 શ્રેણીમાં આરામ આપવામાં આવ્યો છે પસંદગી સમિતિના સભ્ય, એમએસકે પ્રસાદે પાંચ સભ્યોની સિમિતિ બેઠકની મીટિંગ બાદ ટીમની જાહેરાત કરી હતી. બંને ઓસ્ટ્રેલિયા સામે વન-ડે શ્રેણીમાં રમશે. રોહિત શર્મા વેસ્ટ ઈન્ડિઝ સામેની સીરિઝમાં પ્લેયર ઓફ ધ સીરિઝ જાહેર થયો હતો. શમીએ પણ વન ડે સીરિઝમાં શાનદાર બોલિંગ કરી હતી. જ્યારે ઇજામાંથી પાછા ફરેલા શિખર ધવન  અને ફાસ્ટ બોલર જસપ્રીત બુમરાહની વન-ડે અને ટી-20 ટીમમાં વાપસી થઈ છે. શિખર ધવનને સૈયદ મુશ્તાક અલી ટ્રોફીની મેચ દરમિયાન ઈજા થઈ હતી. જેના કારણે ઘૂંટણમાં 25 ટાંકા લેવા પડ્યા હતા. બુમરાહ છેલ્લા ચાર મહિનાથી મેદાનમાંથી બહાર હતો, તેની કમરમાં સ્ટ્રેસ ફ્રેક્ચર હતું. બુમરાહે વિશાખાપટ્ટનમમાં નેટ્સમાં બોલિંગ કરી હતી. આ પછી તેને ફિટનેસ સર્ટિફિકેટ આપવામાં આવ્યું હતું. બુમરાહ ટીમમાં આવવાથી ટીમ ઇન્ડિયાની બોલિંગ મજબૂત બનશે. બુમરાહ શ્રીલંકા સામે ટી-20 શ્રેણી પહેલા કેરળ સામે રણજી મેચ રમશે. બુમરાહ ગુજરાત ટીમનો સભ્ય છે.

Indian cricket team's chief selector, MSK Prasad: For T20 series vs Sri Lanka, Jasprit Bumrah and Shikhar Dhawan have been brought back; Rohit Sharma and Mohammed Shami rested pic.twitter.com/H8O4wfNain

— ANI (@ANI) December 23, 2019

2020ની શરૂઆત ભારતીય ક્રિકેટ ટીમ શ્રીલંકા સામે ત્રણ મેચોની ટી-20 શ્રેણીથી કરશે. શ્રેણીની પ્રથમ મેચ 5 જાન્યુઆરીએ ગુવાહાટીમાં રમાશે. બીજી ટી-20 મેચ 7 જાન્યુઆરીએ ઇન્દોરમાં અને ત્રીજી ટી-20 મેચ 10 જાન્યુઆરીએ પૂણેમાં રમાશે. આ પછી ઓસ્ટ્રેલિયા સામે વન ડે સીરિઝ રમાશે.

Indian cricket team's chief selector, MSK Prasad: Indian cricket need not worry for the next 6-7 years, as we have substantial bench strength across all forms. pic.twitter.com/52jdl4cGgR

— ANI (@ANI) December 23, 2019

ભારત અને ઓસ્ટ્રેલિયા વચ્ચે ત્રણ વન-ડે મેચ રમાશે. પ્રથમ મેચ 14 જાન્યુઆરીએ મુંબઈમાં, બીજી 17 જાન્યુઆરીએ રાજકોટમાં અને ત્રીજી મેચ 19 જાન્યુઆરીએ બેંગલોરમાં રમાશે. આ શ્રેણી પછી ટીમ ઇન્ડિયા પાંચ ટી-20 મેચ, 3 વન-ડે અને 2 મેચની ટેસ્ટ શ્રેણી માટે ન્યૂઝીલેન્ડના પ્રવાસે જશે. શ્રીલંકા વિરુદ્ધ ટી-20 ટીમઃ વિરાટ કોહલી (કેપ્ટન), શિખર ધવન, લોકેશ રાહુલ, શ્રેયસ ઐય્યર, ઋષભ પંત, રવિન્દ્ર જાડેજા, શિવમ દુબે, યુઝર્વેન્દ્ર ચહલ, કુલદીપ યાદવ, જસપ્રીત બુમરાહ, નવદીપ સૈની, શાર્દુલ ઠાકુર, મનીષ પાંડે, વોશિંગ્ટન સુંદર અને સંજૂ સૈમસન

India’s T20 squad against Sri Lanka: Virat Kohli (Capt), Shikhar Dhawan, KL Rahul,Shreyas Iyer,Manish Pandey, Sanju Samson, Rishabh Pant (wk),Shivam Dube, Yuzvendra Chahal,Kuldeep Yadav,Ravindra Jadeja,Shardul Thakur, Navdeep Saini,Jasprit Bumrah,Washington Sundar. pic.twitter.com/ZXr4NfKqow

— ANI (@ANI) December 23, 2019

ઓસ્ટ્રેલિયા વિરુદ્ધ વન-ડે માટે ભારતીય ટીમઃ વિરાટ કોહલી (કેપ્ટન), શિખર ધવન, રોહિત શર્મા, લોકેશ રાહુલ, શ્રેયસ ઐય્યર, મનીષ પાંડે, ઋષભ પંત, કેદાર જાધવ, શિવમ દુબે, રવિન્દ્ર જાડેજા, કુલદીપ યાદવ, યુઝર્વેન્દ્ર ચહલ, નવદીપ સૈની, શાર્દુલ ઠાકુર અને  બુમરાહ

India’s ODI squad against Australia: Virat Kohli (Capt),Rohit Sharma (vc),Shikhar Dhawan,KL Rahul,Shreyas Iyer,Manish Pandey,Kedar Jadhav,Rishabh Pant (wk),Shivam Dube,Ravindra Jadeja, Yuzvendra Chahal,Kuldeep Yadav, Navdeep Saini,Jasprit Bumrah,Shardul Thakur, Mohd. Shami. pic.twitter.com/Ade5Ubm5TS

— ANI (@ANI) December 23, 2019