યુવરાજસિંહે કોહલીને કેમ ગણાવ્યો ટીમમાં 'સૌથી કંજૂસ ખેલાડી', બીજો શું કર્યો ખુલાસો

નવી દિલ્લીઃ વિરાટ કોહલીને ભલે વિશ્વના સૌથી રિચેસ્ટ ક્રિકેટરોમાં સામેલ કરવામાં આવતો હોય પણ તેના સાથી ખેલાડી  યુવરાજ સિંહ તેના વિશે કાંઇક અલગ જ માને છે. એક ઇન્ટરવ્યૂમાં યુવરાજ સિંહે વિરાટ કોહલીને ભારતીય ટીમનો સૌથી કંજૂસ ખેલાડી ગણાવ્યો હતો. એક રેડિયો ચેનલની વાતચીતમાં  યુવરાજસિંહે કહ્યું કે, કોહલી મોટો કંજૂસ છે. જ્યારે પણ અમે બહાર જઇએ છીએ ત્યારે હું બિલની ચૂકવણી કરું છું. હું ઘણીવાર તેને પૈસા આપવા માટે દબાણ કરુ છું. વધુમાં મજાકીયા અંદાજમાં યુવરાજસિંહે કહ્યુ હતું કે, બીજો કંજૂસ આશિષ નહેરા છે. જ્યારે તેના લગ્ન થયા ત્યારે તેણે કહ્યું કે મારે પત્ની અને બાળકો છે તેથી હું વધારે રૂપિયા ખર્ચી શકુ નહીં.