વિરાટ કોહલીએ કર્યો મોટો ખુલાસોઃ આ કારણે જાડેજા અને અશ્વિનને ન મળ્યું ટીમમાં સ્થાન

કેપ્ટન કોહલીએ આગળ જણાવ્યું કે, અમે યુવા ખેલાડીઓને તક આપી રહ્યા છીએ અને અનુભવી બૉલર્સના કામના પ્રેશરને પણ સમજી રહ્યા છીએ। અશ્વિન અને જાડેજાએ પાછલા 6-7 વર્ષથી ટીમ માટે નિયમિતપણે વનડે ફોર્મેટમાં રમી રહ્યા છે. અમે નથી ઈચ્છતા કે તેમના પર વધારે પ્રેશર હોય, કારણકે આ પ્લેયર્સની જરુર ટેસ્ટ ક્રિકેટમાં વધારે પડે છે.

અશ્વિન અને જાડેજાની શ્રીલંકા ટૂર અને ઓસ્ટ્રેલિયા સામે રમાયેલી મેચમાં પણ ટીમમાં શામેલ નહોતા કરવામાં આવ્યા. આ મેચમાં યુજવેન્દ્ર ચહલ, કુલદીપ યાદવ અને અક્ષર પટેલને તક આપવામાં આવી છે. કોહલીએ કહ્યું કે, અમે તે પ્લેયર્સને તક આપી છે, જેમને જોઈને અમને લાગે છે કે તેમનામાં આ લેવલ પર બેસ્ટ પર્ફોમન્સ આપવાની ક્ષમતા છે. વર્લ્ડ કપ પહેલા અમે બોલર્સની એક સારી ટીમ બનાવી શકીએ માટે આ પ્રયોગ જરૂરી છે.