ભારતમાં 6G ની તૈયારીઓ શરૂ, કેન્દ્રીય મંત્રીએ બતાવ્યું ક્યારે લૉન્ચ થશે સર્વિસ
6G Network In India: ભારતમાં 5G સેવા 2022 માં શરૂ કરવામાં આવી હતી. માત્ર બે વર્ષમાં ભારતમાં 5G નેટવર્ક સ્થાપિત થઈ ગયું છે
6G Network In India: ટેકનોલૉજીમાં સતત અપડેટ આવતુ રહે છે, દુનિયાભરમાં ઇન્ટરનેટની દુનિયા સૌથી વધુ ઝડપથી ડેવલપ કરી રહી છે, આ કડીમાં 5G પછી હવે ભારતમાં 6G સેવાની તૈયારીઓ ચાલી રહી છે. જ્યારે વિશ્વભરના ઘણા દેશો હજુ સુધી 5G સેવા શરૂ કરી શક્યા નથી, ત્યારે ભારત 6G તરફ આગળ વધ્યું છે. ભારતમાં 6G સેવા ક્યારે શરૂ થશે તે અંગે કેન્દ્રીય સંચાર રાજ્ય મંત્રી ચંદ્ર શેખર પેમ્માસાનીએ માહિતી આપી છે. આ પહેલા પણ ભારતમાં 6G ટેકનોલોજીના પરીક્ષણ માટે ટેસ્ટ બેડ ઘણા વર્ષો પહેલા બનાવવામાં આવ્યો હશે. કેન્દ્રની મોદી સરકારે આ હેતુ માટે ભારત 6G મિશન પણ શરૂ કર્યું છે. 5G ની જેમ, ભારત 6G લૉન્ચ કરનારો વિશ્વના પ્રથમ દેશોમાંનો એક હશે.
ભારતમાં 5G સેવા 2022 માં શરૂ કરવામાં આવી હતી. માત્ર બે વર્ષમાં ભારતમાં 5G નેટવર્ક સ્થાપિત થઈ ગયું છે. દેશના 750 જિલ્લાઓમાંથી 98 ટકા જિલ્લામાં 5G નેટવર્ક પૂરું પાડવામાં આવ્યું છે. એરટેલ અને જિઓ પછી વીએ પણ તેની 5G સેવા શરૂ કરી છે. વળી, સરકારી ટેલિકોમ કંપની BSNL પણ આ વર્ષે જૂનમાં તેની 5G સેવા શરૂ કરશે.
“We aim to be the frontline contributor in design, development and deployment of 6G technology by 2030” - Union Telecom Minister of State Dr. @PemmasaniOnX pic.twitter.com/34EBZr8y2B
— DoT India (@DoT_India) March 29, 2025
6G 2030 માં લૉન્ચ થશે -
કેન્દ્રીય સંચાર રાજ્ય મંત્રીએ એક કાર્યક્રમ દરમિયાન જણાવ્યું હતું કે, "ભારત 6G મિશન હેઠળ, અમે 2030 સુધીમાં 6G સેવા લાવવાની તૈયારી કરી રહ્યા છીએ. અમે આગામી પેઢીની સંચાર ટેકનોલોજીની ડિઝાઇન, ડેવલપમેન્ટ અને ડિપ્લૉયમેન્ટમાં નેતૃત્વ કરીશું અને 2030 સુધીમાં આ સેવા શરૂ કરીશું."
ટેલિકોમ રાજ્યમંત્રીએ વધુમાં જણાવ્યું હતું કે, "અમે ભારતને ટેલિકોમ નિકાસ કેન્દ્ર બનાવવા જઈ રહ્યા છીએ. અમે ફક્ત સેમિકન્ડક્ટર અને નેટવર્ક સાધનોનો ઉપયોગ જ નહીં કરીશું, પરંતુ તેનું ઉત્પાદન પણ કરીશું. અમે ભારતને AI અને ક્વૉન્ટમ કૉમ્પ્યૂટિંગમાં પણ અગ્રેસર બનાવવા માંગીએ છીએ. 5G ના વધુ સારા નેટવર્ક ડિપ્લોયમેન્ટને કારણે, AI, રૉબોટિક્સ અને ક્વૉન્ટમ કૉમ્પ્યૂટિંગમાં સારા પરિણામો આવવા લાગ્યા છે."
ટેલિકોમ રાજ્યમંત્રીનું આ નિવેદન ટેલિકોમ વિભાગ (DoT) એ તેના સત્તાવાર X હેન્ડલ પરથી શેર કર્યું છે. સરકારે ભારતમાં 6G ના વિકાસ માટે સંપૂર્ણ તૈયારીઓ કરી લીધી છે. કેન્દ્રની મોદી સરકારે આ માટે ઇન્ડિયા 6G મિશનની જાહેરાત કરી છે. કેન્દ્રીય સંદેશાવ્યવહાર મંત્રી જ્યોતિરાદિત્ય સિંધિયાએ પણ જાહેર મંચ પર ઘણી વખત 6G મિશનનો ઉલ્લેખ કર્યો છે.
ટોપ સ્ટોરી
ટ્રેન્ડિંગ સમાચાર
