OMG! ઓનલાઇન ઓર્ડર કરીને મંગાવ્યો 1 લાખનો iPhone 13 Pro Max. પેકેટમાંથી નીકળી 2 ચૉકલેટ અને ટૉયલેટ પેપર

આ ઘટના યુકે બ્રિટનની છે, અહીં ડેનિયલ કૈરોલ નામના વ્યક્તિ સાથે ઘટી છે. જેને ઓનલાઇન ખરીદી વખતે iPhone 13 Pro Max ઓર્ડર કર્યો હતો.

iPhone_01

નવી દિલ્હીઃ તાજેતરમાં જ એક સાવધાની રાખવા માટે પ્રેરિત કરતી ઘટના સામે આવી છે. એક વ્યક્તિએ ઓનલાઇન ખરીદી કરતી વખતે 1 લાખ રૂપિયાનો iPhone 13 Pro Max મંગાવ્યો હતો, પરંતુ તેની જે વસ્તુ ડિલીવરીમાં મળી તે જોઇને બધા ચોંકી ગયા હતા. તેને ડિલીવરી બૉક્સમાંથી iPhone 13 Pro Maxની જગ્યાએ બે ડેયરી મિલ્ક ચૉકલેટ અને એક ટૉયલેટ પેપર નીકળ્યુ હતુ. આ પછી યૂઝરે ફરિયાદ કરી હતી. જોકે, આવુ પહેલીવાર નથી થયુ કે ડિલીવરીમાં આવી ભૂલથી પ્રૉડક્ટ ખોટી આપી દેવામાં આવતી હોય. આવુ અનેકવાર જોવા મળ્યુ છે. 

ખરેખરમાં આ ઘટના યુકે બ્રિટનની છે, અહીં ડેનિયલ કૈરોલ નામના વ્યક્તિ સાથે ઘટી છે. જેને ઓનલાઇન ખરીદી વખતે iPhone 13 Pro Max ઓર્ડર કર્યો હતો. ડેનિયલ નાતાલ પર પોતાની ભેટની રાહ જોઇ રહ્યો હતો. જો કે જ્યારે બોક્સ ખોલીને જોયું તો તેમાં ચોકલેટ નીકળી હતી. આ જોઇને તે દંગ રહી ગયો હતો. 

સમાચાર એજન્સીના અહેવાલ અનુસાર બ્રિટનમાં રહેતા ડેનિયલ કેરોલે તાજેતરમાં જ iPhone 13 Pro Max સ્માર્ટફોન ખરીદ્યું હતું. જેની કીંમત ૧૦૪૫ પાઉન્ડ (૧.૦૫ લાખ રૂપિયા) છે. 

ડિલિવરીની કામગીરી ડીએચએલને સોંપવામાં આવી હતી. બે સપ્તાહની રાહ જોયા પછી પણ પાર્સલ ન પહોંચતા ડેનિયલે જાતે જ પાર્સલ પીકઅપ કરવાનો નિર્ણય લીધો હતો. જો કે ડેનિયલે પેકેટ ખોલ્યું તેમામથી આઇફોનને બદલે બે ચોકલેટ અને એક ટૉયલેટ પેપર નીકળ્યુ હતુ. ડેનિયલે આ અંગેની ફરિયાદ એપલ અને ડીએચએલ બંનેને કરી છે પણ હજુ સુધી ફરિયાદનો નિકાલ થયો નથી. ડીએચએલની ટીમ હાલમાં ઘટનાની તપાસ કરી રહી છે પણ ડેનિયલનો આરોપ છે કે આ કંપની ગંભીરતાથી તપાસ કરી રહી નથી. 

 

 

આ પણ વાંચો..........