આવતા વર્ષે 2025માં મોંઘા થઇ જશે Smartphones!, કારણ છે ચોંકાવનારું

Smartphone Price Hike in 2025: જનરેટિવ AIના કારણે સ્માર્ટફોન મોંઘા થઈ રહ્યા છે. લોકો AI ફિચર્સ ખૂબ પસંદ કરી રહ્યા છે

(તસવીર- એબીપી લાઇવ)

Smartphone Price Hike in 2025: સમગ્ર વિશ્વમાં સ્માર્ટફોનની માંગ ઝડપથી વધી રહી છે. દરરોજ નવી કંપનીઓ માર્કેટમાં સ્માર્ટફોન લૉન્ચ કરી રહી છે, પરંતુ વર્ષ 2025માં સ્માર્ટફોન મોંઘા થઈ શકે છે. તેની પાછળ ત્રણ મોટા કારણો સામે આવ્યા છે. જેમ જેમ AI નો ઉપયોગ વધી રહ્યો છે, મોટી ટેક કંપનીઓ પણ AI પર ભાર આપી રહી છે. આવી સ્થિતિમાં ફોનની કિંમતો વધી રહી છે.

જાણો કિંમત વધવાના ત્રણ મોટા કારણ 
વર્ષ 2025માં સ્માર્ટફોનની કિંમતમાં વધારા પાછળ ત્રણ કારણો હોઈ શકે છે. પ્રથમ, સારા ઘટકોની વધતી કિંમત, બીજું, 5G નેટવર્કના આગમનને કારણે વધતો ખર્ચ અને ત્રીજું, AI જેવી નવી ટેકનોલૉજીનો વધતો ઉપયોગ. કાઉન્ટરપૉઈન્ટ રિસર્ચ અનુસાર, સ્માર્ટફોનની સરેરાશ કિંમત 2024માં 3% અને 2025માં 5% વધી શકે છે. આ એટલા માટે છે કારણ કે લોકો હવે વધુ શક્તિશાળી પ્રોસેસર અને AI સાથે મોંઘા ફોન ખરીદી રહ્યા છે.

જનરેટિવ AIના કારણે સ્માર્ટફોન મોંઘા થઈ રહ્યા છે. લોકો AI ફિચર્સ ખૂબ પસંદ કરી રહ્યા છે. તેથી, સ્માર્ટફોન મેન્યૂફેક્ચરિંગ કંપનીઓ વધુ શક્તિશાળી CPU, NPU અને GPU સાથે ચિપ્સ બનાવી રહી છે. આ ચિપ્સની કિંમત સામાન્ય રીતે ઘણી વધારે હોય છે, જેના કારણે ફોનની કિંમત પણ વધી જાય છે. 4nm અને 3nm જેવી ચિપ્સ બનાવવા માટેની નવી ટેક્નોલૉજીને કારણે ઘટકોની કિંમત પણ વધી રહી છે. આ સિવાય કંપનીઓએ સૉફ્ટવેર બનાવવા અને સુધારવામાં વધુ પૈસા ખર્ચવા પડે છે.

સમયની સાથે સ્માર્ટફોન પણ થઇ રહ્યાં છે અપગ્રેડ 
જોકે, જેમ જેમ ટેક્નોલૉજી પ્રગતિ કરી રહી છે તેમ તેમ સ્માર્ટફોન પણ અપગ્રેડ થઈ રહ્યા છે. આવી સ્થિતિમાં વધતી કિંમતોની સાથે બજારમાં સારા ફોન પણ આવી રહ્યા છે. આમાં વધુ સારો કેમેરા અને વધુ બુદ્ધિશાળી વર્ચ્યૂઅલ સહાયકનો સમાવેશ થાય છે. આવનારા સમયમાં ખાસ ફિચર્સ ધરાવતા સ્માર્ટફોન પણ જોવા મળી શકે છે.

આ પણ વાંચો