ફક્ત iPhone જ નહીં, Apple Eventમાં લોન્ચ થશે નવા Airpods સહિત અનેક પ્રોડક્ટ્સ
દર વર્ષની જેમ આ વખતે પણ કંપની નવી iPhone સીરિઝની સાથે અન્ય ઘણી પ્રોડક્ટ્સ લોન્ચ કરશે
Apple iPhone 17 Launch Event: ટેક જગત 9 સપ્ટેમ્બરે યોજાનારી Appleની Awe Droping ઇવેન્ટની આતુરતાથી રાહ જોઈ રહ્યું છે. દર વર્ષની જેમ આ વખતે પણ કંપની નવી iPhone સીરિઝની સાથે અન્ય ઘણી પ્રોડક્ટ્સ લોન્ચ કરશે. બધાની નજર આ ઇવેન્ટમાં લોન્ચ થનારી iPhone 17 સીરિઝ પર છે. આ વખતે નવી ડિઝાઇન અને ફીચર્સ સાથે આવતી આ સીરિઝમાં iPhone 17, iPhone 17 Air, iPhone 17 Pro અને iPhone 17 Pro Maxનો સમાવેશ થશે. ચાલો જાણીએ કે આ સિવાય આ ઇવેન્ટમાં બીજું શું લોન્ચ થશે.
AirPods Pro 3
એ લગભગ નક્કી છે કે Apple આ ઇવેન્ટમાં AirPods Pro 3 લોન્ચ કરશે. તેમાં Powerbeats Pro 2નું હાર્ટ રેટ મોનિટરિંગ ફીચર હશે. એવી અટકળો છે કે ઇયરબડ્સની ડિઝાઇનમાં થોડો ફેરફાર કરી શકાય છે અને તેના ચાર્જિંગ કેસને પહેલા કરતા નાનો બનાવવામાં આવશે. એવું પણ કહેવામાં આવી રહ્યું છે કે તેમાં લાઇવ ટ્રાન્સલેશન ફીચર ઉપલબ્ધ હશે. તે Appleની H3 ઓડિયો ચિપથી સજ્જ હશે.
એપલ વોચ સીરિઝ 11
9 સપ્ટેમ્બરે લોન્ચ થનારી સીરીઝ 11માં ડિઝાઇનમાં મોટો ફેરફાર થવાની અપેક્ષા નથી પરંતુ તેમાં આઉટડોર વિઝિબિલિટીને સુધારવા માટે વધુ બ્રાઇટનેસ સાથે ડિસ્પ્લે મળી શકે છે. આ સાથે તેમાં નવા રંગ અને સ્ટ્રેપ વિકલ્પો પણ ઉપલબ્ધ થશે. આ સીરીઝ S11 ચિપ પર આધારિત હશે અને 5G માટે તેમાં મીડિયાટેકના મોડેમનો ઉપયોગ કરી શકાય છે.
એપલ વોચ અલ્ટ્રા ૩
એપલ વોચ અલ્ટ્રા 3 બે વર્ષ પછી મોટા અપગ્રેડ સાથે લોન્ચ થઈ રહ્યું છે. તેની ડિઝાઇન એ જ રહેવાની અપેક્ષા છે, પરંતુ તેના ડિસ્પ્લેમાં ફેરફાર થઈ શકે છે. અલ્ટ્રા 3માં અલ્ટ્રા 2 ના 410 x 502ની સરખામણીમાં 422 x 514 પિક્સેલ રિઝોલ્યુશન સાથે ડિસ્પ્લે હોઈ શકે છે. તે LTPO3 OLED ડિસ્પ્લે અને નવી S11 ચિપ સાથે લોન્ચ કરવામાં આવશે અને એવું પણ અનુમાન કરવામાં આવી રહ્યું છે કે તેમાં સેટેલાઇટ કનેક્ટિવિટી ફીચર ઉપલબ્ધ હશે. સસ્તી એપલ વોચ SE ને અપગ્રેડેડ ડિસ્પ્લે અને ઝડપી પ્રોસેસરથી સજ્જ લોન્ચ કરી શકાય છે.
ટોપ સ્ટોરી
ટ્રેન્ડિંગ સમાચાર
