BSNL એ યૂઝર્સને કર્યા ખુશ, 99 રુપિયાના સસ્તા પ્લાનમાં મફત જોઈ શકશે 450 થી વધુ લાઈવ ટીવી ચેનલ
સરકારી ટેલિકોમ કંપની ડાયરેક્ટ-ટુ-મોબાઇલ ટીવી સેવામાં 450 થી વધુ લાઇવ ટીવી ચેનલો મફતમાં ઓફર કરી રહી છે.
BSNL એ તાજેતરમાં જ સમગ્ર ભારતમાં મોબાઈલ વપરાશકર્તાઓ માટે BiTV સેવા શરૂ કરી છે. સરકારી ટેલિકોમ કંપની ડાયરેક્ટ-ટુ-મોબાઇલ ટીવી સેવામાં 450 થી વધુ લાઇવ ટીવી ચેનલો મફતમાં ઓફર કરી રહી છે. આ માટે કંપનીએ OTT Play સાથે ભાગીદારી કરી છે. BSNL વપરાશકર્તાઓ કોઈપણ વધારાના ચાર્જ વિના તેમના ફોન પર BiTV એપ્લિકેશન પર મફતમાં લાઈવ ટીવી ચેનલો જોઈ શકશે. કંપનીએ કેટલાક રાજ્યોમાં બ્રોડબેન્ડ વપરાશકર્તાઓ માટે IFTV સેવા પણ શરૂ કરી છે.
બીએસએનએલએ તેના અધિકારી દ્વારા પુષ્ટિ કરી છે કંપનીએ તેના X હેન્ડલ દ્વારા જણાવ્યું કે લાઈવ ટીવી ચેનલો જોવા માટે યુઝર્સને કોઈ વધારાનો ચાર્જ લેવામાં આવશે નહીં. ટ્રાઈના આદેશ બાદ ટેલિકોમ કંપનીઓએ તેમના યુઝર્સ માટે સસ્તા વોઈસ ઓન્લી પ્લાન લોન્ચ કર્યા છે. BSNL તેના યૂઝર્સને માત્ર 99 રૂપિયામાં વૉઇસ પ્લાન ઑફર કરી રહ્યું છે.
Great news for all BSNL users!
— BSNL India (@BSNLCorporate) February 3, 2025
Enjoy FREE BiTV on every BSNL plan – Yes, even the Rs 99 voice-only plan!
Unlimited entertainment, no matter your plan. We’ve got you covered!#BSNLIndia #BiTV #UnlimitedEntertainment #StayConnected #BSNLForAll pic.twitter.com/8k3E37jqmw
વોઈસ ઓનલી પ્લાન
BSNLના આ સસ્તા રિચાર્જ પ્લાનમાં યુઝર્સને 17 દિવસની વેલિડિટી મળે છે. આ પ્રીપેડ પ્લાનમાં, યુઝર્સને 17 દિવસ માટે સમગ્ર ભારતમાં કોઈપણ નંબર પર અમર્યાદિત ફ્રી કોલિંગનો લાભ મળે છે. આ સિવાય સરકારી ટેલિકોમ કંપની પાસે 439 રૂપિયાનો માત્ર વૉઇસ પ્લાન પણ છે. ભારત સંચાર નિગમ લિમિટેડનો આ પ્લાન 90 દિવસની વેલિડિટી સાથે આવે છે. આમાં, વપરાશકર્તાઓને સમગ્ર ભારતમાં કોઈપણ નંબર પર કૉલ કરવા માટે અમર્યાદિત કૉલિંગનો લાભ મળે છે. આ સિવાય કંપની યુઝર્સને 300 ફ્રી SMSનો પણ લાભ મળશે.
BSNL BiTV
BiTV દ્વારા, વપરાશકર્તાઓ તેમના સ્માર્ટફોન પર 450 થી વધુ લાઇવ ટીવી ચેનલો, મૂવીઝ અને વેબ સિરીઝ જોઈ શકશે. ટ્રાયલ દરમિયાન, કંપનીએ 300 થી વધુ ફ્રી ટીવી ચેનલો ઓફર કરી હતી. BSNL યુઝર્સને આ સેવા માટે કોઈ વધારાનો ચાર્જ ચૂકવવો પડશે નહીં. આ સેવા BSNL સિમ કાર્ડ સાથે સંપૂર્ણપણે મફત છે. તમને જણાવી દઈએ કે ગયા વર્ષે આયોજિત ઈન્ડિયા મોબાઈલ કોંગ્રેસ (IMC 2024)માં સરકારી ટેલિકોમ કંપનીએ તેની 7 નવી સેવાઓની જાહેરાત કરી હતી, જેમાં IFTV તેમજ ડાયરેક્ટ-ટુ-મોબાઈલ (D2M)નો સમાવેશ થાય છે.
ટોપ સ્ટોરી
ટ્રેન્ડિંગ સમાચાર
