શું તમારા ફોનમાં પણ Candy Crush Saga અને Tinder છે? તો સાવધાન, રિપોર્ટમાં થયો ભયાનક ખુલાસો

Candy Crush Saga and Tinder App: સ્માર્ટફોનની ખાસિયત એ છે કે તેમાં એપ્સ અને ગેમ્સની વિશાળ શ્રેણી હોય છે, પરંતુ આ જ એપ્સ અને ગેમ્સ તમારી ગોપનીયતા માટે ખતરો બની શકે છે.

કેન્ડી ક્રશ સાગા

Source : social media

Candy Crush Saga and Tinder App: સ્માર્ટફોનની ખાસિયત એ છે કે તેમાં એપ્સ અને ગેમ્સની વિશાળ શ્રેણી હોય છે, પરંતુ આ જ એપ્સ અને ગેમ્સ તમારી ગોપનીયતા માટે ખતરો બની શકે છે. 9 જાન્યુઆરીના રોજ 404 મીડિયા દ્વારા પ્રકાશિત અહેવાલ મુજબ, લોકેશન ડેટા બ્રોકરેજ કંપની ગ્રેવી એનાલિટિક્સમાં ડેટા લીકનો મામલો સામે આવ્યો છે. રિપોર્ટમાં જણાવાયું છે કે કેટલીક લોકપ્રિય એપ્સ યુઝર્સના રીઅલ-ટાઇમ લોકેશનને ટ્રેક કરી રહી છે.

ડેટા લીક થઈ રહ્યો છે
જોકે આ ડેટા લીકની સંપૂર્ણ વિગતો હજુ સુધી જાણી શકાઈ નથી, પરંતુ હેકર દ્વારા પ્રકાશિત નમૂના ડેટામાં કેન્ડી ક્રશ સાગા અને ટિન્ડર જેવી એપ્સનો સમાવેશ થાય છે. રિપોર્ટ અનુસાર, હેકરે ગ્રેવી એનાલિટિક્સના સર્વર્સ (જે એમેઝોન ક્લાઉડ પ્લેટફોર્મ પર હતા) માંથી ઘણા ટેરાબાઇટ ગ્રાહક ડેટા ચોરી લીધો હતો. આ કંપની ગ્રાહક ડેટાનો મોટો સંગ્રહ જાળવી રાખે છે.

ફેડરલ ટ્રેડ કમિશન (FTC) એ ગ્રેવી એનાલિટિક્સ અને તેની પેટાકંપની વેન્ટેલને વપરાશકર્તાઓની સંમતિ વિના તેમના સ્થાન ડેટા વેચવા પર પ્રતિબંધ મૂક્યા બાદ આ ઘટના પ્રકાશમાં આવી. લીક થયેલા ડેટામાં 3 કરોડથી વધુ લોકેશન પોઈન્ટનો ઉલ્લેખ છે, જેમાં વ્હાઇટ હાઉસ, ક્રેમલિન, વેટિકન સિટી અને વિવિધ લશ્કરી થાણાઓ વિશેની માહિતીનો સમાવેશ થાય છે.

ડેટા બ્રોકર્સ કેવી રીતે કામ કરે છે?
ગ્રેવી એનાલિટિક્સ જેવી કંપનીઓ ઘણીવાર એપ્સમાંથી સીધો ડેટા લેતી નથી. તેઓ જાહેરાત એજન્સીઓ સાથે કામ કરીને અથવા પોતે જાહેરાત એજન્સી બનીને Android અને iOS ઉપકરણોમાંથી વપરાશકર્તાનો ડેટા મેળવે છે.

તમારી વ્યક્તિગત માહિતી સુરક્ષિત રાખવા માટેની ટિપ્સ
જો તમારો ડેટા લીક થયો હોય, તો તેને રોકવો મુશ્કેલ છે. પણ ભવિષ્ય માટે તેને સુરક્ષિત રાખવા માટે. એપ ઇન્સ્ટોલ કરતી વખતે, બિનજરૂરી પરવાનગીઓ બંધ કરો. જો તમે iPhone વાપરતા હો, તો હંમેશા "Ask Apps Not to Track" સુવિધાનો ઉપયોગ કરો. નોંધનિય છે કે, આજકાલ ઓનલાઈન ફ્રોડના કેસો ખુબ વધી રહ્યા છે. તેથી તમારે બિનજરુરી એપને તમારા સ્માર્ટફોન્સમાં ડાઉનલોડ ન કરવી જોઈએ.  આ ઉપરાંત સમયે સમયે તમારા પાસવર્ડ પણ બદલતા રહો જેથી ફ્રોડથી બચી શકાય.

આ પણ વાંચો....