![ABP Premium](https://cdn.abplive.com/imagebank/Premium-ad-Icon.png)
જો તમે પણ કરો છો Google Chromeનો ઉપયોગ તો સાવધાન!, સરકારે જાહેર કરી ગંભીર ચેતવણી
ઈન્ડિયન કોમ્પ્યુટર ઈમરજન્સી રિસ્પોન્સ ટીમ (CERT-In) એ ગૂગલ ક્રોમમાં કેટલીક ગંભીર ખામીઓ ઓળખી કાઢી છે
![જો તમે પણ કરો છો Google Chromeનો ઉપયોગ તો સાવધાન!, સરકારે જાહેર કરી ગંભીર ચેતવણી CERT In issues high risk vulnerability warning જો તમે પણ કરો છો Google Chromeનો ઉપયોગ તો સાવધાન!, સરકારે જાહેર કરી ગંભીર ચેતવણી](https://feeds.abplive.com/onecms/images/uploaded-images/2024/06/18/0b7c9d03a80306cf737c8ff5b1f285b61718689671823208_original.jpg?impolicy=abp_cdn&imwidth=1200&height=675)
ઈન્ડિયન કોમ્પ્યુટર ઈમરજન્સી રિસ્પોન્સ ટીમ (CERT-In) એ ગૂગલ ક્રોમમાં કેટલીક ગંભીર ખામીઓ ઓળખી કાઢી છે. આ ખામીઓને ટીમે ગંભીર ગણાવી છે. શોધાયેલ ખામીઓ ડેસ્કટોપ પર Google Chrome નો ઉપયોગ કરતા યુઝર્સને અસર કરી શકે છે. CERT-In ની સલાહ મુજબ, આ ખામીઓ Windows અને Mac માટેના 126.0.6478.114/115 અગાઉના ગૂગલ ક્રોમ વર્ઝન અને લિનક્સ માટે 126.0.6478.114 કરતાં પહેલાંના Google Chrome વર્ઝનને અસર કરી શકે છે.
આ વિશે ચેતવણી આપતા સાયબર સુરક્ષા એજન્સીએ ગૂગલ ક્રોમના ડેસ્કટોપ યુઝર્સને તેમના બ્રાઉઝરને લેટેસ્ટ વર્ઝનમાં અપડેટ કરવાની સલાહ આપી છે. જેથી સાયબર હુમલાખોરોના કોઈપણ સંભવિત ખતરાથી બચી શકાય.
CERT-In એ તેની એડવાઈઝરીમાં શું કહ્યું?
એજન્સીએ 19 જૂનના રોજ એક એડવાઈઝરી જાહેર કરી અને કહ્યું કે આ નબળાઇઓ Google Chromeમાં V8માં ટાઈપ કન્ફ્યુઝન અને વેબ એસેમ્બલીમાં ખોટા ઇમ્પ્લિમેન્ટેશન જેવા કારણોના કારણે છે. તેમાં કહેવામાં આવ્યું છે કે આ નબળાઈઓનો ફાયદો દૂર બેઠેલા અટેકર દ્વારા પીડિતને ખાસ રચાયેલા વેબ પેજની મુલાકાત લેવા માટે છેતરીને પ્રેરિત કરી શકે છે. જો અટેકર આ નબળાઈઓનો ઉપયોગ કરવામાં સફળ થાય તો રિમોટ અટેકર ટાર્ગેટ સિસ્ટમ પર મનસ્વી કોડ ચલાવવાની મંજૂરી આપી શકે છે.
CERT-In એ Google Pixel સ્માર્ટફોનમાં નિર્ણાયક નબળાઈઓની પણ ઓળખ કરી છે. Pixel 5a 5G, Pixel 6a, Pixel 6, Pixel 6 Pro, Pixel 7, Pixel 7 Pro, Pixel 7a, Pixel 8, Pixel 8 Pro, Pixel 8a અને Pixel Fold સુરક્ષા ખામીથી પ્રભાવિત છે.
Pixel ડિવાઇસમાં આ ખામીઓ છે Exynos RIL, Modem, LWIS, ACPM, ફિંગરપ્રિન્ટ સેન્સર, Telephony, Audio, WLAN HOST, Trusty OS, Pixel Firmware, LDFW, Trusty/TEE, Goodix, Mali, avcp, confirmationui, CPIF અને G4S2M જેવા અલગ અલગ કંમ્પોનેટન્સની અંદર ખોટા ઇનપુટ વેલિડેશનના કારણે પેદા થઇ છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)