એલોન મસ્કની સ્ટારલિંક ભારતમાં પ્રવેશવા માટે તૈયાર, હવે હાઇ-સ્પીડ ડેટા મળશે, તે પણ મોબાઇલ નેટવર્ક વિના!

એલોન મસ્ક ભારતીય બજારમાં પ્રવેશવાની તૈયારી કરી રહ્યા છે. મસ્કની સેટેલાઇટ ઇન્ટરનેટ કંપની, સ્ટારલિંક, ટૂંક સમયમાં ભારતમાં લોન્ચ થઈ શકે છે. કંપની ભારતમાં પોતાનું અર્થ સ્ટેશન બનાવી રહી છે.

એલોન મસ્કની સ્ટારલિંક ભારતમાં પ્રવેશવા માટે તૈયાર

Source : X/@SUBRATA30016572

Elon Musk Starlink India launch 2025: એલોન મસ્ક ભારતીય બજારમાં પ્રવેશવાની તૈયારી કરી રહ્યા છે. મસ્કની સેટેલાઇટ ઇન્ટરનેટ કંપની, સ્ટારલિંક, ટૂંક સમયમાં ભારતમાં લોન્ચ થઈ શકે છે. મીડિયા રિપોર્ટ્સ અનુસાર, સ્ટારલિંક સમગ્ર ભારતમાં નવ ગેટવે અર્થ સ્ટેશન બનાવવાની યોજના પર કામ કરી રહી છે.

 આ હેઠળ, કંપની મુંબઈ, નોઈડા, ચંદીગઢ, હૈદરાબાદ, કોલકાતા અને લખનૌ જેવા મુખ્ય શહેરોમાં તેના ગેટવે અર્થ સ્ટેશન બનાવશે. સ્ટારલિંક તેના હાઇ-સ્પીડ ઇન્ટરનેટ માટે જાણીતી છે. મોબાઇલ નેટવર્ક વિના પણ, સ્ટારલિંક ઇન્ટરનેટ દૂરના ગામડાઓમાં ઇન્ટરનેટ ઍક્સેસ પ્રોવાઇડ કરશે.

 શું છે કંપનીની યોજના

ધ ઇકોનોમિક ટાઇમ્સના એક અહેવાલ મુજબ, સ્ટારલિંકે તેના પ્રથમ સેટેલાઇટ નેટવર્ક  માટે ભારત સરકારને અરજી કરી છે, જેના દ્વારા કંપની 600 ગીગાબીટ પ્રતિ સેકન્ડની ક્ષમતા સાથે ઇન્ટરનેટ પ્રદાન કરવાનો લક્ષ્ય રાખે છે. જો કે, ટેલિકોમ્યુનિકેશન વિભાગે સ્ટારલિંકને સુરક્ષા તપાસ કરવા માટે ડેમો હેતુઓ માટે કામચલાઉ સ્પેક્ટ્રમનો ઉપયોગ કરવાની પરવાનગી આપી છે. સરકારે સ્ટારલિંકને ભારતમાં 100 યુઝર ટર્મિનલ લાવવા અને ફક્ત ફિક્સ્ડ સેટેલાઇટ સેવા પૂરી પાડવાની પણ મંજૂરી આપી છે.

કડક સરકારી દેખરેખ અને કડક કાર્યવાહી

ભારત સરકાર ઇચ્છે છે કે ભારતના નાગરિકો સાથે કોઇપણ પ્રકારનો દુરુપયોગ ન થાય છે. પરિણામે, તેણે સ્ટારલિંક પર કડક દેખરેખ રાખવાનો નિર્ણય લીધો છે. કંપનીએ તેના અર્થ સ્ટેશનો પર વિદેશી ટેકનિકલ નિષ્ણાતોની તૈનાતી કરવાની માંગણી કરી છે.  ભારત સરકારે આ મંગણીને નકારી કાઢી  છે અને કહ્યું હતું કે ગૃહ મંત્રાલય તરફથી સુરક્ષા મંજૂરી ન મળે ત્યાં સુધી ફક્ત ભારતીય નાગરિકોને જ અર્થ સ્ટેશનો ચલાવવાની મંજૂરી આપવામાં આવશે.                                                               

 

સરકારે એ પણ સ્પષ્ટતા કરી છે કે ટ્રાયલ દરમિયાન એકત્રિત કરવામાં આવેલ તમામ ડેટા ભારતમાં સંગ્રહિત થવો જોઈએ. કંપનીએ 15 દિવસની અંદર ટેલિકોમ્યુનિકેશન વિભાગ અને ભારતીય સુરક્ષા એજન્સીઓ સાથે તેનો રિપોર્ટ શેર કરવાનો રહેશે. જો કે, કંપની ટ્રાયલ દરમિયાન સામાન્ય  લોકોને સર્વિશ નહી પુરી પાડી શકે