WhatsApp: ફ્રૉડ ગૃપમાંથી બચવા માટે WhatsAppનું નવુ ટૂલ, જાણો આ ખાસ ફિચરની ખાસિયત
New WhatsApp Feature: વૉટ્સએપે તેના યૂઝર્સ માટે નવું કૉન્ટેક્સ્ટ કાર્ડ્સ ફિચર લૉન્ચ કરી દીધી છે, જે અજાણ્યા વૉટ્સએપ ગૃપ સાથે સંબંધિત માહિતી આપશે
New WhatsApp Feature: વૉટ્સએપે તેના યૂઝર્સ માટે નવું કૉન્ટેક્સ્ટ કાર્ડ્સ ફિચર લૉન્ચ કરી દીધી છે, જે અજાણ્યા વૉટ્સએપ ગૃપ સાથે સંબંધિત માહિતી આપશે. આ નવી ફેસિલિટીના હેતુ યૂઝર્સને છેતરપિંડી ગૃપોથી બચાવવાનો છે જેમાં તેઓ અચાનક એડ કરી દેવામાં આવે છે. મેટાના વૉટ્સએપ હેડ વિલ કેથકાર્ટે તેમની સત્તાવાર વૉટ્સએપ ચેનલ દ્વારા આ નવા ફિચરની જાહેરાત કરી છે. તેમણે કહ્યું કે કૉન્ટેક્સ્ટ કાર્ડ્સ ફિચર યૂઝર્સને તે ગૃપ સાથે સંબંધિત ડિટેલ્સ આપશે જેમના આમંત્રણ તેમને કોઈપણ માહિતી વિના મળ્યા છે. તેનાથી યૂઝર્સને એ સમજવામાં સરળતા રહેશે કે તેઓ તે ગૃપમાં જોડાવા માગે છે કે નહીં.
કઇ રીતે કરશે કામ ?
જ્યારે પણ તમને કૉન્ટેક્સ્ટ કાર્ડ્સ ફિચર દ્વારા અજાણ્યા વૉટ્સએપ ગૃપ તરફથી આમંત્રણ મળે છે, ત્યારે આ ફિચર તમને તે ગૃપ વિશેની માહિતી બતાવશે. આમાં ગૃપનું નામ, એડમિનિસ્ટ્રેટર ડિટેલ્સ અને ગૃપના સભ્યોની સંખ્યા જેવી માહિતી સામેલ હશે. આ માહિતીની મદદથી તમે નક્કી કરી શકો છો કે ગૃપ કેટલું સુરક્ષિત છે અને તમારે તેમાં રહેવું જોઈએ કે તરત જ બહાર નીકળી જવું જોઈએ.
સેફ્ટી ટૂલ્સ
આ ફિચરની સાથે વૉટ્સએપે સેફ્ટી ટૂલ્સ માટે એક બટન પણ ઉપલબ્ધ કરાવ્યું છે. આ બટન દ્વારા યૂઝર્સ જાણી શકે છે કે ગૃપ કેટલું સુરક્ષિત છે. જો તમને સહેજ પણ શંકા હોય, તો તમે તરત જ ગૃપમાંથી બહાર નીકળી શકો છો. આ સિવાય તમે વૉટ્સએપ પર ગૃપની જાણ પણ કરી શકો છો, જેથી અન્ય યૂઝર્સ પણ છેતરપિંડીથી બચી શકે.
કેમ છે આ ફિચર જરૂરી ?
ઘણી વખત યૂઝર્સને અજાણ્યા વૉટ્સએપ ગૃપમાંથી ઇન્વાઇટ મળે છે, જેમાં છેતરપિંડીની પ્રવૃત્તિ થવાની સંભાવના હોય છે. આવી સ્થિતિમાં યૂઝર્સને છેતરપિંડી ગૃપોથી બચાવવા અને તેમને સુરક્ષિત રાખવા માટે આ નવું ફિચર ખૂબ જ મહત્વપૂર્ણ છે. આ સુવિધા યૂઝર્સને યોગ્ય નિર્ણય લેવામાં અને તેમના WhatsApp અનુભવને વધુ સુરક્ષિત બનાવવામાં મદદ કરશે.
ટોપ સ્ટોરી
ટ્રેન્ડિંગ સમાચાર
