Apple ઇવેન્ટમાં આજે લૉન્ચ થશે iPhone 12 સીરીઝ, જાણો ક્યારે અને ક્યાંથી જોઇ શકાશે લાઇવ સ્ટ્રીમિંગ

આ સ્પેશ્યલ ઇવેન્ટમાં એપલ કંપની પોતાના સૌથી નાના આઇફોન, iPhone 12 mini પરથી પણ પડદો ઉઠાવશે. આ ઇવેન્ટનુ નામ એપલે Hi, Speed રાખ્યુ છે

પ્રતિકાત્મક તસવીર

નવી દિલ્હીઃ ટેક દિગ્ગજ એપલ આજે પોતાની નવી આઇફોન-12ને લૉન્ચ કરવા જઇ રહી છે. આઇફોન લવર્સ માટે આનંદના સમાચાર છે. કંપની આજે એક મોટી સ્પેશ્યલ ઇવેન્ટ કરીને નવા આઇફોનને લૉન્ચ કરશે. આ સ્પેશ્યલ ઇવેન્ટમાં એપલ કંપની પોતાના સૌથી નાના આઇફોન, iPhone 12 mini પરથી પણ પડદો ઉઠાવશે. આ ઇવેન્ટનુ નામ એપલે Hi, Speed રાખ્યુ છે. Hi Speed થી 5જી આઇફોનની આશા કરવામાં આવી રહી છે. એપલની હાઇ સ્પીડ ઇવેન્ટનુ આયોજન આજે રાત્રે 10.30 વાગે થશે. આ ઇવેન્ટ યુએસના કેલિફોર્નિયાના ક્યૂપર્ટિનો સ્થિત એપલના કૉર્પોરેટ હેડક્વાર્ટર Apple Parkમાં આયોજિત કરવામાં આવશે. આ ઇવેન્ટને તમે આજે રાત્રે 10.30 વાગ્યાથી એપલ ઇવેન્ટની સાઇટ અને યુટ્યૂબ ચેનલ પરથી જોઇ શકશો. ચાર મૉડલ થશે લૉન્ચ એપલ ઇવેન્ટમાં આઇફોન-12 સીરીઝના ચાર સ્માર્ટફોન લૉન્ચ કરશે. આમાં આઇફોન 12 મીની, આઇફોન 12, આઇફોન 12 પ્રૉ અને આઇફોન 12 પ્રૉ મેક્સ સામેલ છે. આ તમામ ડિવાઇસીસને એપલ 5G કનેક્ટિવિટી સાથે લૉન્ચ કરવામાં આવશે. આ હોઇ શકે છે કિંમત લીક્સ રિપોર્ટ પ્રમાણે આઇફોન 12 મીનીની સ્ક્રીન સાઇઝ 5.1 ઇંચ હશે, અને તેની કિંમત લગભગ 699 ડૉલર એટલે કે 51,000 રૂપિયા સુધી હોઇ શકે છે. આ ઉપરાંત 6.1 ઇંચ ડિસ્પ્લે વાળો આઇફોન 12 યુએસમાં 799 ડૉલર એટલે કે લગભગ 58,300 રૂપિયા નક્કી કરવામાં આવી શકે છે. આ બન્ને સ્માર્ટફોનમાં ડ્યૂલ કેમેરા સેટઅપ આપવામાં આવ્યો છે. જો સ્ટૉરેજની વાત કરીએ તો આમાં 64GB થી 256GB સુધી સ્ટૉરેજ મળી શકે છે. આની આ હોઇ શકે છે કિંમત વળી આઇફોન-12 પ્રૉની ડિસ્પ્લે 6.1 ઇંચની હશે, અને ફોનની શરૂઆતી કિંમત 999 ડૉલર એટલે લગભગ 73,000 રૂપિયા હોઇ શકે છે. આ ઉપરાંત આઇફોન-12 પ્રૉ મેક્સની ડિસ્પ્લે 6.7 ઇંચની હશે, અને આની શરૂઆતી કિંમત 1099 ડૉલર એટલે લગભગ 80,000 રૂપિયા રાખવામાં આવી શકે છે. આ ઇવેન્ટમાં કંપની MagSafe વાયરલેસ ચાર્જર પણ માર્કેટમાં ઉતારી શકે છે. જોકે કંપની તરફથી સત્તાવાર રીતે કિંમત અંગે કોઇ ખુલાસો કરવામાં આવ્યો નથી.