5,000mAh બેટરી સાથે Realme C61 ભારતમાં લોન્ચ, જાણો કિંમત અને સ્પેસિફિકેશન 

Realme એ તેનો બજેટ ફ્રેન્ડલી સ્માર્ટફોન Realme C61 ભારતીય બજારમાં લોન્ચ કર્યો છે. આ સ્માર્ટફોનને 10,000 રૂપિયાથી ઓછી કિંમતે લોન્ચ કરવામાં આવ્યો છે.

તસવીર સોશિયલ મીડિયા

Realme C61 Smartphone in India: Realme એ તેનો બજેટ ફ્રેન્ડલી સ્માર્ટફોન Realme C61 ભારતીય બજારમાં લોન્ચ કર્યો છે. આ સ્માર્ટફોનને 10,000 રૂપિયાથી ઓછી કિંમતે લોન્ચ કરવામાં આવ્યો છે અને તે યુઝર્સને પાવરફુલ બેટરી તેમજ એક શાનદાર કેમેરા અને ઘણી ખાસ સુવિધાઓ પ્રદાન કરે છે. ચાલો આપણે Realme C61 સ્માર્ટફોનની કિંમત, સ્પેસિફિકેશન અને સુવિધાઓ વિશે વિગતવાર જાણીએ.

Realme C61: જાણો શું છે આ ફોનની કિંમત 

Realme C61 કંપનીનો બજેટ ફ્રેન્ડલી સ્માર્ટફોન છે અને તેને ત્રણ અલગ-અલગ સ્ટોરેજ વેરિએન્ટમાં લોન્ચ કરવામાં આવ્યો છે. ફોનના 4GB + 64GB મોડલની કિંમત 7,699 રૂપિયા છે, જ્યારે 4GB + 128GB સ્ટોરેજ મોડલની કિંમત 8,499 રૂપિયા છે. જ્યારે 6GB + 128GB સ્ટોરેજ મોડલની કિંમત 8,999 રૂપિયા છે. આ સ્માર્ટફોન લોન્ચ સાથે વેચાણ માટે ઉપલબ્ધ થઈ ગયો છે. કંપનીની ઓફિશિયલ વેબસાઈટ સિવાય યુઝર્સ તેને ઈ-કોમર્સ પ્લેટફોર્મ ફ્લિપકાર્ટ પરથી પણ ખરીદી શકે છે. આ સિવાય આ સ્માર્ટફોનને રિટેલ સ્ટોર્સ પરથી પણ ખરીદી શકાય છે. કંપનીનો સસ્તો સ્માર્ટફોન બે કલર વેરિઅન્ટ, સફારી ગ્રીન અને માર્બલ બ્લેકમાં ઉપલબ્ધ થશે.

Realme C61: સ્પેસિફિકેશન અને ફિચર્સ

Realme C61 એ કંપનીનો બજેટ ફ્રેન્ડલી C સીરીઝનો સ્માર્ટફોન છે, જેમાં ઓછી કિંમતની સાથે ઘણી ઉપયોગી સુવિધાઓ પણ છે. Realme C61 સ્માર્ટફોન UNISOC T612 ઓક્ટા-કોર પ્રોસેસર પર કામ કરે છે. આ સ્માર્ટફોનમાં 6GB રેમ સાથે 128GB સ્ટોરેજ છે. પાવર બેકઅપ માટે યુઝર્સને 5,000mAhની પાવરફુલ બેટરી મળશે જે એક જ ચાર્જમાં લાંબો બેકઅપ આપી શકે છે. ફોટોગ્રાફી માટે ફોનમાં 32MP પ્રાઈમરી સેન્સર છે, જેની મદદથી યુઝર્સ ઉચ્ચ ગુણવત્તાની ફોટોગ્રાફીનો આનંદ લઈ શકે છે. આ સિવાય ફોનમાં 5MP ફ્રન્ટ કેમેરા પણ આપવામાં આવ્યો છે. ફોનમાં HD+ LCD ડિસ્પ્લે છે જે વોટરડ્રોપ નોચ સ્ટાઇલ સાથે આવે છે.