AI ફીચર્સ અને 12GB RAM સાથે લોન્ચ થઇ Samsung Galaxy S25 Series, જાણો ફીચર્સ અને કિંમત
આ સીરિઝમાં કંપનીએ ગેલેક્સી S25, S25+ અને S25 અલ્ટ્રા જેવા ત્રણ મોડેલનો સમાવેશ કર્યો છે
Samsung Galaxy S25 Series Launched: સ્માર્ટફોન બનાવતી કંપની સેમસંગે આજે તેના સ્માર્ટફોન સેમસંગ ગેલેક્સી S25 સીરિઝ (Samsung Galaxy S25 Series) લોન્ચ કર્યો છે. આ સીરિઝમાં કંપનીએ ગેલેક્સી S25, S25+ અને S25 અલ્ટ્રા જેવા ત્રણ મોડેલનો સમાવેશ કર્યો છે. કંપની આ સીરિઝમાં ઘણા AI ફીચર્સ આપી રહી છે. ઉપરાંત, કંપનીએ ડિવાઇસમાં 12GB રેમ પણ આપી છે.
Samsung Galaxy S25 and S25+ Specifications
Samsung Galaxy S25માં કંપનીએ 6.2-ઇંચ FHD+ AMOLED ડિસ્પ્લે આપી છે. કંપનીએ S25+ માં 6.7-ઇંચની QHD+ ડિસ્પ્લે આપી છે. બંને મોડેલના ડિસ્પ્લે 120 Hz ના રિફ્રેશ રેટને સપોર્ટ કરે છે. કંપનીએ આ બંને મોડેલને Qualcomm Snapdragon 8 Elite SoC પર આધારિત પ્રોસેસર પર લોન્ચ કર્યા છે.
કેમેરા સેટઅપ
તેના કેમેરા સેટઅપ વિશે વાત કરીએ તો કંપનીએ આ સ્માર્ટફોનમાં 50MP પ્રાઇમરી કેમેરાની સાથે 10MP 3x ટેલિફોટો લેન્સ અને 12MP અલ્ટ્રાવાઇડ સેન્સર પણ આપ્યું છે. સેલ્ફી અને વીડિયો કોલ માટે કંપનીએ ડિવાઇસમાં 12MP ફ્રન્ટ કેમેરા પણ આપ્યો છે.
પાવર માટે Samsung Galaxy S25માં 4000mAh બેટરી આપવામાં આવી છે. કંપનીએ S25+ માં 4900mAh બેટરી આપી છે. આ મોડેલ્સ એન્ડ્રોઇડ 15 One UI 7 ઓપરેટિંગ સિસ્ટમ પર કામ કરે છે. કંપનીએ સેમસંગ ગેલેક્સી S25ને 12 + 128GB, 12 + 256GB, 12 + 512GB જેવા ત્રણ વેરિઅન્ટમાં લોન્ચ કર્યો છે. Samsung Galaxy S25+ - 12+256GB અને 12+512GB ફક્ત બે વેરિઅન્ટમાં લોન્ચ કરવામાં આવ્યો છે. કંપનીએ આ બંને મોડેલ્સ બજારમાં પિંક ગોલ્ડ, બ્લુ બ્લેક, સિલ્વર શેડો, કોરલ રેડ, મિન્ટ, નેવી અને આઈસી બ્લુ જેવા રંગોમાં લોન્ચ કર્યા છે. આ ઉપરાંત આ ફોન IP68 રેટિંગ સાથે આવે છે, જેનો અર્થ એ છે કે આ ફોનને પાણી અને ધૂળથી પણ નુકસાન થતું નથી.
જો આપણે આ મોડેલના કેમેરા સેટઅપ પર નજર કરીએ તો કંપનીએ 50MP ટેલિફોટો લેન્સ સાથે 200MP પ્રાઇમરી કેમેરા આપ્યો છે જે 5x ઓપ્ટિકલ ઝૂમને સપોર્ટ કરે છે. આ ઉપરાંત તેમાં 10MP 3x ટેલિફોટો લેન્સ અને 50MP અલ્ટ્રાવાઇડ લેન્સ પણ છે જે યુઝરને ફોટોગ્રાફીનો ઉત્તમ અનુભવ પ્રદાન કરશે.
આ ડિવાઇસમાં સેલ્ફી અને વીડિયો કૉલ્સ માટે 12MPનો ફ્રન્ટ કૅમેરો છે. પાવર માટે ફોનમાં 5000mAh ની શક્તિશાળી બેટરી આપવામાં આવી છે. આ બેટરી 45W ફાસ્ટ ચાર્જિંગને પણ સપોર્ટ કરે છે. કંપનીએ આ મોડેલને ટાઇટેનિયમ ગ્રે, ટાઇટેનિયમ બ્લેક, ટાઇટેનિયમ વ્હાઇટ સિલ્વર અને ટાઇટેનિયમ જેડ ગ્રીન જેવા રંગોમાં લોન્ચ કર્યું છે.
Samsung Galaxy S25 Series Price
કિંમતોની વાત કરીએ તો સેમસંગે ગેલેક્સી S25ના 12GB + 128GB વેરિઅન્ટની કિંમત અમેરિકામાં 799 ડોલર (ભારતીય કિંમતમાં રૂપિયા 69,000) રાખી છે. તેના 12GB+256GB વેરિઅન્ટની કિંમત 859 ડોલર (ભારતીય કિંમતમાં 74,300 રૂપિયા) છે. Galaxy S25+ ના 12GB + 256GB વેરિઅન્ટની કિંમત 999 ડોલર (ભારતીય કિંમત 86,400 રૂપિયા) છે. તેના 12GB + 512GB વેરિઅન્ટની કિંમત 1119 ડોલર (ભારતીય કિંમતમાં રૂપિયા 96,700) નક્કી કરવામાં આવી છે.
હવે Galaxy S25 Ultra ની કિંમતો વિશે વાત કરીએ તો તેના 12GB+256GB મોડેલની કિંમત 1299 ડોલર (ભારતીય કિંમતમાં રૂપિયા 1,12,300), 16GB+512GB મોડેલની કિંમત 1419 ડોલર (ભારતમાં તેની કિંમત 1,22,700 રૂપિયા) અને 16GB+1TB છે. મોડેલની કિંમત 1659 ડોલર (ભારતીય કિંમતમાં 1,22,700 રૂપિયા) છે. આ સીરિઝનું વેચાણ 7 ફેબ્રુઆરી 2025થી શરૂ થશે.
ટોપ સ્ટોરી
ટ્રેન્ડિંગ સમાચાર
