વૉટ્સએપમાં આવશે કમાલનુ ફિચર, એક જ નંબરથી બબ્બે ફોનમાં ચાલશે તમારુ WhatsApp

WhatsAppના નવા અપડેટ્સ અને લેટેસ્ટ ફીચર્સ પર નજર રાખનારી સાઇટ WABetaInfoએ તેની હિંટ આપી છે. લીક રિપોર્ટ્સ અનુસાર વૉટ્સએપ લિંક્ડ ડિવાઈસીસના નામથી અલગથી સેક્શન આપવામાં આવશે

નવી દિલ્હીઃ ભારતમાં સૌથી લોકપ્રિય ઇન્સટન્ટ મેસેજિંગ એપ વ્હોટ્સએપ હવે પોતાના યૂઝર્સને વધુ એક સગવડ આપવા જઇ રહ્યું છે. એપ લાંબા સમયથી જે મલ્ટી ડિવાઈસ સપોર્ટ ફીચર પર કામ કરી રહી હતી તે હવે ટૂંકમાં જ યૂઝર્સ માટે રોલઆઉટ કરવામાં આવી શકે છે. આ ફિચર આવ્યા બાદ વૉટ્સએપ યૂઝર્સ એક જ નંબરથી અનેક ફોનમાં વૉટ્સએપ ચલાવી શકશે. WhatsAppના નવા અપડેટ્સ અને લેટેસ્ટ ફીચર્સ પર નજર રાખનારી સાઇટ WABetaInfoએ તેની હિંટ આપી છે. લીક રિપોર્ટ્સ અનુસાર વૉટ્સએપ લિંક્ડ ડિવાઈસીસના નામથી અલગથી સેક્શન આપવામાં આવશે, જેના દ્વારા ખબર પડશે કે ક્યા ક્યા ડિવાઈસમાં એક જ નંબરથી એકાઉન્ટ ચાલી રહ્યા છે. આ સેક્શન યૂઝર્સને વૉટ્સએપના મેન્યૂમાં આપવામાં આવશે. લિંક્ડ ડિવાઈસ જોવા મળશે વૉટ્સએપના આ સેક્શનમાં યૂઝર્સને પહેલાથી જ લિંક કરવામાં આવેલ ડિવાઇસ પણ જોવા મળશે. સાથે જ ટેમ્પ સ્ટેમ્પની સાથે જોવા મળશે કે આ ડિવાઇસ પર વૉટ્સએપ છેલ્લે ક્યારે એક્ટિવ હતું. જ્યારે આ ઉપરાંત વૉટ્સએપ એડવાન્સ્ડ સર્ચ મોડ લાવવાની પણ તૈયારી કરી રહ્યું છે. Wi Fiથી કરવાનું રહેશે સિંક વૉટ્સએપના આ ફીચર્સ એપમાં એન્ડ્રોઈડ બીટા વર્ઝન 2.20.196.8માં જોવા મળી રહ્યું છે. એવના નવા ફીચર્સ હાલમાં અંડર ડેવલપમેન્ટ છે, માટે બીટા યૂઝર્સ માટે પણ તેને રજૂ કરવામાં આવ્યા નથી. એક રિપોર્ટ અનુસાર વૉટ્સએપને અલગ અલગ ડિવાઈસમાં ચલાવવા માટે Wi-Fi Syncની જરૂરત પડી શકે છે.