Gmail Blue Tick: હવે જીમેલ પર શરૂ થઈ બ્લુ ટિકની ગેમ, જાણો કોને મળશે તેનો ફાયદો

Gmail Blue Verification: હવે Gmail પર પણ બ્લુ ટિક મળવાનું શરૂ થઈ ગયું છે. જોકે, આ બ્લુ ટિક માત્ર પસંદગીના યુઝર્સને જ આપવામાં આવી રહ્યું છે. આવો જાણીએ, કોણ છે આ યુઝર્સ?

હવે જીમેલ પર શરૂ થઈ છે બ્લુ ટિકની ગેમ

Gmail Blue Tick: ટેક જાયન્ટ્સ વચ્ચે બ્લુ ટિકની લડાઈની શરૂ થઈ ગઈ છે. ટ્વિટરની બ્લુ ટિક ચર્ચાનો વિષય બન્યા બાદ મેટાની બ્લુ ટિકની વિગતો સામે આવી છે. વેરિફિકેશન ચેકમાર્ક એ માત્ર ટ્વિટર અથવા મેટાનો ખ્યાલ નથી, પરંતુ YouTube, Pinterest, TikTok અને અન્ય ઘણા ડિજિટલ પ્લેટફોર્મ પણ વેરિફિકેશન ટિક પ્રદાન કરે છે. LinkedIn એ પણ તાજેતરમાં વેરિફિકેશન બેજ રજૂ કર્યા છે. હવે લાગે છે કે ગૂગલ પણ બ્લુ ટિક્સની ગેમ શરૂ કરવા જઈ રહ્યું છે. લેટેસ્ટ રિપોર્ટમાં ખુલાસો થયો છે કે ગૂગલ તેની જીમેલ સર્વિસમાં કેટલાક સિલેક્ટેડ યુઝર્સના નામની સામે બ્લુ ચેકમાર્ક શરૂ કરવા જઈ રહ્યું છે.

આ વપરાશકર્તાઓને Gmail પર બ્લુ ટિક મળશે

કંપનીએ બુધવારે જાહેરાત કરી હતી કે Google તેમની ઓળખ ચકાસવા માટે Gmail પર સેન્ડર્સના નામ પસંદ કરવા આગળ વાદળી ચેકમાર્ક બતાવવા જઈ રહ્યું છે, ટેકક્રંચે અહેવાલ આપ્યો છે. નવા વાદળી ચેકમાર્ક્સ આપમેળે એવી કંપનીઓના નામની બાજુમાં દેખાશે કે જેમણે Gmail ના હાલના બ્રાંડ ઇન્ડિકેટર ફોર મેસેજ આઇડેન્ટિફિકેશન (BIMI) સુવિધાને અપનાવી છે.

BIMI ફીચર શું છે?

BIMI ફીચર 2021માં લોન્ચ કરવામાં આવ્યું હતું. આ સુવિધા હેઠળ, મોકલનારને મજબૂત વેરિફિકેશનનો ઉપયોગ કરવાની અને તેના બ્રાન્ડ લોગોને ઈમેલમાં અવતાર તરીકે બતાવવા માટે તેના બ્રાન્ડ લોગોની ચકાસણી કરવાની જરૂર છે. હવે જો તમે બ્રાન્ડના નામની બાજુમાં વાદળી ચેકમાર્ક જુઓ છો, તો તેનો અર્થ એ છે કે બ્રાન્ડે BIMI સુવિધા અપનાવી છે. ગૂગલનું કહેવું છે કે આ અપડેટ યુઝર્સને માન્ય સેન્ડર્સ ઓળખવામાં મદદ કરશે. જેમ કે, તમે કંપની દ્વારા જ મોકલવામાં આવનાર વાદળી ચેકમાર્ક સાથેના મેઇલ પર વિશ્વાસ કરી શકો છો.