ગૂગલ લાવનાર છે આ નવુ ફીચર્સ, દરેક પ્રકારના ફ્રોડથી બચાવે છે, આ યુઝર્સને થશે ફાયદો

Google Chrome યુઝર્સને જલ્દી જ ઓટોમેટેડ પાસવર્ડ ચેન્જ ફીચર મળશે. આ ડેટા લીક થવાના કિસ્સામાં યુઝર્સના પાસવર્ડ બદલવામાં મદદ કરશે.

પ્રતીકાત્મક તસવીર ( ગૂગલમાંથી)

Source : google

સાયબર ક્રાઈમ અને ડેટા લીકની વધતી જતી ઘટનાઓએ ઈન્ટરનેટ યુઝર્સની ચિંતા વધારી દીધી છે. આ કારણે લોકો હવે પહેલા કરતા સાયબર સિક્યોરિટી પર વધુ ધ્યાન આપવા લાગ્યા છે. હવે ગૂગલ આવી ઘટનાઓ સામે રક્ષણ આપવા માટે એક નવું ફીચર લાવવા પર કામ કરી રહ્યું છે. AIની મદદથી કામ કરતું આ ફીચર આપમેળે પાસવર્ડ બદલી શકશે. આની સાથે યુઝર્સને ડેટાની ચોરી અને હેકિંગના કારણે થતા નુકસાનથી પણ બચાવી શકાશે.

નવી સુવિધા કેવી રીતે કામ કરશે?

મીડિયા રિપોર્ટ્સ અનુસાર, યુઝર્સને ટૂંક સમયમાં ગૂગલ ક્રોમમાં ‘ઓટોમેટેડ પાસવર્ડ ચેન્જ’ ફીચર મળશે. આ ફીચરની રજૂઆત પછી, ગૂગલ ક્રોમને જેમ જ ખબર પડશે કે ડેટા લીકમાં તમારો પાસવર્ડ લીક થઈ ગયો છે, તો તે  યુઝર્સઓને એઆઈની મદદથી આપમેળે પાસવર્ડ બદલવામાં મદદ કરશે. એકવાર પાસવર્ડ બદલાઈ જાય, તે Google પાસવર્ડ મેનેજરમાં ઉમેરવામાં આવશે. અત્યારે કંપની આ ફીચરનું ટેસ્ટિંગ કરી રહી છે. અહીંથી મળેલા ફીડબેક બાદ તેને મોટા પાયે રોલઆઉટ કરવામાં આવશે.

પહેલાથી અસ્તિત્વમાં રહેલા ફીચરથી અલગ હશે

આ જ પ્રકારનું ફીચર હાલમાં ગૂગલ ક્રોમમાં છે. જ્યારે ડેટા લીકમાં યુઝરનો પાસવર્ડ શોધી કાઢવામાં આવે છે, ત્યારે તે પાસવર્ડ બદલવાની સૂચના મોકલે છે. અહીં યુઝર્સને મજબૂત પાસવર્ડ જનરેટ કરવાનો વિકલ્પ પણ મળે છે. જોકે, આવનારું નવું ફીચર આનાથી થોડું અલગ હશે. તે AI ની મદદથી કામ કરશે અને આ સમગ્ર પ્રક્રિયાને વધુ સરળ અને સાહજિક બનાવશે.                                   

આ ફીચરને જોઈને કહી શકાય કે ગૂગલ ક્રોમને સંપૂર્ણ રીતે AIથી સજ્જ કરવાનો પ્રયાસ કરી રહ્યું છે. તાજેતરમાં, ક્રોમને ઓટોમેટિક ટેબ ગ્રુપિંગ અને સ્માર્ટ હિસ્ટ્રી સર્ચ જેવી AI-સંચાલિત સુવિધાઓ મળી છે. આનાથી યુઝર્સ  અનુભવમાં સુધારો થયો છે.