iPhone 15 સીરીઝની બેટરી કેપેસિટી અહીં જાણો, એક ચાર્જમાં કલાકો ચાલશે આ મૉડલ
iPhone 15 સીરીઝની બેટરી ક્ષમતા અંગે દરેકના મનમાં એક સવાલ છે કે કંપનીએ નવી સીરીઝમાં કેટલી બેટરી આપી છે
iPhone 15 Series Battery Capacity: ટેક દિગ્ગજ પોતાના યૂઝર્સને નવા ઇનૉવેશનની ગિફ્ટ આપી છે. Appleની નવી iPhone 15 સીરીઝ તાજેતરમાં જ લૉન્ચ કરી છે, અને હવે તેના માટે પ્રી-બુકિંગ પણ શરૂ થઈ ગયું છે. તમે કંપનીની ઓફિશિયલ વેબસાઈટ પર જઈને iPhone 15 અને 15 Plus પ્રી-બુક કરી શકો છો. બ્લૂમબર્ગના અહેવાલ મુજબ, Appleના iPhone 15 Proને સૌથી વધુ બુક કરવામાં આવી છે કારણ કે વિશ્વભરમાં પ્રી-ઓર્ડર શરૂ થઈ ગયા છે, જેના કારણે પ્રારંભિક ડિલિવરી નવેમ્બર સુધી લંબાઈ શકે છે. ઉપરાંત iPhone 15 Pro Max, જેની ભારતમાં કિંમત 1,59,900 રૂપિયાથી શરૂ થાય છે, તે યુએસમાં નવેમ્બરના મધ્ય સુધી ડિસ્ટ્રીબ્યૂટ કરવામાં આવી છે. વળી, ભારતમાં ડિલિવરીમાં 8 અઠવાડિયા સુધીનો વિલંબ થઈ શકે છે.
iPhone 15 સીરીઝની બેટરી ક્ષમતા અંગે દરેકના મનમાં એક સવાલ છે કે કંપનીએ નવી સીરીઝમાં કેટલી બેટરી આપી છે. ચીનના એક રેગ્યૂલેટરી ડેટાબેસે આ વિષય પર માહિતી શેર કરી છે. માહિતી અનુસાર, Appleએ iPhone 15 Pro Maxમાં સૌથી વધુ બેટરી કેપેસિટી આપી છે જ્યારે iPhone 15 Pro એ સૌથી ઓછી બેટરી ક્ષમતા આપી છે.
iPhone 15 સીરીઝની બેટરી કેપેસિટી -
MySmartPriceમાં પ્રકાશિત આ ડેટા અનુસાર, Appleએ iPhone 15માં 3,349mAh બેટરી આપી છે જ્યારે iPhone 15 Plusમાં 4,383mAh બેટરી, iPhone 15 Proમાં 3,274mAh બેટરી અને iPhone 15 Pro Maxમાં 4,422mAhની બેટરી આપી છે. કંપનીએ ગયા વર્ષે લૉન્ચ કરાયેલ iPhone 14 સીરીઝના બેઝ વેરિઅન્ટમાં 3,279mAh બેટરી, iPhone 14 Plusમાં 4,325mAh બેટરી, iPhone 14 Proમાં 3,200mAh બેટરી અને iPhone 14 Pro Maxમાં 4,323mAh બેટરી આપી હતી. એટલે કે આ વખતે તમને ટોપ એન્ડ મૉડલમાં સારો બેટરી સપોર્ટ મળશે અને તે એક જ ચાર્જ પર કલાકો સુધી ચાલશે.
એપલે લૉન્ચ ઈવેન્ટમાં બેટરીની ક્ષમતા અંગે માહિતી આપી ન હતી. અમને લાગે છે કે આનું કારણ એ હોઈ શકે છે કારણ કે નવી સીરીઝમાં જૂની સીરીઝની તુલનામાં વધુ બેટરી ક્ષમતા નથી, તેથી કંપનીએ ગ્રાહકોને આ વિશે માહિતી આપી નથી.
ભારતમાં iPhone 15 સીરીઝની કિંમત -
ભારતમાં iPhone 15ના 128GB વેરિઅન્ટની કિંમત 79,900 રૂપિયા છે જ્યારે 256GB મૉડલ 89,900 રૂપિયામાં વેચાઈ રહ્યું છે. તેવી જ રીતે, 512GB વેરિઅન્ટની કિંમત 1,09,900 રૂપિયા છે. iPhone 15 Plusની વાત કરીએ તો તેના 128GB મૉડલની કિંમત 89,900 રૂપિયા, 256GB વેરિઅન્ટની કિંમત 99,900 રૂપિયા અને 512GB મૉડલની કિંમત 1,19,900 રૂપિયા છે. iPhone 15 Proની કિંમત 1,34,900 રૂપિયાથી શરૂ થાય છે જ્યારે 15 Pro Maxની કિંમત 1,59,900 રૂપિયા છે.
ટ્રેન્ડિંગ સમાચાર
ટોપ સ્ટોરી
