Lenovoનું કમાલનું લેપટોપ, નહિ પડે વીજળીની જરૂર, આ રીતે થશે ચાર્જ

Lenovo સૌર ઉર્જાથી ચાર્જ થનાર વિશ્વનું પ્રથમ લેપટોપ તૈયાર કરી રહ્યું છે. કંપની આગામી મોબાઈલ વર્લ્ડ કોંગ્રેસમાં પોતાનો કોન્સેપ્ટ રજૂ કરી શકે છે. તેને ચાર્જ કરવા માટે વીજળીની જરૂર નહીં પડે.

Lenovo સૌર ઉર્જાથી ચાર્જ થનાર વિશ્વનું પ્રથમ લેપટોપ તૈયાર કરી રહ્યું છે

Source : Source : x.com

Lenovo એક અદ્ભુત લેપટોપ તૈયાર કરી રહ્યું છે. તેનો કોન્સેપ્ટ આગામી મોબાઈલ વર્લ્ડ કોંગ્રેસ (MWC)માં રજૂ કરવામાં આવી શકે છે. આ લેપટોપને ક્યારેય વીજળીની જરૂર પડશે નહીં અને તે સૌર ઉર્જાથી ચાર્જ થતું રહેશે. આ વિશ્વનું પ્રથમ આ પ્રકારનું લેપટોપ હશે. કહેવામાં આવી રહ્યું છે કે, આ લેપટોપમાં સોલર સેલથી બનેલા ખાસ ઢાંકણનો ઉપયોગ કરવામાં આવશે. તેને એવી રીતે ડિઝાઇન કરવામાં આવશે કે તે લેપટોપ ઉપયોગમાં હોય કે બંધ હોય ત્યારે પણ તેને ચાર્જ કરતું રહેશે.

મર્યાદિત માહિતી પ્રકાશમાં આવી

અત્યાર સુધી, Lenovoના આ કોન્સેપ્ટ વિશે માત્ર મર્યાદિત માહિતી જ સામે આવી છે. અનુમાન લગાવવામાં આવી રહ્યું છે કે, કંપનીનું આ યોગા-બ્રાન્ડેડ લેપટોપ પાતળા કદ અને ઓછા વજનમાં આવશે. અત્યારે માત્ર તે એક કોન્સેપ્ટ હોવાની માહિતી છે. મતલબ કે લોકોએ તેને ખરીદવા માટે લાંબો સમય રાહ જોવી પડી શકે છે. એ પણ જરૂરી નથી કે કંપનીઓએ કોન્સેપ્ટ તરીકે રજૂ કરેલા ઉપકરણો વેચાણ માટે ઉપલબ્ધ કરાવે. આવી સ્થિતિમાં તેની ઉપલબ્ધતા વિશે કંઈપણ કહેવું વહેલું ગણાશે.

સૌર ઉર્જાથી ચાલતા ઉપકરણો આવી ચૂક્યા છે

આ પહેલીવાર નથી જ્યારે સૌર ઉર્જાથી ચાલતા ઉપકરણનો ખ્યાલ રજૂ કરવામાં આવી રહ્યો છે. આ ટેક્નોલોજીનો ઉપયોગ પહેલા પણ સ્માર્ટફોન અને અન્ય ડિવાઈસમાં થઈ ચૂક્યો છે, પરંતુ ઓછા પાવર જનરેશનને કારણે તે સફળ થઈ ન હતી. આ કારણોસર, સૌર-સંચાલિત ચાર્જિંગનો ઉપયોગ ફક્ત એવા ઉપકરણોમાં કરવામાં આવે છે જેમાં ઓછી ઊર્જાની જરૂર હોય જેમ કે કેલ્ક્યુલેટર અને ઘડિયાળો વગેરે. લેનોવો આ કોન્સેપ્ટ રજૂ કરી રહ્યું હોવાથી, શક્ય છે કે તેણે સોલર ટેક્નોલોજીમાં કેટલીક મોટી સફળતા હાંસલ કરી હોય.

લેનોવોએ ઘણા કોન્સેપ્ટ રજૂ કર્યા છે           

    છેલ્લા કેટલાક વર્ષોમાં, લેનોવોએ ઘણા ઉપકરણોના ખ્યાલો રજૂ કર્યા છે. તેમાં રોલેબલ સ્ક્રીન સાથેનું લેપટોપ, રોલેબલ સ્માર્ટફોન અને ટુ-વે સેટેલાઇટ કનેક્ટિવિટી સાથેનો સ્માર્ટફોન વગેરેનો સમાવેશ થાય છે.