Googleની આ સર્વિસ 2023માં થઇ જશે બંધ, જાણો અત્યારે સુધી કંપનીએ કઇ પાંચ મહત્વની સર્વિસને કરી ચૂકી છે બંધ

કંપની હવે વર્ષ 2023મા પોતાની ખાસ મહત્વની સર્વિસ Google Street View App બંધ કરવા જઇ રહી છે.

ફાઇલ તસવીર

Tech Details: દુનિયાના ટેક જાયન્ટ્સ ગૂગલ હવે પોતાની યૂઝર્સને વધુ સારી સેવા આપવા માટે એકથી એક ચઢિયાતી પ્રૉડક્ટ્સ લઇને આવી રહી છે, અને કેટલીક જુની પ્રૉડક્ટ્સ કે સર્વિસને બંધ પણ કરી રહી છે. હવે રિપોર્ટ છે કે, કંપની હવે વર્ષ 2023મા પોતાની ખાસ મહત્વની સર્વિસ Google Street View App બંધ કરવા જઇ રહી છે. જાણો આ પહેલા કંપની કઇ કઇ ખાસ પ્રૉડક્ટ્સને બંધ કરી ચૂકી છે.... 

Google Street View App : ગૂગલે 2015માં સ્ટેન્ડઅલોન સ્ટ્રીટ વ્યૂ એપ રજૂ કરી હતી. ગયા મહિને કંપનીએ જાહેરાત કરી હતી કે તે એપ્લિકેશનને બંધ કરવા જઈ રહી છે અને તેને પ્લે સ્ટોર અને એપ સ્ટોરમાંથી સંપૂર્ણપણે દૂર કરશે. માર્ચ 2023થી એપ સંપૂર્ણપણે બંધ થઈ જશે.

Google Stadia : ગૂગલે આ વર્ષની શરૂઆતમાં જાહેરાત કરી હતી કે તે તેની ક્લાઉડ-આધારિત ગેમ-સ્ટ્રીમિંગ સેવા સ્ટેડિયાને બંધ કરી રહી છે. 18 જાન્યુઆરી, 2023ના રોજ આ સેવા સંપૂર્ણપણે બંધ થઈ જશે.

YouTube Go App : ગૂગલે 2016માં એન્ડ્રોઇડ માટે લાઇટ યુટ્યુબ ગો એપ લોન્ચ કરી હતી. ત્યાર બાદ આ વર્ષની શરૂઆતમાં કંપનીએ જાહેરાત કરી કે તે એપને બંધ કરી રહી છે. કંપનીએ ઓગસ્ટ 2022માં એપને બંધ કરવાનું શરૂ કર્યું હતું.

Google Hangouts : Googleએ 2013 માં Hangouts એપ્લિકેશન રજૂ કરી હતી. 2020થી કંપનીએ સત્તાવાર રીતે લોકોને Hangoutsથી Google Chat પર લઈ જવાનું શરૂ કર્યું અને કંપનીએ નવેમ્બર 2022માં પ્લેટફોર્મને સંપૂર્ણપણે બંધ કરી દીધું.

Google Duplex on Web : ગૂગલે 2019 માં વેબ પર ગૂગલ ડુપ્લેક્સ રજૂ કર્યું હતું. આ મહિનાની શરૂઆતમાં, કંપનીએ જાહેરાત કરી હતી કે તે ડિસેમ્બર 2022 થી વેબ પર ડુપ્લેક્સ માટે તેની કોઈપણ ઓટોમેશન સુવિધાઓને સમર્થન આપશે નહીં.

 

Google layoff: ગૂગલમાં 10,000 લોકો નોકરી ગુમાવશે, કંપનીની આ નવી સિસ્ટમ કર્મચારીઓ માટે બનશે મુસીબત

10,000 નોકરીઓ જોખમમાં છે

મીડિયા રિપોર્ટ્સ સૂચવે છે કે ગૂગલના આ પગલાથી 10,000 કર્મચારીઓને અસર થશે. તે જ સમયે, શક્ય છે કે કંપનીએ માત્ર તેના ખર્ચને ઘટાડવા માટે આ પગલું ભર્યું હોય.