WhatsApp એ લોન્ચ કર્યુ નવું સિક્યોરિટી ફીચર, હવે કોઈ નહીં જોઈ શકે તમારી પર્સનલ ચેટ, જાણો કેવી રીતે કરશો એક્ટિવ

આ વર્ષે WhatsAppએ એક નવું ફીચર ચેટ લોક રજૂ કર્યું છે. હવે વોટ્સએપ દ્વારા સિક્રેટ કોડ ફીચર ઉમેરવામાં આવ્યું છે. જે સિક્યોરિટીનું  વધારાનું સ્તર છે

ફાઈલ તસવીર

Source : PTI

WhatsApp New Feature: વોટ્સએપ સમયાંતરે યુઝર્સ માટે નવા સિક્યોરિટી ફીચર્સ લોન્ચ કરતું રહે છે. તાજેતરમાં WhatsAppએ એક નવું સિક્રેટ ક્વોટ ચેટ ફીચર લોન્ચ કર્યું છે, જેના દ્વારા તમે તમારી પર્સનલ ચેટને સુરક્ષિત કરી શકો છો. માર્ક ઝકરબર્ગે ખુદ પોતાની વોટ્સએપ ચેનલ પર સિક્રેટ ચેટ ફીચરની માહિતી શેર કરી હતી. તેણે કહ્યું કે પર્સનલ ચેટ્સને સુરક્ષિત રાખવા માટે આ શ્રેષ્ઠ ફીચર છે. જો તમે પણ તમારા વોટ્સએપ એકાઉન્ટમાં આ ફીચર એક્ટિવેટ કરવા માંગો છો, તો અમે તમને અહીં તેના વિશે જણાવી રહ્યા છીએ.

વોટ્સએપને આ ચેટ ફીચરની જરૂર કેમ પડી?

વોટ્સએપે થોડા સમય પહેલા ચેટ લોક ફીચર લોન્ચ કર્યું હતું, તેમ છતાં યુઝર્સની ચેટ લીક થઈ રહી હતી. આવી સ્થિતિમાં હવે વ્હોટ્સએપે પર્સનલ ચેટ્સને વધુ સુરક્ષિત બનાવવા માટે એક્સ્ટ્રા લેયર સિક્યોરિટી ફીચર રજૂ કર્યું છે, જે સિક્રેટ કોડથી સજ્જ છે. આ સિક્રેટ કોડ ફીચરની મદદથી તમે તમારી ચેટને પહેલા કરતા વધુ સુરક્ષિત રાખી શકો છો.

સિક્રેટ ચેટ ફીચરમાં શું છે ખાસ

આ વર્ષે WhatsAppએ એક નવું ફીચર ચેટ લોક રજૂ કર્યું છે. હવે વોટ્સએપ દ્વારા સિક્રેટ કોડ ફીચર ઉમેરવામાં આવ્યું છે. જે સિક્યોરિટીનું  વધારાનું સ્તર છે. મતલબ કે, જો તમે તમારો ફોન બીજા કોઈને આપો છો, તો તમારી પર્સનલ ચેટ લીક થવાની કોઈ શક્યતા નહીં રહે. જ્યારે તમે સિક્રેટ કોડ દાખલ કરશો ત્યારે યુઝર્સ લૉક કરેલું ચેટ ફોલ્ડર જોશે.

ચેટ લોક માટે સિક્રેટ કોડ કેવી રીતે સેટ કરશો

• સૌથી પહેલા ચેટ લોક ફીચર ઓપન કરો. આ પછી ચેટને નીચે સ્વાઈપ કરો.
• આ પછી, ઉપરના જમણા ખૂણામાં દેખાતા ત્રણ બિંદુઓ પર ટેપ કરો અને ચેટ લોક સેટિંગ ખોલો.
• કોડ સેટ કરવા માટે સિક્રેટ કોડ પર ટૅપ કરો. આ પછી તમે તેને વર્ડ અને ઇમોજી જોડીને બનાવી શકો છો.
• આ પછી તમારો કોડ બનાવો અને નેક્સ્ટ પર ટેપ કરો.
• પછી કોડ કન્ફર્મ કરો અને ડન પર ટેપ કરો.
• આ પછી Hide Lock Chat ટૉગલ કરો.
• આ પછી, તમે જે ચેટને લોક કરવા માંગો છો તેના પર ડાબે સ્વાઇપ કરો અથવા લોગ દબાવો.
• લૉક ચેટ પર ટૅપ કરો.
• આ પછી, તમે ફિંગરપ્રિન્ટ અથવા ફેસ આઈડી વડે ચેટને લોક કરી શકો છો.