Tech Tips: Phone હેક થતાં જ જોવા મળે છે આ સંકેત, જો તમે નૉટિસ નહીં કરો તો થશે મોટુ નુકસાન

How to Save Your Phone From Hacking: આજના સમયમાં હેકર્સ એટલા એડવાન્સ થઈ ગયા છે કે તેઓ ગમે ત્યારે, ગમે ત્યાં તમારો ફોન હેક કરી શકે છે. જે પછી તેઓ તમારા મૂલ્યવાન ડેટાનો દુરુપયોગ કરે છે

(તસવીર- એબીપી લાઇવ)

How to Save Your Phone From Hacking: આજના સમયમાં હેકર્સ એટલા એડવાન્સ થઈ ગયા છે કે તેઓ ગમે ત્યારે, ગમે ત્યાં તમારો ફોન હેક કરી શકે છે. જે પછી તેઓ તમારા મૂલ્યવાન ડેટાનો દુરુપયોગ કરે છે. સાયબર ક્રાઈમની ફરિયાદો દરરોજ વધી રહી છે. ફોન હેક થયા બાદ યૂઝર્સની બેન્ક ડિટેલ્સ, મહત્વપૂર્ણ પાસવર્ડ્સ, ફોટો, વીડિયો બધુ હેકરના કંટ્રોલમાં આવી જાય છે, જેના કારણે તેમને ઘણું નુકસાન થઈ શકે છે. પણ હવે તમારે ચિંતા કરવાની જરૂર નથી. ફક્ત કેટલીક મહત્વપૂર્ણ બાબતો પર વિશેષ ધ્યાન આપવાથી તમે સમયસર પગલાં લઈ શકશો અને તમારા ફોનને હેકિંગથી બચાવી શકશો, જાણો અહીં....

અજાણ્યા કૉલ અને મેસેજનું વારંવાર આવવું 
ફોન હેક થયા બાદ હેકર બીજી આઈડી બનાવે છે. જે પછી યૂઝરને અજાણ્યા કોલ અને મેસેજ આવવા લાગે છે, જેનો અર્થ એલાર્મ બેલ છે. જો તમારી સાથે આવું થાય તો સમજી લો કે તમારો ફોન હેક થઈ ગયો છે.

મોબાઇલ ફોન સારી રીતે કામ નથી કરતો 
જ્યારે મોબાઈલ બરાબર કામ નથી કરતો ત્યારે લોકો વિચારે છે કે સ્ટૉરેજ ભરાઈ જવાને કારણે આવું થઈ રહ્યું છે, પરંતુ યોગ્ય રીતે કામ ના કરવા પાછળનું કારણ તમારો મોબાઈલ હેક થવાનું પણ હોઈ શકે છે. મોબાઈલ હેક થયા બાદ હેકર્સ તેમાં વાયરસ કે માલવેર નાંખે છે. જેના કારણે મોબાઈલ ધીમે ધીમે કામ કરવા લાગે છે.

મોબાઇલ ફોનમાં અજાણી એપને ના કરો ઇન્સ્ટૉલ 
જો તમારા મોબાઈલમાં અચાનક અજાણી એપ્સ દેખાવા લાગે તો, તે પણ જે તમે ઈન્સ્ટૉલ કરી નથી. તેથી તમારે સમજવું જોઈએ કે તમારો મોબાઈલ હેક થઈ ગયો છે અને ખોટા હાથોમાં પહોંચી ગયો છે. કેટલાક હેકર્સ મોબાઈલમાં અજાણી એપ્સનો ઉપયોગ કરીને તમારો ડેટા ચોરી કરવાનો પ્રયાસ કરે છે.

મોબાઇલ વધુ ગરમ થાય તે પણ સારુ નથી 
ઘણી વખત હેકર્સ મોબાઈલ હેક કરી બેકગ્રાઉન્ડમાં ઘણા પ્રોગ્રામ ચલાવે છે. જેના કારણે ફોન ગરમ થઈ જાય છે અને લોકો વિચારે છે કે ફોનનો વધુ ઉપયોગ કરવાને કારણે જ તે આટલો ગરમ થઈ રહ્યો છે. તેથી આગલી વખતે જ્યારે પણ તમારો ફોન વધુ ગરમ થવા લાગે, તો તરત જ તેને તપાસો.

મોબાઇલને કઇ રીતે રાખશો સેફ 
તમારા ફોનને હેકર્સથી બચાવવા માટે તમારા મોબાઇલને અપડેટ રાખો, જે તમારા ફોનની સુરક્ષા સેટિંગ્સને પણ અપડેટ કરશે. આ સિવાય તમારા ફોનના પાસકોડ અને તેમાં હાજર મહત્વપૂર્ણ એપ્સ મજબૂત હોવા જોઈએ. ફોનમાં કોઈપણ એપ ઈન્સ્ટૉલ કરતા પહેલા તેને સારી રીતે સમજી લો. તમારા ફોનને વાયરસથી બચાવવા માટે, એન્ટી-વાયરસનો ઉપયોગ કરો અને તમારા ફોનને હેકર્સથી સુરક્ષિત કરો.