WhatsApp પર હવે ચેટિંગની મજા થશે બમણી, આ નવા ફિચરથી કોઇ કૉન્ટેક્ટ નહીં થાય મિસ

WABetaInfo એ આ ફિચરને લઈને એક સ્ક્રીનશોટ શેર કર્યો છે. આ સુવિધા ખાસ છે કારણ કે તે તમને તે સંપર્કો સાથે ચેટ કરવાનું યાદ કરાવશે જેમને તમે આકસ્મિક રીતે ભૂલી ગયા છો

(તસવીર- સોશ્યલ મીડિયા પરથી)

WhatsApp New Feature: વૉટ્સએપ પર એક પછી એક નવા ફિચર્સનો ભરાવો છે. કંપનીએ હવે ચેટિંગ અનુભવને મનોરંજક બનાવવા માટે નવા ફિચર્સ લાવવાનું શરૂ કર્યું છે. વૉટ્સએપના આ ફિચરનું નામ સજેસ્ટેડ કોન્ટેક્ટ્સ છે, જે કોન્ટેક્ટ્સના નામ સૂચવશે. આમાં તમને ચેટ લિસ્ટમાં સૂચવેલા સંપર્કોનો વિકલ્પ મળશે.

WABetaInfo એ આ ફિચરને લઈને એક સ્ક્રીનશોટ શેર કર્યો છે. આ સુવિધા ખાસ છે કારણ કે તે તમને તે સંપર્કો સાથે ચેટ કરવાનું યાદ કરાવશે જેમને તમે આકસ્મિક રીતે ભૂલી ગયા છો. આ સાથે યુઝર્સ પણ એકબીજા સાથે જોડાયેલા રહેશે. ઘણીવાર એવું જોવા મળે છે કે આપણે જેની સાથે સૌથી વધુ વાત કરીએ છીએ તે યુઝર્સના નામ ટોપ પર રહે છે. આ કારણે બાકીના કોન્ટેક્ટ્સ મિસ થઈ ગયા છે.

વૉટ્સએપના આ બીટા વર્ઝનમાં દેખાયુ ફિચર 
રિપોર્ટ અનુસાર, આ નવું ફિચર iOS 24.8.10.70 માટે WhatsApp બીટામાં જોવા મળ્યું છે. હાલમાં આ અપડેટ ટેસ્ટ ફ્લાઈટ એપ પર ઉપલબ્ધ છે. કંપનીએ હાલમાં જ તે બીટા યુઝર્સ માટે આ ફિચર રોલઆઉટ કર્યું છે જેઓ ટેસ્ટ ફ્લાઈટથી iOS માટે WhatsAppનું લેટેસ્ટ વર્ઝન ઈન્સ્ટોલ કરશે. જો કે, બાદમાં કંપની તેને બીટા કંપની iOSના વૈશ્વિક યૂઝર્સ માટે પણ રોલ આઉટ કરી શકે છે.

અગાઉ, WhatsAppની ફોટો ગેલેરી સંબંધિત એક નવા ફિચર વિશે માહિતી મળી હતી, જેમાં WhatsApp ફોનમાં ફોટો લાઇબ્રેરી એક્સેસ માટે એક નવો શોર્ટકટ લાવ્યું છે, જેને કંપનીએ રોલઆઉટ કરવાનું શરૂ કરી દીધું છે. આમાં, જો યૂઝર્સ ચેટ બારની ડાબી બાજુએ આપેલા પ્લસ આઇકોનને લાંબો સમય સુધી દબાવશે, તો તે સીધો ફોટો ગેલેરીમાં જશે.