આજે તમારા મોબાઈલમાં આવશે એક ચેતવણીનો મેસેજ, સરકાર જ મોકલશે આ મેસેજ, જાણો કેમ
કટોકટી દરમિયાન સમયસર ચેતવણી આપીને જાહેર સલામતી વધારવા તેમજ જાનહાનિ અટકાવવાના ઉદ્દેશ્ય સાથે ભવિષ્યમાં આ વ્યવસ્થા અમલી બનાવવામાં આવનાર છે તેના પરીક્ષણના ભાગરૂપે આ મેસેજ મોકલવામાં આવનાર છે.
Emergency alert Messsgae: સમગ્ર રાજ્યમાં આજે તા.૧૬ ઓક્ટોબર ૨૦૨૩ સોમવારના રોજ સવારે ૧૧.૦૦ કલાકે 'Large Scale Testing of Cell Broadcast' થનાર છે. સેલ બ્રોડકાસ્ટ એલર્ટ સિસ્ટમ એ મોબાઈલ ઉપકરણો પર વિવિધ કુદરતી આપત્તિની મહત્વપૂર્ણ માહિતી મોકલવા માટેની સુવિધા છે. હવામાનની વિવિધ ગંભીર ચેતવણીઓથી લઈને સ્થળાંતર,બચાવ કામગીરી જેવી સૂચનાઓ મોબાઈલ ઉપકરણો દ્વારા જાહેર જનતાને સલામતી માટે મોકલવામાં આવશે.આ અંગેના આપના મોબાઈલ ઉપર ટેસ્ટીંગ મેસેજ પ્રસારિત થશે.
“આ સેમ્પલ ટેસ્ટિંગ મેસેજ" છે જે ભારત સરકારના ટેલિકોમ્યુનિકેશન વિભાગ દ્વારા સેલ બ્રોડકાસ્ટિંગ સિસ્ટમ દ્વારા મોકલવામાં આવે છે. આ મેસેજ- સંદેશને અવગણવો કારણ કે તમારા તરફથી કોઈ પગલાં કે ચિંતા કરવાની જરૂર નથી. આ સંદેશ નેશનલ ડિઝાસ્ટર મેનેજમેન્ટ ઓથોરિટી દ્વારા લાગુ કરવામાં આવી રહેલી સમગ્ર દેશની ઇમરજન્સી એલર્ટ સિસ્ટમના પરીક્ષણ માટે મોકલવામાં આવ્યો છે.
કટોકટી દરમિયાન સમયસર ચેતવણી આપીને જાહેર સલામતી વધારવા તેમજ જાનહાનિ અટકાવવાના ઉદ્દેશ્ય સાથે ભવિષ્યમાં આ વ્યવસ્થા અમલી બનાવવામાં આવનાર છે તેના પરીક્ષણના ભાગરૂપે આ મેસેજ મોકલવામાં આવનાર છે તેમ, સ્ટેટ ઇમરજન્સી ઓપરેશન સેન્ટર, ગાંધીનગરની યાદીમાં જણાવાયું છે.
ઉલ્લેખનીય છે કે,નેશનલ ડિઝાસ્ટર મેનેજમેન્ટ ઓથોરિટી- NDMA દ્વારા SACHET પોર્ટલ વિકસાવવામાં આવ્યું છે. આ પોર્ટલ થકી જાહેર જનતાને ડિઝાસ્ટર સંબંધી મેસેજ અલગ અલગ માધ્યમથી મોકલી શકાય છે.
જો તમે વિચારી રહ્યા હોવ કે સરકાર આટલો અચાનક આ મેસેજ કેમ મોકલી રહી છે, તો તેનો સરળ જવાબ છે કે સરકાર કટોકટીના સમયમાં આ બ્રોડકાસ્ટિંગ મેસેજ સર્વિસનો ઉપયોગ કરશે. ઉદાહરણ તરીકે, ધારો કે તમારા વિસ્તારમાં જોરદાર તોફાન અથવા પૂર આવવાની સંભાવના છે, તો આ સ્થિતિમાં સરકાર તેની સિસ્ટમનો ઉપયોગ કરશે અને તમને સમયસર એલર્ટ કરશે જેથી તમે તમારી જાતને બચાવવા માટે જે શક્ય હોય તે કરી શકો. એક રીતે જોઈએ તો આ ઈમરજન્સી એલર્ટ સિસ્ટમ રેડિયો પર મોકલવામાં આવતા એલર્ટની જેમ જ કામ કરશે. અગાઉ રેડિયો પર ચેતવણી સંદેશ મોકલવામાં આવતો હતો અને હવે તે મોબાઈલ પર મોકલવામાં આવી રહ્યો છે કારણ કે સ્માર્ટફોનનો ઉપયોગ વધી ગયો છે.
ટોપ સ્ટોરી
ટ્રેન્ડિંગ સમાચાર
