WhatsAppના આ નવા ફીચર્સ તમે ટ્રાય કર્યા? ના કર્યા હોય તો આજે જ કરી લો, ખૂબ જ છે કામના

WhatsApp New features: આ વર્ષે Meta એ એપમાં કેટલાક શાનદાર ફીચર્સ ઉમેર્યા છે

પ્રતિકાત્મક તસવીર

WhatsApp New features: વોટ્સએપ તમે બધા આખા દિવસમાં એક કે બે કલાક યુઝ કરતા હશો. આ વર્ષે Meta એ એપમાં કેટલાક શાનદાર ફીચર્સ ઉમેર્યા છે, જેના વિશે અમે તમને અહીં જણાવવા જઈ રહ્યા છીએ. આ ફીચર્સ તમારી પ્રાઇવેસીને વધુ સારી અને ચેટિંગ અનુભવને વધુ સારો બનાવશે. ભારતમાં 550 મિલિયનથી વધુ લોકો વોટ્સએપનો ઉપયોગ કરે છે, જ્યારે વિશ્વભરમાં એપનો યુઝરબેઝ 2 બિલિયનથી વધુ છે.

વોટ્સએપમાં 5 નવા ફીચર્સ ઉમેરવામાં આવ્યા છે

HD Photo: WhatsAppએ હાલમાં જ યુઝર્સને HD ફોટો શેરનો વિકલ્પ આપ્યો છે. અત્યાર સુધી ફોટો ડિફોલ્ટ રૂપે ઓછા રિઝોલ્યુશનમાં શેર કરવામાં આવતો હતો પરંતુ હવે કંપનીએ HD ફીચરને લાઈવ કરી દીધું છે જેની મદદથી તમે પહેલા કરતા વધુ સારા ફોટા એકબીજા સાથે શેર કરી શકો છો.

Instant video messages:  વોટ્સએપમાં હવે તમે તરત જ ટૂંકા વિડિયો મેસેજ રેકોર્ડ કરી શકો છો અને સામેની વ્યક્તિને મોકલી શકો છો. આ ફીચર હેઠળ તમે 60 સેકન્ડ સુધીના વીડિયો શેર કરી શકો છો.

Edit Message: અત્યાર સુધી વોટ્સએપમાં મેસેજ એડિટ કરવાનો કોઈ વિકલ્પ નહોતો. જો કોઈ મેસેજ ખોટી રીતે ટાઇપ કરવામાં આવ્યો હોય તો વ્યક્તિએ તેને ડિલીટ કરીને ફરીથી લખવો પડતો હતો. પરંતુ હવે તમે એડિટ મેસેજ ફીચર હેઠળ આગામી 15 મિનિટ માટે ખોટી રીતે મોકલેલા મેસેજને એડિટ કરી શકશો.                      

Mute unknown callers: વૉટ્સએપમાં તમે અજાણ્યા નંબરો પરથી આવતા કૉલ્સને મ્યૂટ કરી શકો છો. તમને સેટિંગની અંદર આ વિકલ્પ મળશે. તમે કૉલ ટેબની અંદર સાયલન્ટ કૉલ્સ જોશો. આ સુવિધાનો ફાયદો એ છે કે કામ વચ્ચે કોઈ ખલેલ પહોંચાડશે નહીં.

Secure Private Chats: WhatsApp હવે ચેટ લોકને સપોર્ટ કરે છે જ્યાં યુઝર્સ તેમની Saucy ચેટ્સ સિક્યોર કરી શકે છે. ફિંગરપ્રિન્ટની મદદથી માત્ર મોબાઈલ માલિક જ આ ચેટ્સ ઓન કરી શકે છે.

જો તમે હજી સુધી આ ફીચર્સનો ઉપયોગ કર્યો નથી, તો તમારે તેને એકવાર ટ્રાય કરવો જોઇએ.  કોઈપણ ફીચરને ટ્રાય કરવા માટે તમારે સેટિંગ પેજમાં જવું પડશે અને ત્યાં તેને સર્ચ કરવું પડશે.