India-Pakistan Tension: ઇમર્જન્સીનું મળશે આપના સ્માર્ટ ફોન પર એલર્ટ, આ રીતે ઓન કરો સેટીંગ

Emergency Alert:જો બે દેશો વચ્ચે યુદ્ધ થાય છે, તો આ સ્થિતિમાં તમારે અગાઉથી તૈયાર રહેવાની જરૂર છે જેથી તમે કોઈપણ એલર્ટને મિસ ન કરો. અહીં પ્રશ્ન એ છે કે, આપણને કટોકટીની ચેતવણી કેવી રીતે મળશે?

પ્રતીકાત્મક તસવીર

Source : freepik

Emergency Alert: ભારત અને પાકિસ્તાન વચ્ચે વધતા તણાવને કારણે બંને દેશો વચ્ચે યુદ્ધ પણ થઈ શકે છે. આ પરિસ્થિતિ પહેલા જ, સરકાર કટોકટીની પરિસ્થિતિનો સામનો કરવા માટે તૈયારીઓમાં વ્યસ્ત છે; કટોકટીની સ્થિતિમાં સરકાર દ્વારા એલર્ટ જાહેર કરવામાં આવે છે. તમને એલર્ટ મળશે કે નહીં તે તમારા ફોનમાં ઇમરજન્સી એલર્ટ ફીચર ચાલુ છે કે નહીં તેના પર આધાર રાખે છે.

પહેલગામ હુમલાનો બદલો લેતા, ભારતે ઓપરેશન સિંદૂર હેઠળ પાકિસ્તાનમાં ઘણા આતંકવાદી ઠેકાણાઓનો નાશ કર્યો. જો ભારત અને પાકિસ્તાન વચ્ચે યુદ્ધ થાય છે, તો કટોકટીમાં તમારો સ્માર્ટફોન તમારા માટે કેવી રીતે ઉપયોગી થઈ શકે છે, આજે અમે તમને આ વિશે માહિતી આપવા જઈ રહ્યા છીએ. કટોકટીની સ્થિતિમાં, સરકાર દ્વારા એક એલર્ટ જાહેર  કરવામાં આવે છે અને આ એલર્ટ દરેકના ફોનમાં વાગવા લાગે છે, પરંતુ શું તમને સરકાર તરફથી એલર્ટ મળશે? આ એક મોટો પ્રશ્ન છે જેનો જવાબ તમારા ફોનમાં જ છુપાયેલો છે.

જો બે દેશો વચ્ચે યુદ્ધ થાય છે, તો આ સ્થિતિમાં તમારે અગાઉથી તૈયાર રહેવાની જરૂર છે જેથી તમે કોઈપણ એલર્ટને મિસ ન કરો. અહીં પ્રશ્ન એ છે કે, આપણને કટોકટીનું એલર્ટ કેવી રીતે મળશે? મોટાભાગના લોકો જાણતા હશે કે ફોનમાં એક ઉપયોગી ફીચર છે જે ઈમરજન્સીના સમયે એલર્ટ કરે છે, પરંતુ હજુ પણ ઘણા લોકો એવા છે જેમને આ ફીચરની જાણ પણ નથી.

ચેતવણી 60 સેકન્ડ માટે ઉપલબ્ધ છે

એર રેઇડ સાયરનનો ઉપયોગ હવાઈ હુમલો અથવા મિસાઇલ હુમલા જેવા જોખમો વિશે જનતાને ચેતવણી આપવા માટે થાય છે, આ સાયરન કુદરતી આફતો દરમિયાન પણ સક્રિય રહે છે. સામાન્ય રીતે સાયરન લગભગ 60 સેકન્ડ સુધી વાગે છે. આજે એટલે કે 7 મેના રોજ યોજાનારી  મોક ડ્રીલ માટે પણ  સ્માર્ટફોન પર એલર્ટ મળી શકે છે.

ફોન પર આ રીતે ઓન કરો Emergency Alert

સૌ પ્રથમ ફોનમાં સેટિંગ્સ ખોલો. આ પછી સેફ્ટી એન્ડ ઇમરજન્સી વિકલ્પ પર ક્લિક કરો. સેફ્ટી એન્ડ ઇમરજન્સીમાં તમને વાયરલેસ ઇમરજન્સી એલર્ટ્સ વિકલ્પ દેખાશે. આ વિકલ્પ પર ટેપ કરો. આ વિકલ્પમાં, Allow Alerts, Test Alerts જેવા વિકલ્પો ઓન  કરો.