YouTube Games: હવે યુટ્યુબ પર પણ રમી શકાશે ગેમ, GTA સહિત આ 75 ગેમ્સનો કરવામાં આવ્યો સમાવેશ
YouTube: યુટ્યુબ પર એક નવું ફીચર શરૂ કરવામાં આવ્યું છે, જેના હેઠળ ગેમર્સ યુટ્યુબ પર જ જીટીએ સહિત 75 થી વધુ ગેમ રમી શકશે. આવો અમે તમને આ નવા ફીચર વિશે જણાવીએ.
YouTube Playables: અત્યાર સુધી તમે YouTube પર વીડિયો જોતા અને ગીતો સાંભળતા હશો, પરંતુ હવે તમે YouTube પર ગેમ પણ રમી શકશો. યુટ્યુબે તેના યુઝર્સ માટે આ નવું ફીચર રોલઆઉટ કરવાનું શરૂ કરી દીધું છે. યુટ્યુબના આ નવા ફીચરનું નામ પ્લેએબલ છે. YouTube એ એન્ડ્રોઇડ, iOS અને વેબ પ્લેટફોર્મ માટે તેની નવી પ્લેએબલ સુવિધા શરૂ કરી છે.
યુટ્યુબના ગેમિંગ ફિચર્સ
આ નવા ફીચર દ્વારા ગેમર્સ હવે યુટ્યુબ એપમાં જ ગેમિંગનો અનુભવ માણી શકશે. વાસ્તવમાં, YouTube પર Playables આ નવા ફીચર દ્વારા, ગેમર્સ યુટ્યુબ પર વીડિયો જોવા અને ગીતો સાંભળવાની સાથે ઘણી ગેમ રમી શકશે અને તેના માટે તેમને અન્ય કોઈ ગેમિંગ એપ ડાઉનલોડ કે ઇન્સ્ટોલ કરવાની જરૂર નહીં પડે.
Playables પર 75 થી વધુ ગેમ્સ ઉપલબ્ધ
હાલમાં, YouTube, તેના નવા પ્લેટફોર્મ Playables પર 75 થી વધુ ગેમ્સ ઉપલબ્ધ કરાવી છે. આ ગેમ્સ લોકોની વિવિધ પસંદગીઓ અનુસાર ઘણી વિવિધ શ્રેણીઓમાં વહેંચવામાં આવી છે. ટ્રિવિયા ક્રેક અને એંગ્રી બર્ડ્સ શોડાઉન જેવી ઘણી ગેમના નામ આ ગેમ્સની યાદીમાં સામેલ છે.
પ્લેયેબલ્સનો ઉપયોગ કેવી રીતે કરવો?
YouTube આ નવા ફિચર માટે પ્લેયબલ્સ માટે એક નવું ડેસ્ટિનેશન પેજ પણ બનાવ્યું છે. યુઝર્સ પોડકાસ્ટ હબ દ્વારા એક્સપ્લોર મેનુમાં જઈને તેને એક્સેસ કરી શકે છે. આ પૃષ્ઠની મુલાકાત લીધા પછી, ગેમર્સને ઘણી ગેમ્સ રમવાની તક મળશે. જો તમે કોઈપણ ગેમ પર ક્લિક કરશો તો ગેમ આપોઆપ શરૂ થઈ જશે અને તમે સરળતાથી ગેમ રમી શકશો.
દરેક ગેમના ઈન્ટરફેસમાં મ્યૂટ, અનમ્યૂટ, ઓડિયો સેવ કરવા સહિતના અન્ય ઘણા વિકલ્પો પણ ઉપલબ્ધ છે. નિયમિત YouTube વપરાશકર્તાઓ માટે, ગેમિંગ ઑડિયો ડિફૉલ્ટ રૂપે કામ કરશે, જ્યારે પ્રીમિયમ વપરાશકર્તાઓ માટે, ગેમ ઑડિઓ મ્યૂટ કરવામાં આવે તો પણ વિડિઓ બેકગ્રાઉન્ડમાં ચાલવાનું ચાલુ રાખશે.
કયા દેશોમાં ઉપલબ્ધ છે?
YouTube Playables અત્યાર સુધી યુનાઇટેડ સ્ટેટ્સ, કેનેડા, બ્રિટન અને ઓસ્ટ્રેલિયામાં પસંદગીના વપરાશકર્તાઓ માટે લોન્ચ કરવામાં આવ્યું છે. YouTube આગામી કેટલાક મહિનામાં અન્ય વપરાશકર્તાઓ અને વિશ્વના અન્ય દેશો માટે પણ આ સુવિધાને રોલ આઉટ કરી શકે છે. નોંધનીય છે વિશ્વમાં ગેમ્સ લવર્સની સંખ્યા દિવસેને દિવસે વધી રહી છે. એવામાં આ ફિચર લોકોને ખુબ ઉપયોગી થશે તે નક્કી છે.
ટ્રેન્ડિંગ સમાચાર
ટોપ સ્ટોરી
